ട്രംപി​െൻറ വിഗ്രഹത്തിന്​ നിത്യപൂജയും പ്രാർഥനയുമായി തെലങ്കാനയിലെ ട്രംപ്​ ഭക്തൻ

ഹൈദരാബാദ്​: വിവിധ ദൈവങ്ങളേയും ആൾദൈവങ്ങളെ പോലും ആരാധിക്കുന്നവർ ഇന്ത്യയിലുണ്ട്​. എന്നാൽ തെലങ്കാനയിലെ ഒരു ഭക് ത​​െൻറ ആരാധനാ മൂർത്തി ഇവിടെയൊന്നുമല്ല, അങ്ങ്​ അമേരിക്കയിലാണ്​. മറ്റാരുമല്ല, അത്​ സാക്ഷാൽ ഡോണൾഡ്​ ട്രംപാണ്​. ട്രംപി​​െൻറ വിഗ്രഹം നിർമിച്ച് നിത്യപൂജ നടത്തുകയാണ്​ ബുസ കൃഷ്ണ എന്ന ഭക്തൻ.

തെക്കൻ തെലങ്കാനയിലെ കോനേയ്​ ഗ് രാമത്തിലാണ്​ ട്രംപ്​ ഭക്തനായ ബുസ കൃഷ്ണ. വീടിനടുത്തായി ട്രംപി​​െൻറ ആറടി ഉയരം വരുന്ന പൂർണകായ വിഗ്രഹം സ്ഥാപിച്ച ിട്ടുണ്ട്​. ഈ വിഗ്രഹത്തിൽ നിത്യപൂജ നടത്തി പ്രാർഥിക്കുകയാണിയാൾ. ചുവരുകളിൽ പലയിടത്തായി ട്രംപി​​െൻറ പേര്​ എഴുതി വച്ചിട്ടുണ്ട്​. ദ്വിദിന ഇന്ത്യ സന്ദർശനത്തിനെത്തുന്ന ത​​െൻറ ആരാധനാ മൂർത്തിയെ ഒരു നോക്ക്​ കാണാനാവുമെന്ന പ്രതീക്ഷയിലാണ്​ ബുസ കൃഷ്​ണൻ.

നാല്​ വർഷം മുമ്പ്​ ഡോണൾഡ്​ ട്രംപ് സ്വപ്​നത്തിൽ വന്നതോടെയാണ്​ ബുസ കൃഷ്​ണ ട്രംപി​​െൻറ കടുത്ത ഭക്തനായതും ആരാധന തുടങ്ങിയതും​. ത​​െൻറ ചെറിയ വീട്​ ട്രംപിനുള്ള ആരാധനാലയമായി മാറ്റുകയായിരു​ന്നു. ബുസ കൃഷ്​ണയുടെ ട്രംപ്​ ഭക്തിയിൽ അദ്ദേഹത്തി​​െൻറ ബന്ധുക്കൾ അസ്വസ്ഥരാണ്​. ഈ ഭക്തി കാരണം തലയുയർത്തി പുറത്തിറങ്ങാൻ കഴിയാത്ത അവസ്ഥയാണെന്ന്​ ബന്ധുക്കൾ പരാതി പറയുന്നു.

‘‘എ​​െൻറ ബന്ധുക്കൾ കാരണം ഞാൻ ബുദ്ധിമുട്ടുകയാണ്​. ഞാൻ അവർക്ക്​ മാനക്കേടുണ്ടാക്കിയെന്നാണ്​ അവർ പറയുന്നത്.​ അവർ ശിവ ഭഗവാനെ വിശ്വസിക്കുകയും ആരാധിക്കുകയും ചെയ്യുന്നതുപോലെയാണ്​ ഞാൻ ട്രംപിനെ വിശ്വസിക്കുകയും ആരാധിക്കുകയും ചെയ്യുന്നതെന്ന്​ ഞാൻ അവരോട്​ പറഞ്ഞു. മറ്റുള്ളവർ അങ്ങനെ ചെയ്യുന്നതിനെ നമുക്ക്​ തടയാൻ പറ്റില്ല​ല്ലൊ.’’ -ബുസ കൃഷ്​ണ പറഞ്ഞു.

ട്രംപിനെ ആദരിക്കുന്ന ഒരേയൊരാളല്ല ബുസ കൃഷ്​ണ. ന്യൂഡൽഹിയിൽ സംഘ്​പരിവാർ സംഘടനയായ ഹിന്ദുസേനയുടെ പ്രവർത്തകർ ട്രംപിന്​ സ്വാഗതമോതാനുള്ള പാട്ടി​​െൻറ പരിശീലനത്തിലാണ്​. ട്രംപ്​ ഇസ്​ലാമിക ഭീകരവാദികൾക്കെതിരെ ത​​െൻറ വിദ്വേഷം പ്രകടിപ്പിച്ചതോടെയാണ്​ ഹിന്ദു സേന പ്രവർത്തകർക്ക്​ ട്രംപ്​ ആരാധന തുടങ്ങിയത്​.

ഇന്ത്യൻ വികാരങ്ങളെ കുറിച്ച്​ തുറന്നു പറയുന്നതുകൊണ്ടാണ്​ ​ഞങ്ങൾ​ ട്രംപിനെ ഇഷ്​ടപ്പെടുന്നതെന്നും ഇസ്​ലാമിക ഭീകരവാദത്തെ വേരോടെ തുടച്ചുനീക്കുമെന്ന്​ അദ്ദേഹം തുറന്നു പറഞ്ഞതിനാലാണ്​ താൻ അദ്ദേഹത്തി​​െൻറ വലിയ ആരാധകനായതെന്നും ഹിന്ദു സേന പ്രവർത്തകൻ വിഷ്​ണു ഗുപ്​ത പറയുന്നു.

ഡോണൾഡ്​ ട്രംപി​​െൻറ ദ്വിദിന സന്ദർശനത്തി​​െൻറ ഭാഗമായി അഹമ്മദാബാദിൽ ചേരി പ്രദേശം പുറത്തു കാണാതിരിക്കാൻ മതിൽ പണിതുയർത്തുന്നതും ചേരിയിലെ 45 കുടുംബങ്ങൾക്ക്​ ഒഴിഞ്ഞു പോകാൻ നഗരസഭ നോട്ടീസ്​ നൽകിയതും ഏറെ വിവാദമായിരുന്നു.