ഡെറാഡൂൺ: ഹരിദ്വാറിൽ അടുത്തിടെ സമാപിച്ച കുംഭമേളയിൽ പങ്കെടുത്ത സന്യാസി കോവിഡ് ബാധിച്ച് മരിച്ചു. രാജ്യത്തെ പ്രമുഖ സന്യാസി സമൂഹമായ ജുന അഖാഡയിലെ മഹന്ദ് വിമലാണ് വ്യാഴാഴ്ച മരിച്ചത്.
ഡെറാഡൂണിലെ ആശുപത്രിയിൽ വെച്ചായിരുന്നു അന്ത്യം. 45 കാരനായ മഹന്ദിന്‍റെ മൃതദേഹം ഹരിദ്വാറിലെ കങ്ഡി ഗ്രാമത്തിലെ ശ്രീമന്ദ പ്രേം ഗിരി ആശ്രമത്തിൽ സംസ്കരിച്ചു.
കഴിഞ്ഞ രണ്ടുപതിറ്റാണ്ടായി അദ്ദേഹം ജുന അഖാഡയുമായി ചേർന്ന് പ്രവർത്തിക്കുകയാണെന്നും അടുത്തിടെ ഹരിദ്വാറിൽ സമാപിച്ച കുംഭമേളയിലാണ് മഹാമണ്ഡലേശ്വറാക്കിയതെന്ന് ജുന അഖാഡയിലെ രവീന്ദ്രനാഥ സരസ്വതി പറഞ്ഞു.
കോവിഡ് സാഹചര്യം വകവെക്കാതെ ലക്ഷങ്ങൾ പങ്കെടുത്ത ഹരിദ്വാർ കുംഭമേള വൻ വിമർശനങ്ങൾക്ക് വഴി തുറന്നിരുന്നു. കുംഭമേളയിൽ പങ്കെടുത്ത ആറ് സന്യാസിമാരാണ് കോവിഡ് ബാധിച്ച് ഇതുവരെ മരിച്ചത്.
കോവിഡ് പടർന്ന് പിടിച്ചതോടെ പ്രധാനമന്ത്രി നരേന്ദ്ര മോദിയുടെ ആഹ്വാനമനുസരിച്ച് കുംഭമേള നേരത്തെ അവസാനിപ്പിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.