മുംബൈ: മനുഷ്യാവകാശ പ്രവർത്തകൻ സ്റ്റാൻ സ്വാമിക്ക് കുടിക്കാനായി സ്ട്രോ നൽകുന്നതിൽ തീരുമാനമായി. പാർക്കിൻസൺ രോഗത്താൽ ബുദ്ധിമുട്ടുന്ന സ്റ്റാൻ സ്വാമി ജയിലിൽ വെള്ളം കുടിക്കാൻ സ്ട്രോയും മഞ്ഞുകാലത്തേക്ക് ഉപയോഗിക്കാനായി വസ്ത്രങ്ങളും ആവശ്യപ്പെട്ടാണ് കോടതിയെ സമീപിച്ചത്.
ഇതുമായി ബന്ധപ്പെട്ട് എൻ.ഐ.എ ഇന്ന് കോടതിയിൽ മറുപടി നൽകി. അറസ്റ്റ് ചെയ്യുന്ന സമയത്ത് സ്റ്റാൻ സ്വാമി ഉപയോഗിച്ചിരുന്ന ഒന്നും എൻ.ഐ.എ എടുത്തിരുന്നില്ല. ജുഡീഷ്യൽ കസ്റ്റഡിയിലുള്ള സ്റ്റാൻ സ്വാമി സ്ട്രോക്കായി ജയിൽ അധികൃതരെയാണ് സമീപിക്കേണ്ടതെന്ന് കോടതി ഉത്തരവിട്ടു.
ഇതേതുടർന്ന് സ്ട്രോയും മഞ്ഞുകാല വസ്ത്രങ്ങളും ലഭിക്കാൻ സ്റ്റാൻ സ്വാമി പുതിയ അപേക്ഷ നൽകി. അപേക്ഷയിൽ ജയിൽ അധികൃതരുടെ അഭിപ്രായം തേടിയതിന് ശേഷമാവും കോടതി തീരുമാനമെടുക്കുക. ഡിസംബർ നാലിനായിരിക്കും സ്റ്റാൻ സ്വാമിയുടെ അപേക്ഷ കോടതി പരിഗണിക്കുക.
റാഞ്ചിയിലെ വീട്ടിൽ നിന്ന് ഒക്ടോബർ എട്ടിനാണ് സ്റ്റാൻ സ്വാമിയെ എൻ.ഐ.എ അറസ്റ്റ് ചെയ്തത്. ഭീമ-കൊറേഗാവ് സംഭവവുമായി ബന്ധപ്പെട്ടായിരുന്നു അറസ്റ്റ്. 20 ദിവസത്തിന് ശേഷം സ്ട്രോ ചോദിച്ച് സ്റ്റാൻ സ്വാമി കോടതിയെ സമീപിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.