ന്യൂഡൽഹി: ലോക്സഭ തെരഞ്ഞെടുപ്പിന് മുന്നോടിയായി രാജ്യത്തിന്‍റെ വിവിധ ഭാഗങ്ങളിൽ പടുകൂറ്റൻ റാലികളുമായി കോൺഗ്ര സ് അധ്യക്ഷൻ രാഹുൽ ഗാന്ധി. ജനുവരി 25ന് ഭുവനേശ്വറിലും ജനുവരി 28ന് റായ്പൂരും ഫെബ്രുവരി മൂന്നിന് പാറ്റ്നയിലും ആണ് രാഹുലിന്‍റെ നേതൃത്വത്തിൽ റാലി നൽക്കുക.
മോദി സർക്കാറിനെതിരെ രാഹുലിന്‍റെ നേതൃത്വത്തിൽ രാജ്യത്തുടനീളം നിരവധി റാലികൾ സംഘടിപ്പിക്കാനാണ് കോൺഗ്രസ് തീരുമാനം. വരുന്ന ആഴ്ചകളിൽ ഉത്തർപ്രദേശിൽ മാത്രം 13 റാലികൾ നടത്താനാണ് നീക്കം.
ജനുവരി 23ന് രാഹുൽ ഗാന്ധിയും സോണിയ ഗാന്ധിയും ഫർസത്ഗഞ്ച് വിമാനത്താവളത്തിൽ വിമാനമിറങ്ങും. തുടർന്ന് ഇരുവരും സ്വന്തം ലോക്സഭാ മണ്ഡലങ്ങളായ അമേത്തിയും റായ് ബറേലിയും സന്ദർശിക്കും. കൂടാതെ, പ്രയാഗിലെ കുംഭമേളയിൽ പങ്കെടുക്കുന്ന രാഹുൽ പുണ്യസ്നാനം നടത്തും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.