മൈസൂരു: കർണാടകത്തിൽ തെരഞ്ഞെടുപ്പ് പ്രചാരണം ചൂട് പിടിക്കുന്നതിനിടെ ഹോട്ടൽ അടുക്കളയിൽ കയറി ചൂടോടെ ദോശ ഉണ്ടാക്കി കോൺഗ്രസ് ജനറൽ സെക്രട്ടറി പ്രിയങ്ക ഗാന്ധി. തെരഞ്ഞെടുപ്പ് പ്രചാരണത്തിനായി മൈസൂരുവിലെത്തിയപ്പോഴാണ് സംഭവം. മൈസൂരുവിലെ ഹോട്ടലിൽ ഭക്ഷണം കഴിക്കാനെത്തിയ പ്രിയങ്ക അടുക്കളയിൽ കയറി ദോശ ഉണ്ടാക്കുന്ന വീഡിയോ വൈറൽ ആയിരിക്കുകയാണ്.
പ്രിയങ്ക ഗാന്ധി ഹോട്ടലിന്റെ അടുക്കളയിൽ ജീവനക്കാരുമായി സംവദിക്കുകയും ദോശകൾ മറിക്കുകയും ചെയ്യുന്നത് വീഡിയോയിൽ കാണാം. മൈസൂരിലെ ഏറ്റവും പഴക്കം ചെന്ന ഭക്ഷണശാലകളിലൊന്നായ മൈലാരി ഹോട്ടലിൽ നിന്നാണ് രംഗം. പിന്നീട് ഹോട്ടൽ ഉടമയ്ക്കും കുടുംബത്തിനും നന്ദി പറഞ്ഞ് അവർക്കൊപ്പം സെൽഫിയും എടുത്താണ് പ്രിയങ്ക മടങ്ങിയത്.
"ഇന്ന് രാവിലെ പൗരാണികമായ മൈലാരി ഹോട്ടൽ ഉടമകൾക്കൊപ്പം ദോശ ഉണ്ടാക്കുന്നത് ആസ്വദിച്ചു. സത്യസന്ധതയുടെയും കഠിനാധ്വാനത്തിന്റെയും സംരംഭത്തിന്റെയും ഉജ്ജ്വലമായ ഉദാഹരണം. നിങ്ങളുടെ മാന്യമായ ആതിഥ്യത്തിന് നന്ദി. ദോശയും രുചികരമായിരുന്നു. ഇത് രുചിക്കാൻ എന്റെ മകളെ മൈസൂരുവിലേക്ക് കൊണ്ടുവരാൻ കാത്തിരിക്കാനാവില്ല,' പ്രിയങ്ക ഗാന്ധി ട്വീറ്റ് ചെയ്തു.
കോൺഗ്രസ് നേതാക്കളായ ഡി.കെ ശിവകുമാറും രൺദീപ് സിങ് സുർജേവാലയും പ്രചാരണത്തിന് പ്രിയങ്കയ്ക്ക് ഒപ്പം ഉണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.