ഉദയ്‌‌പുര്‍: രാജസ്ഥാനില്‍ ‘ലവ് ജിഹാദ്’ ആരോപിച്ച് തൊഴിലാളിയെ വെട്ടിക്കൊന്ന് കത്തിച്ചു. മൃതദേഹം ചുെട്ടരിക്കുന്നതിെൻറ ദൃശ്യങ്ങൾ പകർത്തി സമൂഹമാധ്യമങ്ങളിൽ പ്രചരിപ്പിച്ചു. അഫ്റസൂല്‍ ഖാൻ (47)ആണ് രാ‌ജ്‌സമന്ത് പ്രദേശത്ത് ഒരു ഹോട്ടലിനു സമീപം ബുധനാഴ്ച കൊല്ലപ്പെട്ടത്. ഹിന്ദു യുവതിയെ പ്രണയിച്ചുവെന്നാരോപിച്ചാണ് അറുകൊലയെന്ന് പൊലീസ് പറഞ്ഞു.
സംഭവത്തില്‍ യുവതിയുെട സഹോദരൻ ശംഭുലാലിനെ അറസ്റ്റുചെയ്‌തതായി പൊലീസ് പറഞ്ഞു. മറ്റു പ്രതികള്‍ക്കായി തിരച്ചിൽ തുടങ്ങി. പശ്ചിമ ബംഗാളിലെ മാല്‍ഡ സ്വദേശിയായ അഫ്റസൂൽ രാജ്‌സമന്തില്‍ കരാര്‍ തൊഴിലാളിയാണ്. കുടുംബത്തോടൊപ്പം ഇവിടെ താമസിച്ചുവരുകയായിരുന്നു. ഭാര്യയും മൂന്നു മക്കളുമുണ്ട്. പകുതി കത്തിക്കരിഞ്ഞ മൃതദേഹത്തിനു സമീപം രണ്ട് ബൈക്കുകൾ നിർത്തിയിട്ടത് ദൃശ്യങ്ങളിലുണ്ട്. പൊലീസ് ഫോൺ ചെയ്താണ് ഭർത്താവ് െകാല്ലപ്പെട്ട വിവരം അറിയിച്ചതെന്ന് ഭാര്യ ഗുൽബഹാർ ബീവി അറിയിച്ചു.
ശംഭുലാലിെൻറ സഹോദരിയുമായി അഫ്റസൂലിന് അടുപ്പമുണ്ടായിരുന്നുവെന്ന് പൊലീസ് പറഞ്ഞു. ജോലിയുണ്ടെന്ന് പറഞ്ഞ് അഫ്റസൂലിനെ കൂട്ടിക്കൊണ്ടു പോയി കൊലപ്പെടുത്തുകയായിരുന്നു. പ്രതികളെ പിടികൂടുന്നതിന് പ്രത്യേക അന്വേഷണ സംഘത്തെ നിയോഗിച്ചതായി രാജസ്ഥാന്‍ ആഭ്യന്തരമന്ത്രി ഗുലാബ് ചന്ദ് കട്ടാരിയ പറഞ്ഞു. കൊലനടത്തിയ ശംഭുലാലിനൊപ്പം മറ്റു രണ്ടുപേർ കൂടി ഉണ്ടെന്ന് ദൃശ്യങ്ങളിൽ നിന്ന് വ്യക്തമാണെന്ന് പൊലീസ് സൂപ്രണ്ട് മനോജ് കുമാർ അറിയിച്ചു.
മൃതദേഹം കത്തിയെരിയുേമ്പാൾ സമീപംനിന്ന പ്രതികളിലൊരാൾ ‘ലവ് ജിഹാദ് ’ അവസാനിപ്പിച്ചില്ലെങ്കിൽ ഇത്തരം സംഭവങ്ങൾ ഉണ്ടാകുമെന്ന് ഭീഷണി മുഴക്കുന്നത് ദൃശ്യങ്ങളിലുണ്ട്. സംഭവത്തിനുപിന്നിൽ ഗൂഢാലോചനയുണ്ടെന്നും ഉന്നതർക്ക് പങ്കുണ്ടെന്നും അഫ്റസൂലിെൻറ ബന്ധു സീനത്ത് ഖാൻ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.