ബംഗളൂരു: കർണാടകയിൽ ഒരു പാർട്ടിയും സഖ്യമുണ്ടാക്കാൻ തന്നെ സമീപിച്ചിട്ടില്ലെന്ന് ജനതാ ദൾ-സെകുലർ നേതാവ് എച്ച്.ഡി. കുമാരസ്വാമി. വോട്ടെണ്ണലിനു തൊട്ടുമുമ്പ് മാധ്യമങ്ങളോട് സംസാരിക്കുകയായിരുന്നു അദ്ദേഹം. അടുത്ത രണ്ട്,മൂന്ന് മണിക്കൂറുകൾ കൊണ്ട് ഇത് കൃത്യമായി മനസിലാകും.
രണ്ട് ദേശീയ പാർട്ടികളും വലിയ നേട്ടമുണ്ടാക്കുമെന്നാണ് എക്സിറ്റ് പോളുകൾ പറയുന്നത്. എക്സിറ്റ് പോളുകളിൽ ജെ.ഡി.എസിന് 30 മുതൽ 32 വരെ സീറ്റുകൾ ലഭിക്കുമെന്നേ പറയുന്നുള്ളൂ. ഞാനൊരു ചെറിയ പാർട്ടിയാണ്. അതിനാൽ എനിക്ക് വലിയ ഡിമാൻഡ് ഒന്നുമില്ല. വലിയ വികസനമുണ്ടാകുമെന്നാണ് പ്രതീക്ഷ.''-കുമാരസ്വാമി പറഞ്ഞു.
ഈ നിമിഷം വരെ ആരും എന്നെ സമീപിച്ചിട്ടില്ല. അന്തിമഫലം വരുന്നത് വരെ കാത്തിരിക്കുകയാണ്. എക്സിറ്റ് പോളുകൾ ശരിയാകുകയാണെങ്കിലും പിന്നെ മറ്റൊന്നിനെ കുറിച്ചും ആലോചിക്കേണ്ടതില്ല. കാത്തിരുന്ന് കാണാം.-കുമാരസ്വാമി കൂട്ടിച്ചേർത്തു.
കർണാടകയിൽ വോട്ടെണ്ണൽ പുരോഗമിക്കവെ,കോൺഗ്രസ് വ്യക്‍തമായ ലീഡിലേക്ക് മുന്നേറുകയാണ്. ഉച്ചയോടെ മാത്രമേ അന്തിമ ഫലം മനസിലാവുകയുള്ളൂ. മേയ് 10നാണ് കർണാടകയിൽ വോട്ടെടുപ്പ് നടന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.