ഗുവാഹത്തി: കോവിഡ് ബാധയെ തുടർന്ന് മേഘാലയിൽ ആദ്യ മരണം റിപ്പോർട്ട് ചെയ്തു. 69 കാരനായ ഡോക്ടറാണ് ബുധനാഴ് ച പുലർച്ചെ രണ്ടു മണിയോടെ മരിച്ചതെന്ന് മേഘാലയ ആരോഗ്യ വകുപ്പ് അറിയിച്ചു.
ഷില്ലോങ്ങിലെ ബെഥനി ആശുപത്രിയിൽ ജോലി ചെയ്തിരുന്ന ഇദ്ദേഹം കോവിഡ് സ്ഥിരീകരിച്ചതിനെ തുടർന്ന് ഇവിടെതന്നെ ചികിത്സയിലായിരുന്നു.
ഡോക്ടർക്ക് രോഗം സ്ഥിരീകരിച്ചതോടെ ആശുപത്രിയിലെ രോഗികളെയും മറ്റു ഡോക്ടർമാരെയും നഴ്സുമാരെയും ജീവനക്കാരെയും ക്വാറൻറീനിലാക്കിയിരുന്നു. രാജ്യത്തിൻെറ വടക്കുകിഴക്കൻ സംസ്ഥാനങ്ങളിൽ രണ്ടാമത്തെയാളാണ് കോവിഡ് ബാധിച്ച് മരിക്കുന്നത്.
നേരത്തേ അസമിൽ ഒരാൾ കോവിഡ് ബാധിച്ച് മരിച്ചിരുന്നു. വടക്കുകിഴക്കൻ സംസ്ഥാനങ്ങളിൽ ഇതുവരെ 40ഓളം പേർക്കാണ് കോവിഡ് ബാധ സ്ഥിരീകരിച്ചത്. കഴിഞ്ഞ ദിവസം മണിപ്പൂരിൽ ആദ്യം രോഗം സ്ഥിരീകരിച്ച സ്ത്രീ രോഗമുക്തിനേടി ആശുപത്രി വിട്ടിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.