മുംബൈ: ഗുജറാത്തില്‍ ആഗ്രഹിച്ച വിജയം നേടാന്‍ ബി.ജെ.പിക്ക് കഴിഞ്ഞിട്ടില്ലെന്ന് എൻ.ഡി.എ സഖ്യകക്ഷിയായ ശിവസേന. രാജ്യത്തെ രാഷ്ട്രീയാന്തരീക്ഷം മാറുകയാണെന്നും കോണ്ഗ്രസ് ശക്തമായ പ്രതിപക്ഷമാവുകയാണെന്നും ശിവസേനയുടെ മുതിര്‍ന്ന നേതാവും രാജ്യസഭാംഗവുമായ സഞ്ജയ് റാവുത്ത് പറഞ്ഞു. തെരഞ്ഞെടുപ്പ് ഫലം ജനങ്ങളെ ചിന്തിപ്പിക്കുമെന്ന് പറഞ്ഞ റാവുത്ത്, മുന്നേറ്റം നടത്തിയ കോണ്ഗ്രസിനെ അഭിനന്ദിച്ചതിനൊപ്പം ബി.ജെ.പിയെയും അഭിനന്ദിച്ചു.
ഗുജറാത്തിലെ ജനങ്ങള്‍ ബി.ജെ.പിയോട് അസന്തുഷ്ടരാണ്. അതിെൻറ കാരണവും ജനമനസ്സും ബി.ജെ.പി തിരിച്ചറിയണം. ഗുജറാത്തില്‍ കണ്ടത് രാജ്യത്തിെൻറ പൊതുവികാരമാണ് -സഞ്ജയ് റാവുത്ത് പറഞ്ഞു. വോട്ടെണ്ണല് നടന്ന തിങ്കളാഴ്ച, കോണ്ഗ്രസ് അധ്യക്ഷ പദവിയേറ്റ രാഹുല്‍ ഗാന്ധിയെ വാഴ്ത്തുന്ന മുഖപ്രസംഗവുമായാണ് സേന പത്രം ‘സാമ്ന’ പുറത്തിറങ്ങിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.