''ഞാൻ സമയത്ത്​ വിവാഹിതനായിരുന്നുവെങ്കിൽ കൊച്ചുമക്കൾക്ക്​ നി​െൻറ പ്രായം വരും''- ​ വിവാഹിതനാകാത്തതി​െൻറ പരിഭവം പറഞ്ഞ്​​ വീണ്ടും സൽമാ​ൻ ഖാൻ

മുംബൈ: ബോളിവുഡി​െൻറ നിത്യഹരിത യൗവനമായ സൽമാൻ ഖാ​നും ബിഗ്​ബോസ്​ റിയാലിറ്റി ഷോ ഫിനാലെയും ഏതുകാലത്തും ആരാധകരുടെ മനം കുളുർപ്പിക്കുന്നവയാണ്​. സ്വന്തം വിവാഹത്തെ കുറിച്ച്​ ബിഗ്​ബോസ്​ 14 പരിപാടിക്കിടെ സൽമാൻ നടത്തിയ പ്രതികരണമാണിപ്പോൾ സമൂഹ മാധ്യമങ്ങളിൽ പറന്നുനടക്കുന്നത്​. ഡാൻസ്​ ദീവാനെ' പരിപാടിയിൽ

എത്തിയ ആറു വയസ്സ്​ മാത്രം പ്രായമുള്ള മത്സരാർഥി സൽമാൻ ഖാ​​െൻറ വിവാഹം പറയാതെ പറഞ്ഞപ്പോഴായിരുന്നു സദസ്സിനെ ചിരിയിൽ മുക്കി താരത്തി​െൻറ രസകരമായ പ്രതികരണം: ''ഞാൻ സമയത്ത്​ വിവാഹിതനായിരുന്നുവെങ്കിൽ കൊച്ചുമക്കൾക്ക്​ നി​െൻറ പ്രായം വരുമായിരുന്നു''.

ആറു വയസ്സുകാരൻ വേദിയിലെത്തിയപ്പോൾ പേരു ചോദിച്ചതാണ്​ സംഭവങ്ങൾക്ക്​ തുടക്കം​. ''ഞാൻ നിങ്ങളുടെ ഇളയ സഹോദരനെ പോലെയാണ്​, സുഹൈൽ ഖാൻ ആണ്​ പേര്​'- എന്നായിരുന്നു ബാല​െൻറ പ്രതികരണം. ഇത്​ കേട്ടയുടൻ ചിരിയേറ്റെടുത്ത സദസ്സിനോടു കൂടിയായിരുന്നു താരത്തി​െൻറ മറുപടി.

വർഷങ്ങളായി ദേശീയ മാധ്യമങ്ങളിൽ സൽമാൻ ഖാ​െൻറ വിവാഹം ചൂടുള്ള വാർത്തയാണ്​. അതുസംബന്ധിച്ച ചോദ്യങ്ങൾക്ക്​ അടുത്തിടെ കാര്യമായി പ്രതികരിക്കാറില്ലെങ്കിലും തമാശ പൊതിഞ്ഞ്​ ചിലതു പറയാറുണ്ട്​.

കോടതിയിൽ തനിക്കെതിരായ എല്ലാ കേസുകളും അവസാനിച്ചാൽ വിവാഹം ആലോചിക്കാമെന്ന്​ അടുത്തിടെ പറഞ്ഞിരുന്നു. വാഹനമിടിച്ച്​ രക്ഷപ്പെട്ട കേസിൽ കുറ്റമുക്​തനായെങ്കിലും മറ്റൊരു കേസ്​ ജോധ്​പൂർ ജയിലിൽ പുരോഗമിക്കുകയാണ്​.