സുശാന്തി​െൻറ മരണം: മാധ്യമ വിചാരണക്കെതിരെ നടി റിയ സുപ്രീംകോടതിയിൽ

ന്യൂഡൽഹി: ബോളിവുഡ്​ നടൻ സുശാന്ത് സിംഗ് രജ്പുത്തി​െൻറ മരണവുമായി ബന്ധപ്പെട്ട്​ നടക്കുന്ന മാധ്യമ വിചാരണക്കെതിരെ നടി റിയ ചക്രവർത്തി സുപ്രീംകോടതിയിൽ. സുഹൃത്തായിരുന്ന റിയക്ക്​ മരണവുമായി ബന്ധ​മുണ്ടെന്ന് സുഷാന്തി​െൻറ​ പിതാവാണ്​ ആദ്യമായി ആരോപിച്ചത്​. കൂടാതെ നട​െൻറ അക്കൗണ്ടിലുണ്ടായിരുന്ന 15 കോടി മാറ്റിയെന്നും അദ്ദേഹം പരാതിപ്പെട്ടിരുന്നു.

ആരോപണങ്ങൾ ഉയർന്നതോടെ മാധ്യമങ്ങൾ തന്നെ കുറ്റക്കാരിയായാണ്​ കാണുന്നതെന്ന്​ ഇവർ സുപ്രീം കോടതിയിൽ സമർപ്പിച്ച സത്യവാങ്​മൂലത്തിൽ പറഞ്ഞു. രാഷ്​ട്രീയ അജണ്ടകളുടെ ബലിയാടാണ്​ ത​െനന്നും മാനസിക ആഘാതത്തിൽനിന്നും സ്വകാര്യത ലംഘനത്തിൽനിന്നും തന്നെ സംരക്ഷിക്കണമെന്നും കോടതിയോട്​ ആവശ്യപ്പെട്ടു.

മാധ്യമങ്ങളുടെ വിചാരണയിൽനിന്നാണ്​ പ്രശ്​നങ്ങൾ ആരംഭിക്കുന്നത്​. കേസിലെ എല്ലാ സാക്ഷികളെയും മാധ്യമങ്ങൾ പരിശോധിക്കുകയും വിചാരണ ചെയ്യുകയുമാണ്​. സുശാന്തി​െൻറ മരണത്തിലെ അസ്വാഭാവികത പുറത്തുവരുന്നതിനും മു​െമ്പ തന്നെ കുറ്റക്കാരിയാക്കി മാധ്യമങ്ങൾ രംഗത്തുവന്നിരുന്നുവെന്നും അവർ സത്യവാങ്​മൂലത്തിൽ പറഞ്ഞു.

2ജി അഴിമതി, തൽവാർ കൊലപാതകം എന്നീ കേസുകൾക്ക്​ സമാനമായ കുറ്റവിചാരണയാണ്​ ഇപ്പോൾ മാധ്യമങ്ങളുടെ ഭാഗത്തുനിന്ന്​ നടക്കുന്നത്​. അന്ന്​ മാധ്യമങ്ങൾ കുറ്റക്കാരായി ആരോപിച്ച പ്രതികളെ കോടതികൾ നിരപരാധികളായി കണ്ടെത്തി.

കൂടാതെ മഹാരാഷ്​ട്രയിൽ നടന്ന കുറ്റകൃത്യത്തിൽ ബീഹാർ മുഖ്യമന്ത്രി നിതീഷ് കുമാർ ആവശ്യപ്പെട്ട പ്രകാരമുള്ള സി.ബി.​െഎ അന്വേഷണത്തെയും റിയ എതിർത്തു. കുറ്റകൃത്യം നടന്ന സംസ്ഥാനത്തെ സർക്കാർ ആവശ്യപ്പെട്ടാൽ മാത്രമേ സി.ബി.ഐ അന്വേഷണം ആരംഭിക്കാൻ കഴിയൂ. ഈ കേസിൽ ഇതുവരെ അങ്ങനെയുണ്ടായിട്ടില്ല. മാത്രമല്ല, സി.ബി.ഐ അന്വേഷണത്തിന്​ മഹാരാഷ്​ട്ര സർക്കാർ വിസമ്മതിക്കുകയാണ്​ ഉണ്ടായതെന്നും റിയ പറഞ്ഞു.

അതേസമയം, കേസ്​ ഏറ്റെടുത്ത സി.ബി.ഐ റിയ ചക്രവർത്തിക്കും മറ്റ് അഞ്ച് പേർക്കും എതിരെ കേസെടുത്തിട്ടുണ്ട്​. സുശാന്തി​െൻറ മരണവുമായി ബന്ധപ്പെട്ട്​ എൻഫോഴ്​സ്​മെൻറ്​ ഡയറക്​ടറേറ്റും റിയയെ രണ്ട്​ തവണ ചെയ്​തു. കള്ളപ്പണം വെളുപ്പിക്കൽ കേസുമായി ബന്ധപ്പെട്ടാണ്​ എൻഫോഴ്​സ്​മെൻറി​െൻറ അന്വേഷണം.

സുശാന്തി​െൻറ പിതാവ് സമർപ്പിച്ച പൊലീസ്​ കേസ് പട്നയിൽനിന്ന് മുംബൈയിലേക്ക് മാറ്റണമെന്ന് ആവശ്യപ്പെട്ട് റിയ നൽകിയ ഹരജി സുപ്രീം കോടതിയുടെ പരിഗണനയിലാണ്​. മരണത്തിൽ റിയക്ക്​ പങ്കുള്ളതിന്​ തെളിവൊന്നുമില്ലെന്നാണ്​ മു​ംബൈ പൊലീസി​െൻറ നിലപാട്​. മരണം ആത്​മഹത്യയാണെന്ന്​ ഉറപ്പിച്ച​ പൊലീസ്​ മാനസികമായ പ്രശ്​നങ്ങൾ സുശാന്തിനെ അലട്ടിയിരുന്നുവെന്നും പറയുന്നു.

മരണത്തി​ൽ ത​െൻറ നിരപരാധിത്വം വ്യക്​തമാക്കി കഴിഞ്ഞദിവസവും റിയ രംഗത്തുവന്നിരുന്നു. ഇക്കാര്യം ആവർത്തിച്ച്​ രണ്ട്​ ചിത്രങ്ങൾ അവർ പങ്കുവെക്കുകയും ചെയ്​തു. വെള്ളക്കുപ്പിയും ഒരു കുറിപ്പുമായിരുന്നു ചിത്രങ്ങളിലുണ്ടായിരുന്നത്​. സുശാന്തി​േൻറതായി ഇത്​ രണ്ടും മാത്രമാണ്​ ത​െൻറ കൈവശമുള്ളൂവെന്നും റിയ പറഞ്ഞു. അതേസമയം, 'അറസ്​റ്റ്​ റിയ' എന്ന പേരിൽ ട്വിറ്ററിൽ ഹാഷ്​ടാഗുകൾ ട്രെൻഡിങ്ങായി മാറിയിട്ടുണ്ട്​.