ബീ​ഡി​ൽ മ​റാ​ത്ത ചൂ​ടി​ൽ പു​ക​യു​ക​യാ​ണ് മു​ണ്ടേ​യു​ടെ മ​ക​ൾ പ​ങ്ക​ജ

ബീ​ഡ് (മ​ഹാ​രാ​ഷ്ട്ര): മ​ഹാ​രാ​ഷ്ട്ര​യി​ലെ ബീ​ഡി​ൽ മു​മ്പെ​ങ്ങു​മി​ല്ലാ​ത്ത​വി​ധം തെ​ര​ഞ്ഞെ​ടു​പ്പ് ചൂ​ട് അ​നു​ഭ​വി​ക്കു​ന്നു​ണ്ട്, ബി.​ജെ.​പി​യി​ലെ സ​മു​ന്ന​ത നേ​താ​വാ​യി​രു​ന്ന ഗോ​പി​നാ​ഥ് മു​ണ്ടേ​യു​ടെ മ​ക​ൾ പ​ങ്ക​ജ മു​ണ്ടേ. സി​റ്റി​ങ് എം.​പി​യാ​യ അ​നു​ജ​ത്തി പ്രീ​തം മു​ണ്ടേ​യെ മാ​റ്റി​യാ​ണ് പ​ങ്ക​ജ​ക്ക് പാ​ർ​ട്ടി സീ​റ്റ് ന​ൽ​കി​യ​ത്. സം​സ്ഥാ​ന സ​ർ​ക്കാ​റി​ൽ വ​ലി​യ റോ​ളി​നാ​യി പ്ര​തീ​ക്ഷി​ക്കു​ന്ന പ​ങ്ക​ജ​ക്ക് ദേ​ശീ​യ​രാ​ഷ്ട്രീ​യ​ത്തി​ൽ ഒ​ട്ടും താ​ൽ​പ​ര്യ​മു​ണ്ടാ​യി​രു​ന്നി​ല്ല.

ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ തോ​റ്റ​തി​ൽ പി​ന്നെ ഒ​ന്നു​മ​ല്ലാ​ത്ത അ​വ​സ്ഥ​യി​ലാ​ണ് പ​ങ്ക​ജ. പി​ന്നീ​ട് ന​ട​ന്ന നി​യ​മ​സ​ഭ കൗ​ൺ​സി​ൽ തെ​ര​ഞ്ഞെ​ടു​പ്പു​ക​ളി​ൽ ആ​വ​ശ്യ​പ്പെ​ട്ടി​ട്ടും അ​വ​സ​രം ന​ൽ​കി​യി​ല്ലെ​ന്ന് മാ​ത്ര​മ​ല്ല 2021 ലെ ​കേ​ന്ദ്ര മ​ന്ത്രി​സ​ഭ പു​നഃ​സം​ഘ​ട​ന​യി​ൽ പ്രീ​തം മു​ണ്ടേ​യെ പ​രി​ഗ​ണി​ക്കു​ന്ന​തി​നു പ​ക​രം ബീ​ഡി​ൽ​നി​ന്നു​ള്ള ഭ​ഗ​വ​ത് ക​രാ​ഡി​നെ​യാ​ണ് കേ​ന്ദ്ര നേ​തൃ​ത്വം പ​രി​ഗ​ണി​ച്ച​ത്.

മു​ണ്ടേ​യു​ടെ മ​ക്ക​ളെ പ​രി​ഗ​ണി​ക്കാ​തെ അ​നു​യാ​യി​യെ മ​ന്ത്രി​യാ​ക്കി​യ​ത് ദു​സ്സൂ​ച​ന​യാ​യി​ട്ടാ​ണ് പ​ങ്ക​ജ ക​ണ്ട​ത്. നി​രാ​ശ മ​റ​ച്ചു​വെ​ക്കാ​തെ പ​ങ്ക​ജ തു​റ​ന്നു പ്ര​ക​ടി​പ്പി​ക്കു​ക​യും ചെ​യ്തു. ദേ​ശീ​യ സെ​ക്ര​ട്ട​റി പ​ദ​വി ന​ൽ​കി​യെ​ങ്കി​ലും പ​ങ്ക​ജ അ​സ്വ​സ്ഥ​യാ​യി​രു​ന്നു. ഒ​ടു​വി​ൽ ബീ​ഡി​ൽ സ്ഥാ​നാ​ർ​ഥി​യാ​ക്കി. അ​ത് സ്വീ​ക​രി​ക്കു​ക​യ​ല്ലാ​തെ മ​റ്റു മാ​ർ​ഗ​മു​ണ്ടാ​യി​രു​ന്നി​ല്ല.

എ​ന്നാ​ൽ, മ​റാ​ത്ത- ഒ.​ബി.​സി വി​ഭാ​ഗ​ങ്ങ​ൾ ത​മ്മി​ൽ ക​ടു​ത്ത പോ​ര് ന​ട​ക്കു​ന്ന രാ​ഷ്ട്രീ​യ കാ​ലാ​വ​സ്ഥ​യി​ലാ​ണ് സ്ഥാ​നാ​ർ​ഥി​ത്വം. ഒ.​ബി.​സി​യി​ൽ​പെ​ട്ട വ​ഞ്ചാ​രി സ​മു​ദാ​യ​ക്കാ​രി​യാ​ണ് പ​ങ്ക​ജ. മ​റാ​ത്ത സ​മു​ദാ​യ​ക്കാ​ര​നാ​യ ബ​ജ്റം​ഗ് സോ​നാ​വാ​നെ​യാ​ണ് (ശ​ര​ദ് പ​വാ​ർ പ​ക്ഷ എ​ൻ. സി.​പി) എ​തി​രാ​ളി. മ​ണ്ഡ​ല​ത്തി​ലെ ജ​ന​സം​ഖ്യ​യി​ൽ 3.5 ല​ക്ഷ​ത്തോ​ള​മാ​ണ് വ​ഞ്ചാ​രി​ക​ൾ.

ആ​റ് ല​ക്ഷം ക​വി​യും മാ​റാ​ത്ത​ക​ൾ. മൂ​ന്നു​ല​ക്ഷം മു​സ്‍ലിം​ക​ളു​മു​ണ്ട്. ഇ​തു​വ​രെ മു​ണ്ടേ കു​ടും​ബ​ത്തോ​ട് കൂ​റു​പു​ല​ർ​ത്തി​യി​രു​ന്ന മു​സ്‍ലിം​ക​ളും മ​റാ​ത്ത​ക​ളും ഇ​ത്ത​വ​ണ ത​ന്നെ കൈ​യൊ​ഴി​യു​മെ​ന്ന് പ​ങ്ക​ജ ഭ​യ​ക്കു​ന്നു.

മ​റാ​ത്ത​ക​ളു​ടെ പ്ര​ദേ​ശ​ങ്ങ​ളി​ൽ പ്ര​ചാ​ര​ണ​ത്തി​ന് എ​ത്തി​യ​പ്പോ​ഴൊ​ക്കെ പ​ങ്ക​ജ​ക്ക് ക​രി​ങ്കൊ​ടി​യും പ്ര​തി​ഷേ​ധ​വും നേ​രി​ടേ​ണ്ടി​വ​ന്നു. അ​ത്ത​രം പ്ര​ദേ​ശ​ങ്ങ​ളി​ൽ പ​ങ്ക​ജ​ക്കു​വേ​ണ്ടി പ്ര​ചാ​ര​ണ​ത്തി​ന് ബി.​ജെ.​പി​യി​ലെ​യോ അ​ജി​ത് പ​വാ​ർ അ​ട​ക്കം അ​ദ്ദേ​ഹ​ത്തി​ന്റെ എ​ൻ.​സി.​പി​യി​ലെ​യോ മ​റാ​ത്താ നേ​താ​ക്ക​ൾ കൂ​ട്ടാ​ക്കി​യു​മി​ല്ല.

മ​റാ​ത്ത ഗ്രാ​മ​ങ്ങ​ളി​ൽ രാ​ഷ്ട്രീ​യ നേ​താ​ക്ക​ളോ​ട് ‘ഗെ​റ്റ് ഔ​ട്ട്’ പ​റ​യു​ന്ന പോ​സ്റ്റ​റു​ക​ൾ പ​തി​ച്ചി​ട്ടു​ണ്ട്. മ​റാ​ത്താ സം​വ​ര​ണ​ത്തെ അ​നു​കൂ​ലി​ക്കാ​ത്ത​വ​ർ​ക്ക് എ​തി​രെ കൂ​ട്ട​മാ​യി വോ​ട്ട് ചെ​യ്യ​ണ​മെ​ന്നാ​ണ് സം​വ​ര​ണ സ​മ​ര നാ​യ​ക​ൻ മ​നോ​ജ്‌ ജാ​രെ​ൻ​ഗെ പാ​ട്ടീ​ലി​ന്റെ ആ​ഹ്വാ​നം. ബി.​ജെ.​പി​ക്ക് എ​തി​രെ വോ​ട്ട് ചെ​യ്യ​ണ​മെ​ന്നാ​ണ് ഇ​തി​ന്റെ അ​ർ​ഥം.

മു​ണ്ടേ​യു​ടെ മ​ണ്ഡ​ല​ത്തി​ൽ ഇ​ന്നോ​ള​മി​ല്ലാ​ത്ത വി​ധം സാ​മു​ദാ​യി​ക വി​ഭ​ജ​നം ശ​ക്ത​മാ​ണെ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു. അ​ത് പ​ങ്ക​ജ​യും അ​ടി​വ​ര​യി​ടു​ന്നു. മ​ത, സ​മു​ദാ​യ, ജാ​തി ചി​ന്ത​ക​ൾ ഇ​ന്നോ​ളം ഉ​ണ്ടാ​യി​ട്ടി​ല്ലെ​ന്നും പു​രോ​ഗ​മ​ന സം​സ്ഥാ​ന​മെ​ന്ന് അ​വ​കാ​ശ​പ്പെ​ടു​ന്ന മ​ഹാ​രാ​ഷ്ട്ര​യി​ൽ അ​ത് തെ​ര​ഞ്ഞെ​ടു​പ്പ് വി​ഷ​യ​മാ​കു​ന്ന​തി​ൽ നി​രാ​ശ​യു​ണ്ടെ​ന്നും പ​ങ്ക​ജ പ​റ​ഞ്ഞു.

മ​ണ്ഡ​ല​ത്തി​ൽ മ​റാ​ത്താ വി​കാ​രം ആ​ളി​ക്ക​ത്തി​ക്കു​ന്ന​തി​നു പി​ന്നി​ൽ എ​തി​രാ​ളി ബ​ജ്റം​ഗ് സോ​നാ​വാ​നെ​യാ​ണെ​ന്നാ​ണ് പ​ങ്ക​ജ​യു​ടെ ആ​രോ​പ​ണം. ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ ബീ​ഡ് ലോ​ക്സ​ഭ മ​ണ്ഡ​ല​ത്തി​ന് കീ​ഴി​ലെ ആ​റ് നി​യ​മ​സ​ഭ മ​ണ്ഡ​ല​ങ്ങ​ൾ നാ​ലും എ​ൻ.​സി.​പി​യാ​ണ് ജ​യി​ച്ച​ത്. ഇ​വ​യി​ൽ മൂ​ന്നു എം.​എ​ൽ.​എ​മാ​ർ നി​ല​വി​ൽ അ​ജി​ത് പ​വാ​ർ പ​ക്ഷ​ത്താ​ണ്. അ​ന്ന് ര​ണ്ട് സീ​റ്റു​ക​ളാ​ണ് ബി.​ജെ.​പി​ക്ക് നേ​ടാ​നാ​യ​ത്.

മു​ണ്ടേ​യു​ടെ മ​ക്ക​ളോ​ട് നീ​തി​കേ​ട് കാ​ട്ടു​ന്നു എ​ന്ന സ​ഹ​താ​പ​മു​ണ്ടാ​ക്കാ​ൻ അ​ണി​ക​ൾ ശ്ര​മം ന​ട​ത്തു​ന്നു​ണ്ട്. കേ​ന്ദ്ര​മ​ന്ത്രി​യാ​കു​ക എ​ന്ന​ത് ‘സാ​ഹെ​ബി’ ന്റെ (​ഗോ​പി​നാ​ഥ് മു​ണ്ടേ) ആ​ഗ്ര​ഹ​മാ​യി​രു​ന്നു​വെ​ന്നും മ​ന്ത്രി​യാ​യെ​ങ്കി​ലും ഉ​ട​ൻ (2014 ലെ) ​വാ​ഹ​നാ​പ​ക​ട​ത്തി​ൽ അ​ദ്ദേ​ഹം മ​രി​ക്കു​ക​യാ​യി​രു​ന്നെ​ന്നും ആ ​സ്വ​പ്നം പ​ങ്ക​ജ​യി​ലൂ​ടെ സാ​ക്ഷാ​ത്ക​രി​ക്ക​ണ​മെ​ന്നും പ്ര​ച​രി​പ്പി​ക്ക​പ്പെ​ടു​ന്നു.

അ​തേ​സ​മ​യം, മ​ണ്ഡ​ല​ത്തി​ലെ രാ​ഷ്ട്രീ​യ പ്ര​തി​നി​ധി​ക​ൾ മു​ത​ൽ സ​ർ​ക്കാ​ർ ഉ​ദ്യോ​ഗ​സ്ഥ​ർ​വ​രെ ഒ.​ബി.​സി​യി​ലെ വ​ഞ്ചാ​രി സ​മു​ദാ​യ​ക്കാ​രാ​ണെ​ന്നും മ​റാ​ത്ത​ക​ളു​ടെ അ​വ​സ​ര​ങ്ങ​ൾ ത​ട്ടി​യെ​ടു​ക്ക​പ്പെ​ടു​ക​യാ​ണെ​ന്നും മ​റു​പ​ക്ഷ​വും പ്ര​ച​രി​പ്പി​ക്കു​ന്നു.