ഏത്​ മാസ്​ക്കാണ്​ നല്ലത്​...? എങ്ങനെ ധരിക്കാം...? വിഡിയോയിലൂടെ വിശദീകരിച്ച്​ ഡോ. ശ്രീറാം നെനെ

രാജ്യത്ത്​ കോവിഡി​െൻറ രണ്ടാം തരംഗം ശക്​തി പ്രാപിക്കുകയും ഒാക്​സിജൻ ക്ഷാമം രൂക്ഷമാവുകയും ചെയ്യുന്ന സാഹചര്യമാണ്​. പ്രതിരോധ കുത്തിവയ്പ്പുകൾ നൽകുന്നത് തുടരുന്നുണ്ടെങ്കിലും, ആളുകൾ കോവിഡിനെ പിടിച്ചുകെട്ടാൻ സ്വയം ചില മുൻ കരുതലുകളും പ്രതിരോധ നടപടികളും സ്വീകരിക്കേണ്ടതുണ്ട്​. കൈകൾ ഹാൻഡ്​വാഷ്​ ഉപയോഗിച്ച്​ കഴുകലും സാനിറ്റൈസർ ഉപയോഗിക്കലും നമ്മുടെ വീടും പരിസരവും ജോലി ചെയ്യുന്ന ഇടവും വൃത്തിയായി സൂക്ഷിക്കലും അതി​െൻറ ഭാഗമാണ്​. എന്നാൽ, അതിനൊപ്പമോ, അതിനേക്കാൾ ഏറെയോ പ്രധാന്യം നൽകേണ്ടുന്ന ഒരു കാര്യം മാസ്​ക്​ ധരിക്കലാണ്​.

മാസ്​ക്​ ചുമ്മാ ധരിച്ചത്​ കൊണ്ട്​ കാര്യമില്ല. അത്​ ഏറ്റവും ശരിയായ രീതിയിൽ തന്നെ ധരിക്കേണ്ടതുണ്ട്​. മാസ്​ക്​ എങ്ങനെ ഫലപ്രദമായ രീതിയിൽ ധരിക്കാം എന്ന്​ വ്യക്​തമായി വിശദീകരിക്കുകയാണ്​ ഡോക്​ടറും ബോളിവുഡ്​ താരം മാധുരി ദീക്ഷിതി​െൻറ ഭർത്താവുമായ ശ്രീറാം  നെനെ. ഇൻസ്റ്റഗ്രാം റീൽ വിഡിയോയിലാണ്​ കാർഡിയോത്തോറാസിക് സർജനും ഹെൽത്ത് കെയർ ഇന്നൊവേറ്ററുമായ ഡോ. ശ്രീറാം മാസ്​ക്​ ധരിക്കൽ പരിശീലിപ്പിക്കുന്നത്​.

തുണികൊണ്ടുള്ള മാസ്​ക്​ ആണെങ്കിൽ ഒരേ സമയം രണ്ടെണ്ണം ഒന്നിന്​ മീതെ ഒന്നായി ധരിക്കാനും അല്ലെങ്കിൽ, ഒരു എൻ95 മാസ്​ക്​ ധരിക്കാനുമാണ്​ അദ്ദേഹം നിർദേശിക്കുന്നത്​. മാസ്​ക്​ യാതൊരു കാരണവശാലും മൂക്കിന്​ താഴെയോ, വായ മാത്രം മറയുന്ന രീതിയിലോ ധരിക്കരുതെന്നും അദ്ദേഹം വിഡിയോയിൽ പറയുന്നുണ്ട്​.

ഇപ്പോൾ ഇന്ത്യയിൽ വ്യാപിക്കുന്ന കോവിഡി​െൻറ പുതിയ വകഭേദത്തി​െൻറ അണുബാധയുടെ വേഗത ഏറെ ഉയർന്നതാണെന്നാണ്​ ആരോഗ്യ വിദഗ്​ധർ പറയുന്നത്​. അതുകൊണ്ട്​ തന്നെ മുൻകരുതൽ നടപടികളുടെ കാര്യത്തിൽ ആളുകൾ കൂടുതൽ ശ്രദ്ധ ചെലുത്തേണ്ടതുണ്ട്​. അണുബാധയിൽ നിന്ന് താരതമ്യേന മികച്ച സംരക്ഷണം ഉറപ്പാക്കുന്നതിനാൽ, ഇരട്ട ലെയറുകളുള്ള മാസ്​ക്കുകൾ തന്നെ ഇപ്പോൾ ധരിക്കേണ്ടതുണ്ട്​. യു.കെയിൽ കോവിഡി​െൻറ പുതിയ വകഭേദം വ്യാപിച്ചപ്പോൾ അവിടെയുള്ള ആരോഗ്യ വിഭാഗവും നിർദേശിച്ചത്​ ഇരട്ട ലെയർ സംരക്ഷണമുള്ള മാസ്​ക്കുകൾ ആയിരുന്നു. അല്ലെങ്കിൽ, ശരിയായ രീതിയിൽ വായും മൂക്കും മറയുന്നതും മികച്ച ഫിറ്റിങ്ങുമുള്ള ഒരു എൻ95 മാസ്​ക്​ ആയാലും മതി. എങ്കിലും ഇരട്ട ലെയറുകളുള്ള മാസ്​ക്​ തന്നെയാണ്​ ഏറ്റവും നല്ല സംരക്ഷണം നൽകുന്നതെന്നും ആരോഗ്യ വിദഗ്​ധർ ചൂണ്ടിക്കാട്ടുന്നു.