രാംപൂർ: തെരഞ്ഞെടുപ്പ് പെരുമാറ്റ ചട്ടം ലംഘിച്ച കുറ്റത്തിന് സമാജ്വാദി പാർട്ടി നേതാവും ലോക്സഭ എം.പിയുമായ അസംഖാനെതിരെ ജാമ്യമില്ലാ വാറൻറ്. ഉത്തർപ്രദേശിലെ റാംപൂർ കോടതിയാണ് ജാമ്യമില്ലാ വാറൻറ് പുറപ്പെടുവിച്ചത്. ജില്ലാ കോടതി മുമ്പാകെ ബുധനാഴ്ച ഹാജരാവാനുള്ള ഉത്തരവ് അവഗണിച്ചതിനെ തുടർന്നാണ് വാറൻറ് നൽകിയത്. കേസിൽ അടുത്ത വാദം കേൾക്കൽ ഈ മാസം 26നാണ്.
ഏപ്രിൽ നാലിന് സ്വാർ ടൻഡ ലോക്സഭ മണ്ഡലത്തിൽ അനുവദിച്ചതിലും കൂടുതൽ സമയം റോഡ് ഷോ തുടർന്നതിന് എസ്.പി നേതാക്കളായ അഖിലേഷ് യാദവിനും അസംഖാനുമെതിരെ പൊലീസ് കേസെടുത്തിരുന്നു.
പൊലീസ് കുറ്റപത്രം സമർപ്പിക്കുകയും കേസിൽ വാദം കേട്ട കോടതി ഇരു നേതാക്കൾക്കുമെതിരെ വാറണ്ട് പുറപ്പെടുവിക്കുകയും ചെയ്തു. അഖിലേഷ് യാദവ് കേസിൽ ജാമ്യമെടുത്തെങ്കിലും അസംഖാൻ കോടതിയിൽ ഹാജരായില്ല. ജാമ്യം നേടാവുന്ന മൂന്ന് വാറണ്ടുകൾ നേരത്തെ അസംഖാനെതിരെ പുറപ്പെടുവിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.