മീററ്റ്: കറൻസി നോട്ടുകളിൽ മഹാത്മഗാന്ധിക്ക് പകരം വി.ഡി. സവർക്കറുടെയും മറ്റ് സ്വാതന്ത്ര്യ സമരസേനാനികളുടെയും ചിത്രം പതിപ്പിക്കണമെന്ന് അഖിലേന്ത്യ ഹിന്ദു മഹാസഭ. പാർലമെന്റിലേക്കുള്ള റോഡിന് സവർക്കറുടെ പേരിടണമെന്നും കേന്ദ്രസർക്കാറിനയച്ച കത്തിൽ ഹിന്ദു മഹാസഭ ആവശ്യപ്പെട്ടു.
ഹിന്ദു മഹാസഭയുടെ മുൻ പ്രസിഡന്റും സ്വാതന്ത്ര്യ സമരസേനാനിയുമായ സവർക്കറിനുള്ള ആദരമായി ഇതുമാറുമെന്നും സംഘടന ചൂണ്ടിക്കാട്ടി. സവർക്കറുടെ 58ാം ചരമവാർഷികം പൂജയും മറ്റ് ആചാരങ്ങളോടെയും ഹിന്ദു മഹാസഭ ആചരിച്ചു.
ചണ്ഡിഗഢ്: പഞ്ചാബിലെ തരൻ താരൻ ജില്ലയിലെ ഗോയിന്ദ്‍വാൾ സാഹിബ് സെൻട്രൽ ജയിലിൽ തടവുകാർ ഏറ്റുമുട്ടിയതിനെ തുടർന്ന് രണ്ടു ഗുണ്ടകൾ കൊല്ലപ്പെട്ടതായി പൊലീസ് അറിയിച്ചു.
ഗായകൻ സിദ്ധു മൂസേവാലയുടെ കൊലപാതകത്തിൽ ഇരുവർക്കും പങ്കുണ്ടെന്ന് പൊലീസ് അറിയിച്ചു.
മറ്റു കേസുകളിലും ഇവർ പ്രതികളാണെന്നും സീനിയർ പൊലീസ് സൂപ്രണ്ട് ഗുർമീത് സിങ് ചൗഹാൻ പറഞ്ഞു. സംഭവത്തിൽ ഒരു തടവുകാരന് പരിക്കേറ്റു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.