മൊഹാലി: അമിത വേഗതയിൽ എത്തിയ മെഴ്സിഡസ് കാർ ഇടിച്ചുണ്ടായ അപകടത്തിൽ മൂന്ന് പേർ മരിച്ചു. ശനിയാഴ്ച രാവിലെ പഞ്ചാബിലെ മൊഹാലിയിലായിരുന്നു സംഭവം.
നിയന്ത്രണം വിട്ട കാർ ആദ്യം രണ്ട് സൈക്കിൾ യാത്രികരെ ഇടിച്ച ശേഷം ഓഫീസ് കാബിൽ ഇടിക്കുകയും ശേഷം ഇരുമ്പ് വേലിയിൽ ഇടിച്ച് കയറുകയുമായിരുന്നു.
ഓഫീസ് ക്യാബിലെ മൂന്ന് പേർ സംഭവ സ്ഥലത്ത് വെച്ച് തന്നെ മരിച്ചു. മൂന്ന് പേർക്ക് പരിക്കേറ്റിട്ടുണ്ട്. അതിൽ രണ്ടുപേരുടെ നില ഗുരുതരമാണ്.
കാറിലുണ്ടായിരുന്ന മൂന്ന് പേരും സംഭവ സ്ഥലത്ത് നിന്ന് ഓടി രക്ഷപ്പെട്ടിരുന്നു. എന്നാൽ സംഭവത്തിൽ ഒരാൾ അറസ്റ്റിലായതായി പൊലീസ് അറിയിച്ചു. അപകടമുണ്ടാക്കിയ കാറിലെ യാത്രികൾ മദ്യപിച്ചിരുന്നതായും കാറിൽ നിന്ന് മൂന്ന് ബിയർ ബോട്ടിലുകൾ കണ്ടെടുത്തതായും പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.