മധ്യപ്രദേശ്​, ഗുജറാത്ത്​, യു.പി, കർണാടക സംസ്​ഥാനങ്ങളിൽ ബി.ജെ.പി മുന്നേറ്റം

ഉപതെരഞ്ഞെടുപ്പ്​ ഫലം

മധ്യപ്രദേശ്​

തെരഞ്ഞെടുപ്പ്​ നടന്നത്​: 28

ബി.ജെ.പി-19
കോൺഗ്രസ്​- 7
മറ്റുള്ളവർ -1

ഗുജറാത്ത്​

തെരഞ്ഞെടുപ്പ്​ നടന്നത്​ -8

ബി.ജെ.പി -8

ഉത്തർപ്രദേശ്​

തെരഞ്ഞെടുപ്പ്​ നടന്നത്​ -7

ബി.ജെ.പി -5
സമാജ്​വാദി പാർടി-2

ഝാർഖണ്ഡ്​

യു.പി.എ -2
എൻ.ഡി.എ -0

ഛത്തീസ്​ ഗഢ്​

തെരഞ്ഞെടുപ്പ്​ നടന്നത്​ :1
കോൺഗ്രസ്​ -1

ഹരിയാന

തെരഞ്ഞെടുപ്പ്​ നടന്നത്​ :1
കോൺഗ്രസ്​​ -1

കർണാടക

തെരഞ്ഞെടുപ്പ്​ നടന്നത്​ :2
ബി.​ജെ.പി 2

നാഗാലാൻറ്​

തെരഞ്ഞെടുപ്പ്​ നടന്നത്​ :2
സ്വതന്ത്രർ-1
എൻ.ഡി.പി.പി-1

ഒഡീഷ

തെരഞ്ഞെടുപ്പ്​ നടന്നത്​ :2
ബിജു ജനതാദൾ -2

മണിപ്പൂർ

തെരഞ്ഞെടുപ്പ്​ നടന്നത്​ :5

ബി.ജെ.പി -4
സ്വതന്ത്രർ -1

ഭോപ്പാൽ: മധ്യപ്രദേശിൽ ഉപതെരഞ്ഞെടുപ്പ്​ നടക്കുന്ന 28 സീറ്റിൽ  വോ​ട്ടെണ്ണൽ പുരോഗമിക്കവെ ബി.ജെ.പിക്ക്​ ലീഡ്​. 17 സീറ്റിൽ ബി.ജെ.പി മുന്നേറു​േമ്പാൾ ഒമ്പത്​​​ ഇടങ്ങളിൽ കോൺഗ്രസ്​ ലീഡ്​ ​ചെയ്യുന്നു. രണ്ട്​ സീറ്റുകളിൽ ബി.എസ്​.പിയാണ്​ മുന്നിൽ.

ഗുജറാത്തിൽ തെരഞ്ഞെടുപ്പ്​ നടന്ന എട്ട്​ സീറ്റിൽ ഏഴിടത്തും ബി.ജെ.പിയാണ്​ മുന്നിൽ. ഒരിടത്ത്​ മാത്രമാണ്​ കോൺഗ്രസ്​ മുന്നേറ്റം. കർണാടകയിലെ സിറ, ആർ.ആർ നഗർ സീറ്റുകളിൽ ബി.ജെ.പി മുന്നേറ്റം തുടരുകയാണ്​. തെലങ്കാനയിലെ ദുബ്ബക്കിൽ ബി.ജെ.പി മുന്നിലെത്തി.

ഹരിയാനയിലെ ബറോഡയിലും ചത്തീസ്​ഗഡിലെ ഏകസീറ്റിലും കോൺഗ്രസിനാണ്​ ലീഡ്​. ഝാർഖണ്ഡിൽ ഉപതെരഞ്ഞെടുപ്പ്​ നടന്ന ദുംക ബെർമോ മണ്ഡലങ്ങളിൽ ബി.ജെ.പിക്കാണ്​​ ലീഡ്​. യു.പിയിൽ ബി.ജെ.പി അഞ്ച്​ സീറ്റിൽ ലീഡ്​ ചെയ്യുന്നു. സമാജ്​വാദി പാർട്ടിയും സ്വതന്ത്രനുമാണ്​ മറ്റ്​ രണ്ടിടങ്ങളിൽ മുന്നേറുന്നത്​.

കമൽനാഥ്​ സർക്കാറിനെ വലിച്ച്​ താഴെയിട്ട് മാർച്ചിൽ​ ബി.ജെ.പി പാളയത്തിലെത്തിയ സിന്ധ്യക്ക്​ ​ഉപതെരഞ്ഞെടുപ്പ്​ അഭിമാനപ്പോരാട്ടമാണ്​. തന്നെ വിശ്വസിച്ച്​ സ്​ഥാനം രാജിവെച്ച എം.എൽ.എമാരെ വിജയിപ്പിക്കുക എന്നത്​ സിന്ധ്യയുടെ ഉത്തരവാദിത്വമായാണ്​ കണക്കാക്കുന്നത്​. സിന്ധ്യ കുടുംബത്തിന്​ ഏറെ സ്വധീനമുള്ള ഗ്വാളിയോർ ചമ്പൽ മേഖലയിലാണ്​ ​ഉപതെരഞ്ഞെടുപ്പ്​ നടക്കുന്ന 16 സീറ്റുകൾ.

അ​വി​ടെ സീ​റ്റു​ക​ൾ ന​ഷ്​​ട​പ്പെ​ട്ടാ​ൽ സിന്ധ്യയു​െട സ്വാ​ധീ​നം പ​ണ്ടേ​പോ​ലെ ഫ​ലി​ക്കു​ന്നി​ല്ല എ​ന്ന​തിെൻറ തെ​ളി​വാ​കും. സി​ന്ധ്യ​ക്കൊ​പ്പം വ​ന്ന മു​ൻ കോ​ൺ​ഗ്ര​സ്​ എം.​എ​ൽ.​എ​മാ​ർ​ക്കെ​ല്ലാം സീ​റ്റു ന​ൽ​കി​യ​തി​ൽ ബി.​ജെ.​പി നേ​താ​ക്ക​ളി​ൽ ചി​ല​ർ അസംതൃപ്​തരായിരുന്നു. ചിലർ പ്രചാരണ പ്രവർത്തനങ്ങളിൽ നിന്നടക്കം വിട്ടുനിന്നതി​െൻറ അടിസ്​ഥാനത്തിൽ ദേശീയ നേതൃത്വത്തിന്​ കണ്ണുരു​ട്ടേണ്ടിയും വന്നു.

സി​ന്ധ്യ​യു​ടെ ക​ളം​മാ​റ്റ​ത്തോ​ടെ ന​ഷ്​​ട​പ്പെ​ട്ട ഭ​ര​ണം തി​രി​ച്ചു​പി​ടി​ക്ക​ണ​മെ​ങ്കി​ൽ കോ​ൺ​ഗ്ര​സി​ന് 28 സീ​റ്റി​ലും വി​ജ​യം നേ​ടി 230 അം​ഗ നി​യ​മ​സ​ഭ​യി​ൽ ഭൂ​രി​പ​ക്ഷം സ്ഥാ​പി​ക്ക​ണം. എ​ന്നാ​ൽ, ഒ​മ്പ​തു സീ​റ്റു​ക​ൾ നേ​ടി​യാ​ൽ ശിവരാജ്​ സിങ്​ ചൗഹാന്​ വീ​ണു​കി​ട്ടി​യ ഭ​ര​ണം നി​ല​നി​ർ​ത്താ​നു​മാ​കും.

വ​ർ​ഷ​ങ്ങ​ളു​ടെ കാ​ത്തി​രി​പ്പി​നു​ശേ​ഷം ക​ഷ്​​ടി​ച്ചു തി​രി​ച്ചു​പി​ടി​ച്ച മ​ധ്യ​പ്ര​ദേ​ശി​ലെ ഭ​ര​ണം ന​ഷ്​​ട​പ്പെ​ടു​ത്തി​യ സി​ന്ധ്യ​യെ പരാജയപ്പെടുത്താനായില്ലെങ്കിൽ അ​ടു​ത്ത​കാ​ല​ത്തൊ​ന്നും സം​സ്ഥാ​ന​ത്ത് പ​ച്ച​പി​ടി​ക്കാ​നാ​വി​ല്ലെന്ന ബോധ്യം കോ​ൺ​ഗ്ര​സി​നുണ്ട്​. അ​തു കൊ​ണ്ടു​ത​ന്നെ കോ​ൺ​ഗ്ര​സിെൻറ​യും സി​ന്ധ്യ​യു​ടെ​യും നി​ല​നി​ൽ​പിെൻറ പോരാട്ടമാണിത്​. പ്രചാരണ വേളയിൽ മുൻ മുഖ്യമന്ത്രി കമൽനാഥി​െൻറ വിവാദ പരാമർശവും മറ്റും തെരഞ്ഞെടുപ്പിനെ എങ്ങനെ ബാധിച്ചുവെന്ന്​ കണ്ടറിയണം.

ഉന്നാവ്​ ബലാത്സംഗക്കേസിൽ ശിക്ഷിക്കപ്പെട്ട കുൽദീപ്​ സിങ്​ ​സെംഗാർ മത്സരിച്ചിരുന്ന സീറ്റിലടക്കം ഏഴ്​ മണ്ഡലങ്ങളിലാണ്​ യു.പിയിൽ തെരഞ്ഞെടുപ്പ്​. കർണാടകയിൽ രണ്ട്​ സീറ്റുകളിൽ ത്രികോണ മത്സരമാണ്​ നടക്കുന്നത്​. തുംകൂർ ജില്ലയിലെ സിറയിലും ബംഗളൂരുവിലെ രാജേശ്വരി നഗറിലുമാണ്​ ഉപതെരഞ്ഞെടുപ്പുകൾ. ഇവിടെ കോൺഗ്രസ്​, ബി.ജെ.പി, ജെ.ഡി.എസ്​ എന്നിവർ പരസ്​പരം ഏറ്റുമുട്ടുകയാണ്​.

ഛത്തി​ഡ്ഗ​ഢ് (ഒ​ന്ന്), ഗു​ജ​റാ​ത്ത്(​എ​ട്ട്), ഹ​രി​യാ​ന (ഒ​ന്ന്), ഝാ​ർ​ഖ​ണ്ഡ് (ര​ണ്ട്), മ​ണി​പ്പൂ​ർ (ര​ണ്ട്), നാ​ഗാ​ലാ​ൻ​ഡ് (ര​ണ്ട്), തെ​ല​ങ്കാ​ന (ഒ​ന്ന്), ഒ​ഡി​ഷ (ര​ണ്ട്), എന്നീ സംസ്​ഥാനങ്ങളിൽ നടന്ന തെരഞ്ഞെടുപ്പുകളുടെയും ഫലം ചൊവ്വാഴ്​ച പുറത്തുവരും.