പ്ര​ത്യേ​ക പ​ദ​വി പു​നഃ​സ്ഥാ​പി​ക്കൽ: ജമ്മു കശ്മീർ നിയമസഭ പ്രമേയം സ്വാഗതം ചെയ്ത് പാർട്ടികൾ

ശ്രീ​ന​ഗ​ർ: ജ​മ്മു -ക​ശ്മീ​രി​ന്റെ പ്ര​ത്യേ​ക പ​ദ​വി പു​നഃ​സ്ഥാ​പി​ക്കാ​ൻ കേ​ന്ദ്രം ച​ർ​ച്ച തു​ട​ങ്ങ​ണ​മെ​ന്നാ​വ​ശ്യ​പ്പെ​ടു​ന്ന നി​യ​മ​സ​ഭ പ്ര​മേ​യ​ത്തെ പി​ന്തു​ണ​ച്ച് പാ​ർ​ട്ടി​ക​ൾ. പ്ര​മേ​യം ച​രി​ത്ര​പ​ര​മാ​ണെ​ന്നും ഇ​ത് പാ​സാ​ക്കി​യ എ​ല്ലാ അം​ഗ​ങ്ങ​ളെ​യും അ​ഭി​വാ​ദ്യം ചെ​യ്യു​ന്നു​വെ​ന്നും സി.​പി.​എം നേ​താ​വും കു​ൽ​ഗാം എം.​എ​ൽ.​എ​യു​മാ​യ എം.​വൈ. ത​രി​ഗാ​മി പ​റ​ഞ്ഞു.

പി.​ഡി.​പി യു​വ​ജ​ന നേ​താ​വും പു​ൽ​വാ​മ എം.​എ​ൽ.​എ​യു​മാ​യ വ​ഹീ​ദ് പ​ർ​റ പ്ര​മേ​യം സ്വാ​ഗ​തം ചെ​യ്തു. ഇ​ത് ജ​മ്മു -ക​ശ്മീ​രി​ലെ ജ​ന​ത​യു​ടെ താ​ൽ​പ​ര്യ പ്ര​കാ​ര​മു​ള്ള​താ​ണെ​ന്ന് പ​ർ​റ വ്യ​ക്ത​മാ​ക്കി. എ​ന്നാ​ൽ, ചി​ല വാ​ക്കു​ക​ൾ​ക്ക് കു​റ​ച്ചു​കൂ​ടി ക​രു​ത്ത് വേ​ണ്ട​താ​യി​രു​ന്നു. ആ​ഗ​സ്റ്റ് അ​ഞ്ചി​ലെ സം​ഭ​വ​ത്തെ പ്ര​മേ​യം അ​പ​ല​പി​ക്കു​ന്നി​ല്ല. മാ​ത്ര​വു​മ​ല്ല, പ്ര​ത്യേ​ക പ​ദ​വി പു​നഃ​സ്ഥാ​പി​ക്ക​ണ​മെ​ന്ന് കൃ​ത്യ​മാ​യി പ​റ​യു​ന്നു​മി​ല്ല. പ​ദ​വി പു​നഃ​സ്ഥാ​പ​ന​ത്തി​ന് ഒ​രു ച​ർ​ച്ച​യു​ടെ​യും ആ​വ​ശ്യ​മി​ല്ലെ​ന്നും അ​ദ്ദേ​ഹം തു​ട​ർ​ന്നു.

പ്ര​മേ​യ​ത്തി​ൽ സ​ന്തോ​ഷ​മു​ണ്ടെ​ന്നും 2019ൽ ​സം​ഭ​വി​ച്ച​ത് ജ​മ്മു- ക​ശ്മീ​ർ ജ​ന​ത​യു​ടെ താ​ൽ​പ​ര്യ​ത്തി​ന് വി​രു​ദ്ധ​മാ​യ കാ​ര്യ​മാ​ണെ​ന്നും പീ​പ്പി​ൾ​സ് കോ​ൺ​ഫ​റ​ൻ​സ് ചെ​യ​ർ​മാ​നും എം.​എ​ൽ.​എ​യു​മാ​യ സ​ജാ​ദ് ലോ​ൺ പ​റ​ഞ്ഞു. 

പ്രമേയം പാസാക്കി നിയമസഭ

ശ്രീ​ന​ഗ​ർ: പ്ര​ത്യേ​ക പ​ദ​വി പു​നഃ​സ്ഥാ​പി​ക്കാ​ൻ തെ​ര​ഞ്ഞെ​ടു​ക്ക​പ്പെ​ട്ട പ്ര​തി​നി​ധി​ക​ളു​മാ​യി കേ​ന്ദ്രം ച​ർ​ച്ച ന​ട​ത്ത​ണ​മെ​ന്നാ​വ​ശ്യ​പ്പെ​ടു​ന്ന പ്ര​മേ​യം പാ​സാ​ക്കി ജ​മ്മു -ക​ശ്മീ​ർ നി​യ​മ​സ​ഭ. പ്ര​മേ​യ​ത്തി​നെ​തി​രെ ബി.​ജെ.​പി അം​ഗ​ങ്ങ​ൾ വ​ൻ പ്ര​തി​ഷേ​ധം ഉ​യ​ർ​ത്തി. പ്ര​മേ​യ​ത്തി​ന്റെ പ​ക​ർ​പ്പ് കീ​റി​യെ​റി​ഞ്ഞ ബി.​ജെ.​പി സാ​മാ​ജി​ക​ർ, സ്പീ​ക്ക​ർ​ക്കെ​തി​രെ മു​ദ്രാ​വാ​ക്യം വി​ളി​ച്ചു. തു​ട​ർ​ച്ച​യാ​യി ന​ട​പ​ടി​ക​ൾ ത​ട​സ്സ​പ്പെ​ട്ട​തി​നെ തു​ട​ർ​ന്ന് സ​ഭ നി​ർ​ത്തി​വെ​ച്ചു.

ച​ർ​ച്ച​യി​ല്ലാ​തെ​യാ​ണ് പ്ര​മേ​യം പാ​സാ​ക്കി​യ​ത്. സ​ഭ ക​ലു​ഷി​ത​മാ​യ​തി​നു​പി​ന്നാ​ലെ സ്പീ​ക്ക​ർ ശ​ബ്ദ​വോ​ട്ട് നി​ർ​ദേ​ശി​ക്കു​ക​യാ​യി​രു​ന്നു. സം​സ്ഥാ​ന​ത്തി​ന്റെ പ്ര​ത്യേ​ക പ​ദ​വി കേ​ന്ദ്രം ഏ​ക​പ​ക്ഷീ​യ​മാ​യി നീ​ക്കി​യ​തി​ൽ പ്ര​മേ​യം ആ​ശ​ങ്ക പ്ര​ക​ടി​പ്പി​ച്ചു. തെ​ര​ഞ്ഞെ​ടു​പ്പ് വാ​ഗ്ദാ​ന​ങ്ങ​ളി​ലൊ​ന്ന് ത​ങ്ങ​ൾ പൂ​ർ​ത്തീ​ക​രി​ച്ചു​വെ​ന്ന് നാ​ഷ​ന​ൽ കോ​ൺ​ഫ​റ​ൻ​സ് പ്ര​തി​ക​രി​ച്ചു. നി​യ​മ​സ​ഭ അ​തി​ന്റെ ജോ​ലി പൂ​ർ​ത്തി​യാ​ക്കി​യെ​ന്ന് മു​ഖ്യ​മ​ന്ത്രി ഉ​മ​ർ അ​ബ്ദു​ല്ല​യും പ​റ​ഞ്ഞു. ശ​ബ്ദ​വോ​ട്ടി​നെ പി.​ഡി.​പി, പീ​പ്​​ൾ​സ് കോ​ൺ​ഫ​റ​ൻ​സ്, സി.​പി.​എം അം​ഗ​ങ്ങ​ൾ പി​ന്തു​ണ​ച്ചു. പ്ര​മേ​യ​ത്തി​ൽ പൂ​ർ​ണ തൃ​പ്തി​യി​ല്ലെ​ന്ന് പി.​ഡി.​പി അ​ധ്യ​ക്ഷ മെ​ഹ്ബൂ​ബ മു​ഫ്തി പ്ര​തി​ക​രി​ച്ചു. കു​റ​ച്ചു​കൂ​ടി ന​ന്നാ​യി എ​ഴു​താ​മാ​യി​രു​ന്നു എ​ന്ന​വ​ർ പ​റ​ഞ്ഞു.

2019ലാ​ണ് ജ​മ്മു -ക​ശ്മീ​രി​ന് പ്ര​ത്യേ​ക പ​ദ​വി ന​ൽ​കു​ന്ന 370ാം ഭ​ര​ണ​ഘ​ട​ന അ​നു​ച്ഛേ​ദം ന​രേ​ന്ദ്ര മോ​ദി സ​ർ​ക്കാ​ർ റ​ദ്ദാ​ക്കി​യ​ത്. തു​ട​ർ​ന്ന് സം​സ്ഥാ​നം വി​ഭ​ജി​ച്ച് ജ​മ്മു-​ക​ശ്മീ​ർ, ല​ഡാ​ക്ക് എ​ന്നി​ങ്ങ​നെ ര​ണ്ട് കേ​ന്ദ്ര​ഭ​ര​ണ പ്ര​ദേ​ശ​ങ്ങ​ളു​മാ​ക്കി.

ഉ​പ​മു​ഖ്യ​മ​ന്ത്രി സു​രി​ന്ദ​ർ ചൗ​ധ​രി​യാ​ണ് പ്ര​മേ​യം അ​വ​ത​രി​പ്പി​ച്ച​ത്. ‘ജ​മ്മു-​ക​ശ്മീ​രി​ലെ ജ​ന​ങ്ങ​ളു​ടെ അ​വ​കാ​ശ​ങ്ങ​ളും സം​സ്കാ​ര​വും സ്വ​ത്വ​വും സം​ര​ക്ഷി​ക്കു​ന്ന ഭ​ര​ണ​ഘ​ട​നാ ഉ​റ​പ്പു​ക​ളു​ടെ​യും പ്ര​ത്യേ​ക പ​ദ​വി​യു​ടെ​യും പ്രാ​ധാ​ന്യ​ത്തെ ഈ ​നി​യ​മ​സ​ഭ വീ​ണ്ടും ഉ​റ​പ്പി​ക്കു​ന്നു’​എ​ന്ന് പ്ര​​മേ​യം വ്യ​ക്ത​മാ​ക്കി. ‘ഏ​ക​പ​ക്ഷീ​യ​മാ​യി അ​ത് റ​ദ്ദാ​ക്കി​യ​തി​ൽ ആ​ശ​ങ്ക രേ​ഖ​പ്പെ​ടു​ത്തു​ന്നു’​വെ​ന്നും പ്ര​മേ​യം തു​ട​ർ​ന്നു.

പ്ര​തി​പ​ക്ഷ നേ​താ​വ് സു​നി​ൽ ശ​ർ​മ, പ്ര​മേ​യം ലി​സ്റ്റ് ചെ​യ്തി​ട്ടി​ല്ലെ​ന്ന് പ​റ​ഞ്ഞ് എ​തി​ർ​ത്തു. ഇ​ത് ത​ള്ളു​ന്ന​താ​യും അ​ദ്ദേ​ഹം വ്യ​ക്ത​മാ​ക്കി. ല​ഫ്.​ഗ​വ​ർ​ണ​റു​ടെ പ്ര​സം​ഗ​ത്തി​ലു​ള്ള ച​ർ​ച്ച​യാ​ണ് അ​റി​യി​പ്പ് പ്ര​കാ​രം ന​ട​ക്കേ​ണ്ടി​യി​രു​ന്ന​ത്. ഈ ​കാ​ര്യ​ത്തി​ൽ ഒ​ന്നും ന​ട​ക്കാ​ൻ പോ​കു​ന്നി​ല്ലെ​ന്ന് എ​ല്ലാ​വ​രും ഓ​ർ​ക്ക​ണ​മെ​ന്ന് അ​ദ്ദേ​ഹം തു​ട​ർ​ന്നു. ശ​ർ​മ​യു​ടെ പ്ര​തി​ക​ര​ണം ട്ര​ഷ​റി ബെ​ഞ്ചി​ൽ​നി​ന്ന് ക​ടു​ത്ത പ്ര​തി​ഷേ​ധ​മു​യ​രാ​ൻ കാ​ര​ണ​മാ​യി.

സം​ഘ​ർ​ഷ​ത്തി​നി​ടെ എം.​എ​ൽ.​എ​മാ​രാ​യ ലം​ഗാ​തെ, ശൈ​ഖ് ഖു​ർ​ഷീ​ദ് എ​ന്നി​വ​ർ ന​ടു​ത്ത​ള​ത്തി​ലി​റ​ങ്ങാ​ൻ ശ്ര​മം ന​ട​ത്തി​യെ​ങ്കി​ലും മാ​ർ​ഷ​ലു​ക​ൾ ത​ട​ഞ്ഞു. ബി.​ജെ.​പി എം.​എ​ൽ.​എ​മാ​ർ സ​ഭ​യെ അ​വ​ഹേ​ളി​ച്ചു​വെ​ന്ന്​ കോ​ൺ​ഗ്ര​സ് എം.​എ​ൽ.​എ നി​സാ​മു​ദ്ദീ​ൻ ഭ​ട്ട് പ​റ​ഞ്ഞു. ബി.​ജെ.​പി അം​ഗ​ങ്ങ​ൾ തു​ട​ർ​ന്നും മു​ദ്രാ​വാ​ക്യം മു​ഴ​ക്കി. പ്ര​തി​പ​ക്ഷ​ത്തി​ന് സം​സാ​രി​ക്കാ​ൻ താ​ൽ​പ​ര്യ​മി​ല്ലെ​ങ്കി​ൽ വി​ഷ​യം വോ​ട്ടി​നി​ടു​മെ​ന്ന് സ്പീ​ക്ക​ർ അ​റി​യി​ച്ചു. ഇ​തി​നു​പി​ന്നാ​ലെ​യാ​ണ് പ്ര​മേ​യം ശ​ബ്ദ​വോ​ട്ടി​നി​ട്ട​ത്.

പ്ര​മേ​യം പാ​സാ​യ ഉ​ട​ൻ ബി.​ജെ.​പി അം​ഗ​ങ്ങ​ൾ ന​ടു​ത്ത​ള​ത്തി​ലി​റ​ങ്ങി. തു​ട​ർ​ന്ന് സ്പീ​ക്ക​ർ സ​ഭ 15 മി​നി​റ്റ് നേ​ര​ത്തേ​ക്ക് നി​ർ​ത്തി​വെ​ച്ചു. സ​ഭ പി​രി​ഞ്ഞി​ട്ടും, ബി.​ജെ.​പി സാ​മാ​ജി​ക​ർ ‘ജ​യ്ശ്രീ​രാം’, ‘​വ​ന്ദേ മാ​ത​രം’, ‘ആ​ഗ​സ്റ്റ് അ​ഞ്ച് സി​ന്ദാ​ബാ​ദ്’, ‘ദേ​ശ​വി​രു​ദ്ധ അ​ജ​ണ്ട ന​ട​ക്കി​ല്ല’ തു​ട​ങ്ങി​യ മു​ദ്രാ​വാ​ക്യ​ങ്ങ​ൾ മു​ഴ​ക്കി. ഗെ​സ്റ്റ്ഹൗ​സി​ൽ​വെ​ച്ച് സ്പീ​ക്ക​റു​മാ​യി ച​ർ​ച്ച ചെ​യ്താ​ണ് പ്ര​മേ​യം അ​വ​ത​രി​പ്പി​ച്ച​തെ​ന്ന് ബി.​ജെ.​പി എം.​എ​ൽ.​എ ശ്യാം ​ലാ​ൽ ശ​ർ​മ ആ​രോ​പി​ച്ചു. സ​ഭ 11.05ന് ​വീ​ണ്ടും സ​മ്മേ​ളി​ച്ച ഉ​ട​ൻ ബി.​ജെ.​പി​ക്കാ​ർ സ്പീ​ക്ക​ർ​ക്കെ​തി​രെ മു​ദ്രാ​വാ​ക്യം വി​ളി​ച്ചു. ക​ഴി​ഞ്ഞ ദി​വ​സം സ്പീ​ക്ക​ർ മ​ന്ത്രി​മാ​രു​ടെ യോ​ഗം വി​ളി​ച്ച് സ്വ​യം പ്ര​മേ​യം എ​ഴു​തി​യ​താ​ണെ​ന്ന് ത​ങ്ങ​ൾ​ക്ക് വി​വ​ര​മു​​ണ്ടെ​ന്ന് പ്ര​തി​പ​ക്ഷ നേ​താ​വ് ആ​രോ​പി​ച്ചു.

പി​ന്നാ​ലെ, സ്പീ​ക്ക​ർ നാ​ഷ​ന​ൽ കോ​ൺ​ഫ​റ​ൻ​സി​ലെ ജാ​വേ​ദ് ഹ​സ​ൻ ബെ​യ്ഗി​നോ​ട് ല​ഫ്.​ഗ​വ​ർ​ണ​റു​ടെ പ്ര​സം​ഗ​ത്തി​നു​ള്ള ന​ന്ദി​പ്ര​മേ​യം അ​വ​ത​രി​പ്പി​ക്കാ​ൻ അ​ഭ്യ​ർ​ഥി​ച്ചു. സം​ഘ​ർ​ഷം തു​ട​ർ​ന്ന സാ​ഹ​ച​ര്യ​ത്തി​ൽ സ്പീ​ക്ക​ർ വീ​ണ്ടും സ​ഭ ഒ​രു മ​ണി​ക്കൂ​ർ നേ​ര​ത്തേ​ക്ക് നി​ർ​ത്തി​വെ​ച്ചു. പി​ന്നീ​ട് 12.20ന് ​സ​ഭ ​ചേ​ർ​ന്നെ​ങ്കി​ലും സ​മാ​ന അ​വ​സ്ഥ​യാ​യി​രു​ന്നു. പി​ന്നാ​ലെ സ്പീ​ക്ക​ർ സ​ഭ വ്യാ​ഴാ​ഴ്ച​ത്തേ​ക്ക് പി​രി​യു​ന്ന​താ​യി അ​റി​യി​ച്ചു. ത​ന്നോ​ട് അ​വി​ശ്വാ​സ​മു​ണ്ടെ​ങ്കി​ൽ, ബി.​ജെ.​പി എം.​എ​ൽ.​എ​മാ​ർ​ക്ക് പ്ര​മേ​യം കൊ​ണ്ടു​വ​രാ​മെ​ന്ന് സ്പീ​ക്ക​ർ അ​റി​യി​ച്ചു.