ശ്രീനഗർ: ജമ്മുകശ്മീരിലെ കുപ്വാര ജില്ലയിൽ ഹന്ദ്വാര മേഖലയിൽ സൈന്യവും ഭീകരരും തമ്മിൽ ഏറ്റുമുട്ടൽ. രണ്ട് ഭീകരർ ഏറ്റുമുട്ടലിൽ കൊല്ലപ്പെട്ടുവെന്നാണ് റിപ്പോർട്ടുകൾ. ഏറ്റുമുട്ടൽ അവസാനിച്ചതായാണ് വിവരം. ഭീകരർക്കായുള്ള തെരച്ചിൽ സൈന്യം ഇപ്പോഴും തുടരുകയാണ്.
അതേസമയം, ജമ്മുകശ്മീരിലെ ഉറി മേഖലയിൽ പാകിസ്താൻ വെടിനിർത്തൽ കരാർ ലംഘിച്ചു. പാക് വെടിവെപ്പിൽ നാട്ടുകാരിൽ ഒരാൾക്ക് പരിക്കേറ്റിട്ടുണ്ട്. കമൽകോട്ട ഗ്രാമത്തിലെ സൈനിക പോസ്റ്റുകൾക്ക് നേരെ പാകിസ്താൻ വെടിയുതിർക്കുകയായിരുന്നു.
രാത്രി മുഴുവൻ വെടിവെപ്പ് തുടർന്നതായാണ് റിപ്പോർട്ടുകൾ. അതിനിടെ, വ്യോമസേന വിങ് കമാൻഡർ അഭിനന്ദൻ വർധമാനെ വാഗാ അതിർത്തി വഴി പാകിസ്താൻ ഇന്ന് ഇന്ത്യക്ക് കൈമാറും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.