ബുർഹാൻപുർ: മധ്യപ്രദേശിലെ ബുർഹാൻപുരിൽ സ്വാതന്ത്ര്യദിനാഘോഷ ചടങ്ങിന് തൊട്ടുമുമ്പ് സംസ്ഥാന സാമൂഹിക നീതി മന്ത്രി പ്രേംസിങ് പട്ടേലിന് ദേഹാസ്വാസ്ഥ്യം. ഇതേതുടർന്ന് അദ്ദേഹത്തിന് പതാക ഉയർത്തൽ ചടങ്ങിൽ പങ്കെടുക്കാനായില്ല. ചടങ്ങിനായി ശനിയാഴ്ച വൈകീട്ടാണ് മന്ത്രി എത്തിയത്.
ഞായറാഴ്ച പുലർച്ച നെഞ്ചുവേദന അനുഭവപ്പെടുകയായിരുന്നു. തുടർന്ന് ഡോക്ടർമാരുടെ സംഘം അദ്ദേഹത്തെ പരിശോധിക്കുകയും ചികിത്സ നൽകുകയും ചെയ്തു. എന്നാൽ, രാവിലെ വീണ്ടും നെഞ്ചുവേദനയും അസ്വസ്ഥതയും ഉണ്ടായതിനാൽ സ്വകാര്യ ആശുപത്രിയിലേക്ക് മാറ്റി.
വിശദ പരിശോധനക്കായി അദ്ദേഹത്തെ ഭോപാലിലെത്തിച്ചതായി ഉദ്യോഗസ്ഥർ അറിയിച്ചു. സ്വാതന്ത്ര്യദിന ചടങ്ങിൽ ജില്ല കലക്ടർ പ്രവീൺ സിങ് ദേശീയ പതാക ഉയർത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.