ന്യൂഡൽഹി: തെരഞ്ഞെടുപ്പുസമയത്ത് നിരവധി റാലികളിൽ പങ്കെടുത്ത പ്രധാനമന്ത്രി നരേന്ദ്ര മോദി കോവിഡ് മഹാമാരി രുക്ഷമായ ഈ സമയത്ത് ഏതെങ്കിലും ആശുപത്രിയോ ദുരിമനുഭവിക്കുന്ന ഏതെങ്കിലും കുടുംബത്തെയോ സന്ദർശിക്കുന്നത് കണ്ടിട്ടുണ്ടോയെന്ന ചോദ്യമുന്നയിച്ച് കോൺഗ്രസ് നേതാവ് ശ്രീവത്സ. രാജ്യം കണ്ട ഏറ്റവും ഹൃദയശൂന്യനായ പ്രധാനമന്ത്രിയാണ് മോദിയെന്ന് യൂത്ത് കോൺഗ്രസ് ദേശീയ കാമ്പയിൻ ചുമതലക്കാരനായ ശ്രീവത്സ ആരോപിച്ചു.
'കേരളത്തിൽ അഞ്ചു റാലികൾ, തമിഴ്നാട്ടിൽ ഏഴു റാലികൾ, അസമിൽ ഏഴെണ്ണം, ബംഗാളിൽ 17 റാലികൾ..ഇതിലൊക്കെ പങ്കെടുത്ത പ്രധാനമന്ത്രി നരേന്ദ്ര മോദി ഈ മഹാമാരിക്കാലത്ത് ഏതെങ്കിലുമൊരു ആശുപത്രി സന്ദർശിക്കുന്നത് നിങ്ങൾ കണ്ടിട്ടുണ്ടോ? ദുരിതമനുഭവിക്കുന്ന ഏതെങ്കിലുമൊരു കുടുംബത്തെ സന്ദർശിക്കുന്നത് കണ്ടോ? പാവപ്പെട്ട ഒരു തൊഴിലാളിയെയെങ്കിലും ആശ്വസിപ്പിക്കുന്നത് ശ്രദ്ധയിൽപെട്ടോ? ഒരു കൊറോണ പോരാളിയെയെങ്കിലും സന്ദർശിച്ചോ? ഇന്ത്യൻ ചരിത്രത്തിലെ ഏറ്റവും ഹൃദയശൂന്യനായ പ്രധാനമന്ത്രി മോദിയാണ്' -ശ്രീവത്സയുടെ ട്വീറ്റ് ഇങ്ങനെയായിരുന്നു.
രണ്ടു മണിക്കൂറിനകം 15000ലേറെ ൈലക്കാണ് ട്വീറ്റിന് ലഭിച്ചത്. 5000ലേറെ പേർ ട്വീറ്റ് പങ്കുവെച്ചിട്ടുമുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.