പട്ന: തനിക്ക് ജീവിതത്തിൽ ഒരേയൊരു ആഗ്രഹമേയുള്ളൂവെന്നും എന്നാൽ അത് തന്നെ കൊണ്ട് ഒറ്റക്ക് സാധിക്കില്ലെന്നും ബിഹാർ മുഖ്യമന്ത്രി നിതീഷ് കുമാർ. ഞാൻ ഉറപ്പുപറയുന്നു. എനിക്ക് വേണ്ടിയല്ല ഇത്. പ്രതിപക്ഷ പാർട്ടികൾ ഒന്നിച്ചുനിന്ന് തെരഞ്ഞെടുപ്പിനെ നേരിടണം. അതിന്റെ നേട്ടം രാജ്യത്തിനാണ്-നിതീഷ് കുമാർ പറഞ്ഞു.
തെലങ്കാനയിൽ നടന്ന പ്രതിപക്ഷ മഹാസഖ്യ റാലിക്കു ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. തെലങ്കാനയിൽ നടന്ന റാലിയിൽ രാജ്യത്തെ പ്രമുഖ പ്രതിപക്ഷ പാർട്ടികളുടെ നേതാക്കൾ സംബന്ധിച്ചിരുന്നു. എന്നാൽ നിതീഷ് കുമാർ പങ്കെടുത്തിരുന്നില്ല. ഇതെ കുറിച്ച് മാധ്യമങ്ങൾ ചോദിച്ചപ്പോഴായിരുന്നു നിതീഷ് കുമാറിന്റെ പ്രതികരണം.
ചന്ദ്രശേഖർ റാവു ഇത്തരമൊരു റാലി നടത്തിയതിനെ കുറിച്ച് താനറിഞ്ഞിരുന്നില്ലെന്നും മറ്റൊരു പരിപാടിയുമായി ബന്ധപ്പെട്ട് തിരക്കിലായിരുന്നുവെന്നുമാണ് നിതീഷ് കുമാർ പറഞ്ഞത്. റാലിയിൽ പങ്കെടുക്കാൻ ക്ഷണിച്ചവർ തീർച്ചയായും എത്തിയിട്ടുണ്ടാകുമെന്നും ബിഹാർ മുഖ്യമന്ത്രി വ്യക്തമാക്കി. സമാജ് വാദി പാർട്ടി നേതാവ് അഖിലേഷ് യാദവ്, എ.എ.പി നേതാവ് അരവിന്ദ് കെജ്രിവാൾ, ഇടതു നേതാക്കളായ പിണറായി വിജയൻ, ഡി. രാജ എന്നിവർ റാലിയുടെ ഭാഗമായിരുന്നു. കോൺഗ്രസിന്റെ അസാന്നിധ്യവും ശ്രദ്ധിക്കപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.