ന്യൂഡൽഹി: കോവിഡിന്‍റെ രണ്ടാംതരംഗം രൂക്ഷമാകുന്നതിനിടെ ഇന്ത്യയിൽ നിന്നുള്ള സഞ്ചാരികളെ വിലക്കി വിവാദ ആൾദൈവം നിത്യാനന്ദ. നിത്യാനന്ദ തന്നെ രാജ്യമായി പ്രഖ്യാപിച്ച കൈലാസത്തിൽ നിന്നാണ് സഞ്ചാരികളെ വിലക്കിയത്. ഇന്ത്യക്ക് പുറമേ ബ്രസീൽ, യുറോപ്യൻ യൂണിയൻ, മലേഷ്യ എന്നിവിടങ്ങളിൽ നിന്നുള്ള സഞ്ചാരികളെയും വിലക്കിയിട്ടുണ്ട്.
ഇനിയൊരു അറിയിപ്പ് ഉണ്ടാകുന്നത് വരെ ഈ രാജ്യങ്ങളിൽ നിന്നുള്ള സഞ്ചാരികൾക്ക് പ്രവേശനമുണ്ടാകില്ലെന്നാണ് നിത്യാനന്ദ പുറത്തിറക്കിയ ഉത്തരവിൽ പറയുന്നത്. നിത്യാനന്ദയുടെ ഉത്തരവിനെതിരെ വ്യാപക പരിഹാസമാണ് സമൂഹമാധ്യമങ്ങളിൽ ഉയരുന്നത്.
2000ലാണ് നിത്യാനന്ദ ആശ്രമം തുടങ്ങുന്നത്. പിന്നീട് ഇക്വഡോറിന് സമീപം സ്വകാര്യ ദ്വീപ് വിലക്ക് വാങ്ങി പിന്നീടത് സ്വന്തം രാജ്യമായി പ്രഖ്യാപിക്കുകയായിരുന്നു. പുതിയ സെൻട്രൽ ബാങ്കും കൈലാഷിയൻ ഡോളർ എന്ന പേരിൽ കറൻസിയുമുള്ള രാജ്യം 300 പേജുള്ള സാമ്പത്തിക നയവും പുറത്തിറക്കിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.