മുംബൈ: മുംബൈയിലെ ലഹരി ഉപയോഗം നടന്ന ആഢംബര കപ്പലിലെ പൂൾപാർട്ടി ഒരുക്കിയത് ഫാഷൻ ടി.വി. മൂന്ന് ദിവസം നീണ്ടു നിൽക്കുന്ന സംഗീത പരിപാടിയാണ് കപ്പലിൽ ആസൂത്രണം ചെയ്തത്. ബോളിവുഡ്, ഫാഷൻ, ബിസിനസ് വ്യവസായത്തിൽ നിന്നുള്ള നിരവധി േപർ പാർട്ടിയിൽ പങ്കെടുത്തിരുന്നു. ശനിയാഴ്ച ഉച്ചക്ക് രണ്ട് മണിക്കാണ് ആഢംബര കപ്പൽ കോറിഡിലിയ മുംബൈ തീരത്ത് നിന്ന് യാത്ര തിരിച്ചത്.
Also Read:മുംബൈയിൽ ആഢംബര കപ്പലിൽ ലഹരിപാർട്ടി; ബോളിവുഡ് നടന്‍റെ മകനുൾപ്പടെ നിരവധി പേർ പിടിയിലെന്ന് സൂചന
'ക്രേ ആർക്ക്' എന്ന പേരിലാണ് ഫാഷൻ ടി.വി പരിപാടി ഒരുക്കിയത്. മിയാമിയിൽ നിന്നുള്ള ഡി.ജെ സതാൻ കോലേവ്, ബുൽസിയ ബ്രോൺകോട്ട്, ദീപേഷ് ശർമ്മ എന്നിവരുടെ പരിപാടികൾ ആദ്യദിവസമുണ്ടാവുമെന്നായിരുന്നു നോട്ടീസിൽ അറിയിച്ചിരുന്നത്.
രണ്ടാം ദിവസം ഒരു മണി മുതൽ എട്ട് മണി വരെ ഐവറികോസ്റ്റിൽ നിന്നുള്ള ഡി.ജെ റാവോൽ കെ, ഇന്ത്യയിൽ നിന്നുള്ള ഡി.ജെ കോഹ്റ, മൊറോക്കൻ കലാകാരൻ കയാസയും പരിപാടിയിൽ അവതരിപ്പിക്കുമെന്നാണ് അറിയിച്ചിരുന്നത്. രാത്രി വിവിധ രാജ്യങ്ങളിൽ നിന്നുള്ള കലാകാരൻമാർ അവതരിപ്പിക്കുന്ന സംഗീത പരിപാടിയും ഉണ്ടാവുമെന്നും നോട്ടീസിലുണ്ട്. എന്നാൽ, പാർട്ടി തുടങ്ങി മണിക്കൂറുകൾക്കകം തന്നെ രഹസ്യവിവരത്തെ എൻ.സി.ബി സംഘം കപ്പൽ റെയ്ഡ് ചെയ്യുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.