നിശ്ചയമില്ലാതെ ശിവരാജ്; ഭരണമുറപ്പിച്ച് കമൽനാഥ്

നാ​ലു​ത​വ​ണ മു​ഖ്യ​മ​ന്ത്രി​യാ​യ ശി​വ​രാ​ജ് സി​ങ് ചൗ​ഹാ​ന് ക​ടു​ത്ത ഭ​ര​ണ​വി​രു​ദ്ധ വി​കാ​ര​ത്തി​നി​ട​യി​ൽ അ​ഞ്ചാ​മ​തൊ​രു ഊ​ഴം കൂ​ടി മ​ധ്യ​പ്ര​ദേ​ശി​ൽ ല​ഭി​ക്കു​മോ​? സ​ർ​ക്കാ​റി​നോ​ടു​ള്ള രോ​ഷ​ത്തി​ൽ ക​ഴി​ഞ്ഞ ത​വ​ണ ബി.​ജെ.​പി തോ​റ്റി​ട്ടും ജ്യോ​തി​രാ​ദി​ത്യ സി​ന്ധ്യ​യു​ടെ കൂ​റു​മാ​റ്റ​ത്തി​ലൂ​ടെ വീ​ണ്ടും ഭാ​ഗ്യം തേ​ടി​യെ​ത്തി​യ ശി​വ​രാ​ജി​നെ ഇ​ക്കു​റി ഭ​ര​ണം ല​ഭി​ച്ചാ​ലും ബി.​ജെ.​പി മു​ഖ്യ​മ​ന്ത്രി​യാ​ക്കു​മോ​? ഇ​ന്ന് ബൂ​ത്തി​ലേ​ക്ക് നീ​ങ്ങു​ന്ന മ​ധ്യ​പ്ര​ദേ​ശി​ലെ സാ​ധാ​ര​ണ വോ​ട്ട​ർ​മാ​ർ​ക്കും ബി.​ജെ.​പി പ്ര​വ​ർ​ത്ത​ക​ർ​ക്കും മാ​ത്ര​മ​ല്ല, മു​ഖ്യ​മ​ന്ത്രി ശി​വ​രാ​ജ് സി​ങ്ങി​ന് ത​ന്നെ​യും ഇ​ക്കാ​ര്യ​ത്തി​ൽ ഒ​രു നി​ശ്ച​യ​വു​മി​ല്ല.

മ​റി​ച്ചാ​ണ് കോ​ൺ​ഗ്ര​സി​ന്റെ​യും ക​മ​ൽ​നാ​ഥി​ന്റെ​യും അ​വ​സ്ഥ. അ​സാ​ധാ​ര​ണ​മാ​യ ആ​ത്മ​വി​ശ്വാ​സ​ത്തി​ലാ​ണ് ​ഭോ​പാ​ലി​ലെ കോ​ൺ​ഗ്ര​സ് ആ​സ്ഥാ​നം. കോ​ൺ​ഗ്ര​സ് ഭ​ര​ണ​ത്തി​ലേ​റു​മെ​ന്നും ക​മ​ൽ​നാ​ഥ് മു​ഖ്യ​മ​ന്ത്രി​യാ​കു​മെ​ന്നു​മു​ള്ള കാ​ര്യ​ത്തി​ൽ അ​വ​ർ​ക്ക് ഒ​രു സം​ശ​യ​വു​മി​ല്ല.

കോ​ൺ​ഗ്ര​സ് എ​ന്നാ​ൽ ക​മ​ൽ​നാ​ഥ്

ഇ​ന്ദി​ര ഗാ​ന്ധി​യു​ടെ കാ​ലം തൊ​ട്ട് ഡോ. ​മ​ൻ​മോ​ഹ​ൻ സി​ങ്ങി​ന്റെ കാ​ലം വ​രെ നാ​ല് കോ​ൺ​ഗ്ര​സ് പ്ര​ധാ​ന​മ​ന്ത്രി​മാ​ർ​ക്ക് ഒ​പ്പം ദേ​ശീ​യ രാ​ഷ്​​​ട്രീ​യ​ത്തി​ൽ പ​യ​റ്റി​ത്തെ​ളി​ഞ്ഞ ക​മ​ൽ​നാ​ഥി​ന്റെ മ​ധ്യ​പ്ര​ദേ​ശ് രാ​ഷ്​​​ട്രീ​യ​ത്തി​ലേ​ക്കു​ള്ള തി​രി​ച്ചു​പോ​ക്ക് ബു​ദ്ധി​പ​ര​മാ​യ നീ​ക്ക​മാ​യി​രു​ന്നോ എ​ന്ന് ഡി​സം​ബ​ർ മൂ​ന്നി​ന് ഫ​ലം പു​റ​ത്തു​വ​രു​മ്പോ​ൾ അ​റി​യാം. ജ്യോ​തി​രാ​ദി​ത്യ സി​ന്ധ്യ​യും കൂ​ട്ടാ​ളി​ക​ളും പാ​ർ​ട്ടി​വി​ടു​ക​യും ദി​ഗ്‍വി​ജ​യ് സി​ങ് പി​ന്ന​ണി​യി​ലേ​ക്ക് മാ​റി നി​ൽ​ക്കു​ക​യും ചെ​യ്ത​തോ​ടെ മ​ധ്യ​പ്ര​ദേ​ശി​ൽ ഇ​പ്പോ​ൾ കോ​ൺ​ഗ്ര​സ് എ​ന്നാ​ൽ ക​മ​ൽ​നാ​ഥ് ആ​ണ്. മ​ധ്യ​പ്ര​ദേ​ശ് കോ​ൺ​ഗ്ര​സ് പ്ര​സി​ഡ​ന്റാ​യി പാ​ർ​ട്ടി​യെ ന​യി​ക്കു​ന്ന​തും മു​ഖ്യ​മ​ന്ത്രി സ്ഥാ​നാ​ർ​ഥി​യാ​യി നി​യ​മ​സ​ഭ തെ​ര​ഞ്ഞെ​ടു​പ്പ് പ്ര​ചാ​ര​ണം ന​യി​ക്കു​ന്ന​തും ക​മ​ൽ​നാ​ഥ് ത​ന്നെ.

മു​ഖ്യ​മ​ന്ത്രി​യെ പ്ര​ഖ്യാ​പി​ക്കാ​ൻ ക​ഴി​യാ​ത്ത നി​സ്സ​ഹാ​യാ​വ​സ്ഥ

230 അം​ഗ നി​യ​മ​സ​ഭ​യി​ൽ 60 മു​ത​ൽ 80 വ​രെ​മാ​ത്രം സീ​റ്റ് നേ​ടി ദ​യ​നീ​യ തോ​ൽ​വി ഉ​റ​പ്പി​ച്ചി​ട​ത്തു​നി​ന്ന് കോ​ൺ​ഗ്ര​സു​മാ​യി ക​ടു​ത്ത മ​ത്സ​ര​ത്തി​ലാ​ണെ​ന്ന് പ​റ​യാ​വു​ന്ന ത​ര​ത്തി​ലേ​ക്ക് കാ​ര്യ​ങ്ങ​ൾ എ​ത്തി​ച്ച​ല്ലോ എ​ന്ന​താ​ണ് ബി.​ജെ.​പി ആ​സ്ഥാ​ന​ത്തെ ആ​ശ്വാ​സം. ഒ​ന്നു​കൂ​ടി ആ​ഞ്ഞു​പി​ടി​ച്ചാ​ൽ ഭ​ര​ണം നി​ല​നി​ർ​ത്താ​നാ​യേ​ക്കാ​മെ​ന്ന പ്ര​തീ​ക്ഷ​ക്ക് ബി.​ജെ.​പി പ്ര​വ​ർ​ത്ത​ക​രെ പ്രേ​രി​പ്പി​ക്കു​ക​യാ​ണ് നേ​താ​ക്ക​ൾ. എ​ന്നി​ട്ടും ഭ​ര​ണം കി​ട്ടു​മെ​ന്നും മു​ഖ്യ​മ​ന്ത്രി ആ​രാ​കു​മെ​ന്നും മ​ന​സ്സി​ലു​റ​പ്പി​ച്ച് പ​റ​യാ​നാ​കാ​ത്ത അ​നി​ശ്ചി​താ​വ​സ്ഥ.

ശി​വ​രാ​ജി​ന് പ​ക​ര​മി​റ​ക്കി​യ തോ​മ​ർ കു​രു​ങ്ങി​യ കു​രു​ക്ക്

ശി​വ​രാ​ജി​നോ​ടു​ള്ള വി​രു​ദ്ധ​വി​കാ​രം ത​ട​യാ​ൻ ദേ​ശീ​യ നേ​തൃ​ത്വ​ത്തി​ൽ​നി​ന്ന് കെ​ട്ടി​യി​റ​ക്കി​യ കേ​ന്ദ്ര കൃ​ഷി മ​ന്ത്രി ന​രേ​ന്ദ്ര സി​ങ് തോ​മ​ർ ത​ന്റെ ലോ​ക്സ​ഭ മ​ണ്ഡ​ല​ത്തി​ലേ​ക്ക് തി​രി​ഞ്ഞു​നോ​ക്കാ​ത്ത​തി​ലു​ള്ള രോ​ഷം പ​ത​ഞ്ഞു​പൊ​ങ്ങു​ക​യാ​ണ്. സം​സ്ഥാ​ന സ​ർ​ക്കാ​റി​നോ​ടു​ള്ള ഭ​ര​ണ​വി​രു​ദ്ധ വി​കാ​ര​ത്തി​ന് പു​റ​മെ കേ​ന്ദ്ര മ​ന്ത്രി​ക്കെ​തി​രാ​യ വി​കാ​രം കൂ​ടി ഏ​റ്റു​വാ​ങ്ങേ​ണ്ടി വ​ന്ന​പ്പോ​ൾ വെ​ളു​ക്കാ​ൻ തേ​ച്ച​ത് പാ​ണ്ടാ​യ നി​ല​യി​ലാ​യി ദിം​നി​യി​ൽ ബി.​ജെ.​പി. മു​ൻ എം.​എ​ൽ.​എ​യാ​യ ബ്രാ​ഹ്മ​ണ നേ​താ​വ് ദ​ണ്ഡോ​തി​യ ബി.​എ​സ്.​പി സ്ഥാ​നാ​ർ​ഥി​യാ​കു​ക​കൂ​ടി ചെ​യ്ത​തോ​ടെ തോ​മ​ർ വീ​ണ്ടും കു​രു​ങ്ങി.

അ​തി​നി​ട​യി​ലാ​ണ് പി​താ​വ് തോ​മ​റി​ന് പി​ന്നി​ൽ​നി​ന്ന് കോ​ടി​ക​ളു​ടെ ഇ​ട​പാ​ട് ന​ട​ത്തു​ന്ന മ​ക​ൻ തോ​മ​റി​​ന്റെ ര​ണ്ട് വി​ഡി​യോ​ക​ൾ പു​റ​ത്തു​വ​ന്ന​ത്. ബി.​ജെ.​പി​യി​ലൂ​ടെ കേ​ന്ദ്ര​മ​ന്ത്രി​യാ​യി വ​ള​ർ​ന്ന ​ന​രേ​ന്ദ്ര സി​ങ് മ​ധ്യ​പ്ര​ദേ​ശി​ൽ വാ​രി​ക്കൂ​ട്ടി​യ കോ​ടി​ക​ളു​ടെ സ​മ്പ​ത്ത് നേ​രി​ട്ടു​കാ​ണു​ന്ന വോ​ട്ട​ർ​മാ​ർ വി​ഡി​യോ അ​വി​ശ്വ​സി​ക്കാ​ൻ ത​യാ​റാ​യി​രു​ന്നി​ല്ല. ആ​ദ്യം വൈ​റ​ലാ​യ ര​ണ്ട് വി​ഡി​യോ​ക​ളി​ൽ സം​സാ​രി​ക്കു​ന്ന​ത് താ​നാ​ണെ​ന്ന വെ​ളി​പ്പെ​ടു​ത്ത​ലു​മാ​യി കാ​ന​ഡ​യി​​ലെ അ​ബോ​ട്സ്ഫോ​ർ​ഡി​ൽ വ​ൻ​തോ​തി​ൽ ക​ഞ്ചാ​വ് കൃ​ഷി ന​ട​ത്തു​ന്ന ജ​ഗ്മാ​ൻ ദീ​പ് സി​ങ് പു​റ​ത്തു​വി​ട്ട മൂ​ന്നാം വി​ഡി​യോ മ​ധ്യ​പ്ര​ദേ​ശി​ലെ വോ​ട്ട​ർ​മാ​രു​ടെ സം​ശ​യ​ത്തി​ന് വീ​ണ്ടും ബ​ല​മേ​കി. തോ​മ​റി​ന്റെ മ​ക​ൻ വി​ഡി​യോ​യി​ൽ പ​റ​യു​ന്ന​തു​പോ​ലെ ഇ​ട​പാ​ട് 500 കോ​ടി​യു​ടേ​ത​ല്ലെ​ന്നും 1000 കോ​ടി​യു​ടേ​താ​ണെ​ന്നും അ​ത് കാ​ന​ഡ​യി​ൽ ക​ഞ്ചാ​വ് കൃ​ഷി​ക്കാ​യി 100 ഏ​ക്ക​ർ ഭൂ​മി വാ​ങ്ങാ​നു​ള്ള​താ​ണെ​ന്നും ജ​ഗ്മാ​ൻ സി​ങ്ങ് പ​റ​ഞ്ഞു.

രാ​ഹു​ലും ജാ​തി സെ​ൻ​സ​സും ച​ർ​ച്ച​യാ​കാ​ത്ത മ​ധ്യ​പ്ര​ദേ​ശ്

2024ലെ ​ലോ​ക്സ​ഭ തെ​ര​ഞ്ഞെ​ടു​പ്പ് ക​ണ്ട് ഇ​ൻ​ഡ്യ സ​ഖ്യം ബി.​ജെ.​പി​ക്കെ​തി​രെ ഇ​റ​ക്കി​യ ജാ​തി സെ​ൻ​സ​സ് വോ​ട്ട​ർ​മാ​ർ​ക്കി​ട​യി​ൽ ഒ​രു ച​ർ​ച്ച​യേ ആ​യി​ട്ടി​ല്ല. ജാ​തി സെ​ൻ​സ​സ് ന​ട​ത്തു​മെ​ന്ന് ആ​വ​ർ​ത്തി​ച്ച് പ്ര​ഖ്യാ​പി​ച്ചും മ​ധ്യ​പ്ര​ദേ​ശി​ലെ ഒ.​ബി.​സി ഉ​ദ്യോ​ഗ​സ്ഥ​രു​ടെ എ​ണ്ണം പ​റ​ഞ്ഞും രാ​ഹു​ൽ ഗാ​ന്ധി ന​ട​ത്തി​യ പ്ര​സം​ഗ​ങ്ങ​ളും കോ​ൺ​ഗ്ര​സ് നേ​താ​ക്ക​ൾ​പോ​ലും ഏ​റ്റു​പി​ടി​ച്ചി​ട്ടു​മി​ല്ല. മ​ണ്ഡ​ല​ങ്ങ​ളി​ലെ ജാ​തി സ​മ​വാ​ക്യ​ങ്ങ​ൾ നോ​ക്കി സ്ഥാ​നാ​ർ​ഥി നി​ർ​ണ​യം ന​ട​ത്തി​യ ശേ​ഷം സം​ഭ​വി​ക്കു​ന്ന പി​ന്നാ​ക്ക-​മു​ന്നാ​ക്ക ധ്രു​വീ​ക​ര​ണം കോ​ൺ​ഗ്ര​സി​ന്റെ സാ​ധ്യ​ത​ക​ളെ പ്ര​തി​കൂ​ല​മാ​യി ബാ​ധി​ക്കു​മെ​ന്ന് ക​രു​തി​യാ​കും കോ​ൺ​ഗ്ര​സും ഇ​തൊ​രു ച​ർ​ച്ച​യാ​ക്കാ​ൻ മ​ടി​ച്ചു. ആ​ദി​വാ​സി ജ​ന​സം​ഖ്യ 30 ശ​ത​മാ​ന​ത്തോ​ള​മു​ള്ള മ​ധ്യ​പ്ര​ദേ​ശി​ൽ അ​വ​ർ​ക്ക് പി​ന്നാ​ലെ ഇ​രു പാ​ർ​ട്ടി​ക​ളും കൂ​ടി​യി​ട്ടു​ണ്ട്.

പ്ര​ധാ​ന​മാ​യും ച​ർ​ച്ച​യാ​യ​ത് പ്ര​ഖ്യാ​പി​ച്ച ഗ്യാ​ര​ന്റി​ക​ൾ

വോ​ട്ട​ർ​മാ​ർ​ക്കി​ട​യി​ൽ പ്ര​ധാ​ന​മാ​യും ച​ർ​ച്ച​യാ​യ​ത് ബി.​ജെ.​പി​യും കോ​ൺ​ഗ്ര​സും പ്ര​ഖ്യാ​പി​ച്ച ഗ്യാ​ര​ന്റി​ക​ളാ​ണ്. ത​ങ്ങ​ളു​ടെ ഗ്യാ​ര​ന്റി​ക​ൾ കോ​പ്പി​യ​ടി​ക്കു​ക​യാ​ണ് ശി​വ​രാ​ജ് ചെ​യ്ത​തെ​ന്നാ​ണ് കോ​ൺ​ഗ്ര​സി​ന്റെ പ​രാ​തി. ലാ​ഡ്‍ലി ബ​ഹ​ൻ പ​ദ്ധ​തി​യി​ലൂ​ടെ 21 വ​യ​സ്സാ​യ ഓ​രോ സ്ത്രീ​ക്കും കോ​ൺ​ഗ്ര​സ് 1500 രൂ​പ പ്ര​ഖ്യാ​പി​ച്ച​പ്പോ​ൾ 3000 രൂ​പ ന​ൽ​കു​മെ​ന്നാ​യി ബി.​ജെ.​പി. കോ​ൺ​ഗ്ര​സ് 500 രൂ​പ​ക്ക് ത​രാ​മെ​ന്ന് പ​റ​ഞ്ഞ ഗ്യാ​സ് സി​ലി​ണ്ട​റി​ന് 50 രൂ​പ കൂ​ടി കു​റ​ച്ച് ബി.​ജെ.​പി 450 രൂ​പ​യാ​ക്കി. പ്ര​ചാ​ര​ണ​ത്തി​നൊ​ടു​വി​ലും ന​ഗ​ര വോ​ട്ട​ർ​മാ​ർ ബി.​ജെ.​പി​ക്കൊ​പ്പ​വും ഗ്രാ​മീ​ണ​രും ക​ർ​ഷ​ക​രും എ​തി​രി​ലും നി​ൽ​ക്കു​ന്ന കാ​ഴ്ച​യാ​ണ്.