പാട്ന: ആർ.ജെ.ഡി നേതാവ് ലാലു പ്രസാദ് യാദവ് കോടതിയിൽ കീഴടങ്ങി. പരോൾ നീട്ടണമെന്ന ലാലുവിെൻറ അപേക്ഷ കഴിഞ്ഞ ആഴ്ച ഝാർഖണ്ഡ് ഹൈകോടതി നിരസിച്ചിരുന്നു. അതിനെ തുടർന്നാണ് ലാലു പ്രസാദ് യാദവ് കോടതിയിൽ കീഴടങ്ങിയത്.
1990ലെ കാലിത്തീറ്റ കുംഭകോണക്കേസിൽ പ്രതിയായാണ് ബിഹാർ മുൻ മുഖ്യമന്ത്രി കഴിഞ്ഞ ഡിസംബറിൽ ജയിലിലാകുന്നത്. മെയിലാണ് അദ്ദേഹം പരോളിലിറങ്ങുന്നത്. 70 കാരനായ ലാലു പിന്നീട് ചികിത്സാർഥം ആശുപത്രിയിലായിരുന്നു. മൂന്നു മാസത്തേക്ക് കൂടി പരോൾ നീട്ടി നൽകണമെന്ന് ആവശ്യപ്പെട്ട് ഝാർഖണ്ഡ് ഹൈകോടതിയെ സമീപിച്ചിരുന്നെങ്കിലും ഹരജി തള്ളി. ആഗസ്ത് 30 ന് ജയിലിലേക്ക് തിരികെ പോകണമെന്ന് കോടതി നിർദേശിക്കുകയായിരുന്നു.
കോടതിയുടെ നിർദേശം അനുസരിക്കുകയാണ് താനെന്നും ആരോഗ്യ പ്രശ്നങ്ങൾ ഉണ്ടെങ്കിലും കോടതിയിൽ വിശ്വാസമുണ്ടെന്നും ലാലു പ്രസാദ് യാദവ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.