ന്യൂഡല്‍ഹി: ആശുപത്രിയില്‍ കയറി ചികിത്സയിലായിരുന്ന രോഗിയെ തീകൊളുത്തിയയാള്‍ പിടിയില്‍. മധ്യ പ്രദേശിലെ സാഗര്‍ ജില്ലയിലാണ് സംഭവം. മിലന്‍ രജക് എന്നയാളാണ് പിടിയിലായത്. പൊള്ളലേറ്റ ദാമോദര്‍ കോരി എന്നയാളെ ബുന്ദേല്‍ഖണ്ഡ് മെഡിക്കല്‍ കോളേജിലേക്ക് മാറ്റി.
മിലന്‍ രജകില്‍നിന്നും മര്‍ദനമേറ്റാണ് ദാമോദര്‍ കോരി ആശുപത്രിയില്‍ ചികിത്സയില്‍ കഴിഞ്ഞിരുന്നത്. ആശുപത്രിയിലേക്ക് പെട്രോളുമായെത്തി തീകൊളുത്തിയ ശേഷം പിന്‍വാതിലിലൂടെ രക്ഷപ്പെടുകയും ചെയ്തു.
സംഭവം ആശുപത്രിയിലെ സി.സി.ടി.വിയില്‍ പതിഞ്ഞിരുന്നു. ഇതുപ്രകാരം പ്രതിയെ തിരിച്ചറിയുകയും ഗാപാല്‍ഗഞ്ച് പൊലീസ് അറസ്റ്റ് ചെയ്യുകയുമായിരുന്നു. പൊള്ളലേറ്റ ദാമോദര്‍ കോരി ഇയാള്‍ക്കെതിരെ മൊഴി നല്‍കുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.