റാഞ്ചി: ഝാർഖണ്ഡിൽ 45കാരിയുടെ മൃതദേഹം ആറുകഷ്ണങ്ങളാക്കി നദിക്കരയിൽ കുഴിച്ചിട്ട നിലയിൽ കണ്ടെത്തി. പകുർ ജില്ലയിലാണ് സംഭവം.
ഫെബ്രുവരി 24ന് കാണാതായ സോന മറാൻഡിയുടെ മൃതദേഹമാണ് കണ്ടെത്തിയതെന്ന് പൊലീസ് പറഞ്ഞു.
നദിക്കരയിൽ കാലിന്‍റെ ഒരു ഭാഗം കണ്ടതോടെ നാട്ടുകാർ പൊലീസിൽ വിവരം അറിയിക്കുകയായിരുന്നു. തുടർന്ന് സ്ഥലത്ത് കുഴിച്ചുനോക്കിയപ്പോൾ തലയും മറ്റു ഭാഗങ്ങളും കണ്ടെത്തി. സോനയുടെ മകൻ മനോജ് ഹൻസ്ഡ മൃതദേഹം തിരിച്ചറിഞ്ഞു.
ഫെബ്രുവരി 24ന് മാതാവിനെ കാണാതായിരുന്നു. തുടർന്ന് മകൻ പൊലീസിൽ പരാതി നൽകുകയും ചെയ്തിരുന്നു. മൃതദേഹ ഭാഗങ്ങൾ പോസ്റ്റുമോർട്ടത്തിന് അയച്ചു. സംഭവത്തിൽ അന്വേഷണം ആരംഭിച്ചതായും പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.