ന്യൂഡൽഹി: മുൻ റിസർവ് ബാങ്ക് ഗവർണർ രഘുറാം രാജൻ കോൺഗ്രസ് നേതാവ് രാഹുൽ ഗാന്ധിയുടെ ഭാരത് ജോഡോ യാത്രയിൽ ചേർന്നു. ബുധനാഴ്ച രാവിലെയാണ് രഘുറാം രാജൻ ഭാരത് ജോഡോ യാത്രക്കൊപ്പം ചേർന്നത്. ഇതിന്റെ ചിത്രങ്ങളും വിഡിയോയും വ്യാപകമായി സമൂഹമാധ്യമങ്ങളിലൂടെ പ്രചരിക്കുന്നുണ്ട്.
രഘുറാം രാജനും രാഹുൽ ഗാന്ധിയും ഭാരത് ജോഡോ യാത്രക്കിടെ സംസാരിക്കുന്നതും വിഡിയോയിൽ കാണാം. സവായ് മധോപൂരിലാണ് ഇന്ന് മാർച്ചിന് തുടക്കമായത്. ആക്ടിവിസ്റ്റ് മേധ പട്കർ, സ്വയം പ്രഖ്യാപിത ആൾ ദൈവം കമ്പ്യൂട്ടർ ബാബ, നടി സ്വരഭാസ്കർ, ബോക്സർ വിജേന്ദർ സിങ് എന്നിവർ ഭാരത് ജോഡോ യാത്രയുടെ ഭാഗമായിരുന്നു.
അടുത്ത വർഷം റിപബ്ലിക് ദിനത്തിലാണ് ഭാരത് ജോഡോ യാത്ര അവസാനിക്കുന്നത്. നിലവിൽ രാജസ്ഥാനിലാണ് ഭാരത് ജോഡോ യാത്രയുടെ പര്യടനം തുടരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.