representational image
ചണ്ഡിഗഢ്(പഞ്ചാബ്): ധാന്യങ്ങൾ പൊടിക്കുന്ന മില്ലിലെ ജോലിക്കിടെ തലമുടി യന്ത്രത്തിൽ കുരുങ്ങിയ 30കാരിക്ക് ദാരുണാന്ത്യം. മുടി കുരുങ്ങുകയും യുവതിയുടെ തല ദേഹത്തു നിന്ന് വേർപെട്ടു പോവുകയും ചെയ്തതായാണ് റിപ്പോർട്ട്.
പഞ്ചാബിലെ ഫിറോസ്പൂരിലാണ് സംഭവം. സെഖ്വാൻ ഗ്രാമത്തിലെ ബൽജീത് കൗർ എന്ന യുവതിയാണ് മരിച്ചത്. ഭർത്താവുമായി ചേർന്നാണ് ഇവർ മിൽ നടത്തിയിരുന്നത്. ഭർത്താവ് പുറത്തു പോയ സമയത്തായിരുന്നു അപകടം.
ഉപഭോക്താവ് വന്നതിനെ തുടർന്ന് ധാന്യപൊടി എടുക്കാനായി പ്രവർത്തിച്ചുകൊണ്ടിരുന്ന യന്ത്രത്തിനരികിൽ കുനിഞ്ഞപ്പോൾ ബൽജീതിന്‍റെ തലമുടി യന്ത്രത്തിൽ കുരുങ്ങുകയായിരുന്നു. ഉടനടി യുവതിയുടെ തല ദേഹത്തുനിന്ന് വേർപെട്ടു.
ആളുകൾ ചേർന്ന് യുവതിയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം പോസ്റ്റ്മോർട്ടത്തിനയച്ചിരിക്കുകയാണ്. സംഭവത്തിൽ പൊലീസ് കേസെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.