മെയ്ൻപുരി: കോൺഗ്രസുമായുണ്ടാക്കിയ സഖ്യം സമാജ്വാദി പാർട്ടിക്ക് തിരിച്ചടിയായെന്ന് പാർട്ടി രക്ഷാധികാരി മുലായം സിങ് യാദവ്. കോൺഗ്രസുമൊത്ത് മുന്നോട്ടുപോവരുതെന്ന് താൻ അഖിലേഷിനെ ഉപദേശിച്ചെങ്കിലും അത് ചെവിക്കൊണ്ടില്ലെന്നും അദ്ദേഹം മകനെ കുറ്റപ്പെടുത്തി. പരാജയത്തിെൻറ ഉത്തരവാദിത്തം എസ്.പിക്ക് തന്നെയാണെന്നും അല്ലാതെ സംസ്ഥാനത്തെ ജനങ്ങൾക്കല്ലെന്നും മുലായം പറഞ്ഞു. എസ്.പിയെ ശക്തിപ്പെടുത്താൻ കാര്യമായ പരിശ്രമങ്ങൾതന്നെ വേണ്ടിവരും. പാർട്ടി നേതാവായിരുന്ന ധർമേന്ദ്ര യാദവിെൻറ പ്രതിമ അനാച്ഛാദനം ചെയ്ത് സംസാരിക്കുകയായിരുന്നു മുലായം.
പ്രധാനമന്ത്രി നരേന്ദ്ര മോദിയെയും മുലായം ആക്രമിച്ചു. എല്ലാ അക്കൗണ്ടുകളിലേക്കും 15 ലക്ഷം രൂപ നിക്ഷേപിക്കുമെന്ന് ഉറപ്പുനൽകിയ മോദി 15,000 രൂപ പോലും നൽകാതെ ജനങ്ങളെ പറ്റിച്ചുവെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.