ന്യൂഡൽഹി: 24 മണിക്കൂറിനിടെ രാജ്യത്ത് 35,178 കോവിഡ് കേസുകൾ കൂടി റിപ്പോർട്ട് ചെയ്തു. 440 പേരാണ് കഴിഞ്ഞ ദിവസം കോവിഡ് ബാധിച്ച് മരിച്ചത്.
ഒരു ദിവസം കൊണ്ട് 10,000ത്തിലധികം കേസുകളുടെ വർധനവാണ് രേഖപ്പെടുത്തിയത്. കഴിഞ്ഞ ദിവസം രാജ്യത്ത് 25,166 പുതിയ കേസുകളായിരുന്നു റിപ്പോർട്ട് ചെയ്യപ്പെട്ടിരുന്നത്. 36,830 പേർ രോഗമുക്തി നേടി. 17.97 ലക്ഷം സാംപിളുകളാണ് പരിശോധിച്ചത്.
3.22 കോടിയാളുകൾക്കാണ് രാജ്യത്ത് ഇതുവരെ മഹാമാരി പിടിപെട്ടത്. 4.32 ലക്ഷം പേർക്ക് ജീവഹാനി സംഭവിച്ചു. 3.14 കോടിയാളുകളാണ് ഇതുവരെ രോഗമുക്തരായത്. 3.69 ലക്ഷം ആളുകളാണ് നിലവിൽ ചികിത്സയിലുള്ളത്.
കേരളം (21,613), മഹാരാഷ്ട്ര (4,308), തമിഴ്നാട് (1804), കർണാടക (1298), ആന്ധ്രപ്രദേശ് (1063) എന്നീ സംസ്ഥാനങ്ങളിലാണ് ഏറ്റവും കൂടുതൽ കോവിഡ് കേസുകൾ റിപ്പോർട്ട് ചെയ്യപ്പെടുന്നത്. രാജ്യത്തെ കോവിഡ് കേസുകളുടെ 85.81 ശതമാനവും ഈ സംസ്ഥാനങ്ങളിൽ നിന്നാണ്.
24 മണിക്കൂറിനിടെ രാജ്യത്ത് 88.13 ലക്ഷം ഡോസ് വാക്സിൻ വിതരണം ചെയ്തു. 55.47 കോടിയാളുകൾക്കാണ് ഇതുവരെ കോവിഡ് പ്രതിരോധ കുത്തിവെപ്പ് നൽകിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.