കൂ​ടു​ത​ൽ സം​സ്​​ഥാ​ന​ങ്ങ​ളി​ലേ​ക്ക്​ ചു​വ​ടു​വെ​ച്ച്​ മ​മ​ത

ന്യൂ​ഡ​ൽ​ഹി: കോ​ൺ​ഗ്ര​സ്​ വി​ട്ട മു​ൻ​​ക്രി​ക്ക​റ്റ്​ താ​ര​വും മു​ൻ എം.​പി​യു​മാ​യ കീ​ർ​ത്തി ആ​സാ​ദ്​, ജ​ന​താ​ദ​ൾ യു​വി​ൽ നി​ന്ന്​ പു​റ​ത്താ​ക്ക​പ്പെ​ട്ട മു​തി​ർ​ന്ന നേ​താ​വ്​ പ​വ​ൻ വ​ർ​മ എ​ന്നി​വ​ർ തൃ​ണ​മൂ​ൽ കോ​ൺ​ഗ്ര​സി​ൽ. ഡ​ൽ​ഹി​യി​ലെ​ത്തി​യ പ​ശ്ചി​മ ബം​ഗാ​ൾ മു​ഖ്യ​മ​ന്ത്രി മ​മ​ത ബാ​ന​ർ​ജി ഇ​രു​വ​രെ​യും പാ​ർ​ട്ടി​യി​ലേ​ക്ക്​ സ്വീ​ക​രി​ച്ചു.

ഹ​രി​യാ​ന​യി​ലെ മു​ൻ കോ​ൺ​ഗ്ര​സ്​ നേ​താ​വ്​ അ​ശോ​ക്​ ത​ൻ​വാ​റും തൃ​ണ​മൂ​ലി​ൽ ചേ​ർന്നു.

ലോ​ക്​​സ​ഭ തെ​ര​ഞ്ഞെ​ടു​പ്പി​നു മു​മ്പ്​ വി​വി​ധ സം​സ്​​ഥാ​ന​ങ്ങ​ളി​ലേ​ക്ക്​ വേ​രു പ​ട​ർ​ത്തു​ന്ന തൃ​ണ​മൂ​ൽ കോ​ൺ​ഗ്ര​സി​െൻറ ബി​ഹാ​റി​ലേ​ക്കു​ള്ള ചു​വ​ടു​വെ​പ്പാ​യാ​ണ്​ പ​വ​ൻ വ​ർ​മ​യു​ടെ​യും കീ​ർ​ത്തി ആ​സാ​ദി​െൻറ​യും ക​ട​ന്നു വ​ര​വി​നെ കാ​ണു​ന്ന​ത്.

ദർഭംഗയിൽ നിന്ന്​ മൂന്നു വട്ടം ജയിച്ച കീർത്തി ആസാദ്​, ബി.ജെ.പി സസ്​പെൻഡ്​ ചെയ്​തതിനെത്തുടർന്നാണ്​ കോൺഗ്രസിൽ എത്തിയത്​. ഡൽഹി ക്രിക്കറ്റ്​ അസോസിയേഷനുമായി ബന്ധപ്പെട്ട അഴിമതിയിൽ മുൻമന്ത്രി അരുൺ ജെയ്​റ്റ്​ലിക്കെതിരെ നടത്തിയ പരാമർശങ്ങളാണ്​ പുറത്താക്കലിനു​ കാരണമായത്​.

പ്ര​ശാ​ന്ത്​ കി​ഷോ​റി​നൊ​പ്പം ക​ഴി​ഞ്ഞ ജ​നു​വ​രി​യി​ൽ പു​റ​ത്താ​ക്ക​പ്പെ​ടു​ന്ന​തു വ​രെ ബി​ഹാ​ർ മു​ഖ്യ​മ​ന്ത്രി നി​തീ​ഷ്​ കു​മാ​റി​െൻറ വി​ശ്വ​സ്​​ത​നാ​യി​രു​ന്നു പ​വ​ൻ വ​ർ​മ. പൗ​ര​ത്വ ഭേ​ദ​ഗ​തി നി​യ​മ​വു​മാ​യി ബ​ന്ധ​പ്പെ​ട്ട നി​ല​പാ​ടാ​ണ്​ പു​റ​ത്താ​ക്ക​ലി​ലേ​ക്കു​ ന​യി​ച്ച​ത്. ശക്തമായ പ്രതിപക്ഷവും അർഥപൂർണമായ പാർട്ടിയും മമത കെട്ടിപ്പടുക്കുന്നതു കൊണ്ടാണ്​ തൃണമൂൽ കോൺഗ്രസിൽ ചേർന്നതെന്ന്​ പവൻ വർമ പറഞ്ഞു. 2024ലെ ​തെ​ര​ഞ്ഞെ​ടു​പ്പു ക​ഴി​ഞ്ഞാ​ൽ സ​ർ​ക്കാ​റു​ണ്ടാ​ക്കാ​ൻ മ​മ​ത ഡ​ൽ​ഹി​യി​ൽ ഉ​ണ്ടാ​വു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

മ​മ​ത വീ​ണ്ടും മു​ഖ്യ​മ​ന്ത്രി​യാ​യ ശേ​ഷം മു​കു​ൾ റോ​യി അ​ട​ക്കം പ​ശ്ചി​മ ബം​ഗാ​ളി​ലെ നി​ര​വ​ധി നേ​താ​ക്ക​ൾ തൃ​ണ​മൂ​ൽ കോ​ൺ​ഗ്ര​സി​ലേ​ക്ക്​ മ​ട​ങ്ങി​യി​രു​ന്നു. ത്രി​പു​ര, ഗോ​വ, ബി​ഹാ​ർ, ഝാ​ർ​ഖ​ണ്ഡ്​​ തു​ട​ങ്ങി വി​വി​ധ സം​സ്​​ഥാ​ന​ങ്ങ​ളി​ൽ നി​ന്ന്​ പ്ര​മു​ഖ നേ​താ​ക്ക​ൾ മ​മ​ത​യു​ടെ പാ​ർ​ട്ടി​യി​ലെ​ത്തി. പ്ര​ധാ​ന​മ​ന്ത്രി സ്​​ഥാ​നാ​ർ​ഥി​യെ​ന്ന നി​ല​യി​ൽ ക​രു​ത്തു നേ​ടാ​നു​ള്ള ശ്ര​മ​ങ്ങ​ളി​ലാ​ണ്​ മ​മ​ത. ശീ​ത​കാ​ല പാ​ർ​ല​െ​മ​ൻ​റ്​ സ​മ്മേ​ള​ന​ത്തി​നു മു​മ്പാ​യി ഡ​ൽ​ഹി​യി​ൽ എ​ത്തി​യ മ​മ​ത, പ്ര​തി​പ​ക്ഷ​ത്തി​െൻറ സ​ഭാ​ത​ല ഏ​കോ​പ​ന​ത്തി​ന്​ വി​വി​ധ പ്ര​തി​പ​ക്ഷ നേ​താ​ക്ക​ളെ കാ​ണു​ന്നു​ണ്ട്.

ക​ഷ്​​ട​പ്പെ​ടാ​ൻ ത​യാ​റ​ല്ലാ​ത്ത​വ​രാ​ണ്​ കോ​ൺ​ഗ്ര​സ്​ വി​ട്ട്​ മ​റ്റു പാ​ർ​ട്ടി​ക​ളി​ൽ ചേ​രു​ന്ന​തെ​ന്നും രാ​ജ്യ​ത്തി​നു വേ​ണ്ടി പൊ​രു​താ​ൻ ത​യാ​റു​ള്ള​വ​ർ പാ​ർ​ട്ടി​ക്കൊ​പ്പ​മാ​ണെ​ന്നും കീ​ർ​ത്തി ആ​സാ​ദി​നെ​ക്കു​റി​ച്ച്​ പ​രാ​മ​ർ​ശി​ക്ക​വേ, കോ​ൺ​ഗ്ര​സ്​ വ​ക്താ​വ്​ പ​വ​ൻ ഖേ​ര പ​റ​ഞ്ഞു.