ഷോപ്പിയാൻ: ജമ്മു കശ്മീരിൽ ഭീകരരും സുരക്ഷാസേനയും തമ്മിൽ ഏറ്റുമുട്ടൽ. ഒരു ഭീകരരെ സുരക്ഷാസേന വധിച്ചു. ഷോപ്പിയാനിലെ രഖാമ ഏരിയയിലാണ് ഏറ്റുമുട്ടൽ നടന്നത്.
രഹസ്യ വിവരത്തെ തുടർന്നാണ് പ്രദേശത്ത് സുരക്ഷാസേനയും പൊലീസും സംയുക്ത തിരച്ചിൽ നടത്തിയത്. ഭീകരർ വെടിയുതിർത്തതിന് പിന്നാലെ സേന തിരിച്ചടിച്ചു. പ്രദേശത്ത് തിരച്ചിൽ തുടരുകയാണെന്ന് ജമ്മു കശ്മീർ പൊലീസ് അറിയിച്ചു.
സെപ്റ്റംബർ 23ന് ഷോപ്പിയാൻ സെയ്നപോറ ഏരിയയിലെ കശ് വ ഗ്രാമത്തിൽ നടന്ന ഏറ്റുമുട്ടലിൽ ഭീകരനെ സുരക്ഷാസേന വധിച്ചിരുന്നു.
സെപ്റ്റംബർ 20ന് ഷോപ്പിയാനിൽ സുരക്ഷാസേന നടത്തിയ മറ്റൊരു ഏറ്റുമുട്ടലിൽ നാല് ഭീകരരെ വധിച്ചിരുന്നു. കൂടാതെ, ഷോപ്പിയാനിലെ റാവൽപോറ വില്ലേജിൽ നടത്തിയ തിരച്ചിലിൽ ജെയ്ഷെ മുഹമ്മദ് കമാണ്ടർ അടക്കം മൂന്ന് ഭീകരരെയും വധിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.