എം.പി, എം.എൽ.എമാർക്കുള്ള പ്രത്യേക പരിരക്ഷയിൽ സു​പ്രീം​ േകാടതി; ക്രിമിനൽ കു​റ്റങ്ങൾക്ക് ബാധകമല്ല

ന്യൂ​ഡ​ൽ​ഹി: പാ​ർ​ല​മെ​ന്റി​ലെ​യും നി​യ​മ​സ​ഭ​ക​ളി​ലെ​യും അ​ഭി​പ്രാ​യ സ്വാ​ത​ന്ത്ര്യ​ത്തി​ന് ഭ​ര​ണ​ഘ​ട​ന ന​ൽ​കു​ന്ന പ്രോ​സി​ക്യൂ​ഷ​ൻ ന​ട​പ​ടി​ക​ളി​ൽ നി​ന്നു​ള്ള പ​രി​ര​ക്ഷ ക്രി​മി​ന​ൽ കു​​റ്റ​കൃ​ത്യ​ങ്ങ​ൾ​ക്ക് ബാ​ധ​ക​മ​ല്ലെ​ന്ന് സു​പ്രീം​കോ​ട​തി​യു​ടെ ഏ​ഴം​ഗ ഭ​ര​ണ​ഘ​ട​നാ ബെ​ഞ്ച്.

അ​തേ​സ​മ​യം കോ​ഴ വാ​ങ്ങി ഒ​രു എം.​പി​യോ എം.​എ​ൽ.​എ​യോ പാ​ർ​ല​മെ​ന്റി​ലോ നി​യ​മ​സ​ഭ​ക​ളി​ലോ ചെ​യ്യു​ന്ന വോ​​ട്ടോ പ്ര​വൃ​ത്തി​യോ അ​സാ​ധു​വാ​കി​ല്ലെ​ന്നും കോ​ഴ വാ​ങ്ങി​യ​തി​ന് കു​റ്റ​ക്കാ​ര​നാ​ണെ​ന്ന് കോ​ട​തി ക​ണ്ടെ​ത്തി​യാ​ൽ​പോ​ലും അ​ംഗത്തിന്റെ വോ​ട്ടും പ്ര​വൃ​ത്തി​യും സാ​ധു​വാ​യി​രി​ക്കു​മെ​ന്നും ചീ​ഫ് ജ​സ്റ്റി​സ് ഡി.​വൈ. ച​​ന്ദ്ര​ചൂ​ഡ് അ​ധ്യ​ക്ഷ​നാ​യ ബെ​ഞ്ച് വ്യ​ക്ത​മാ​ക്കി.

1988ൽ ​വോ​ട്ടി​ന് കോ​ഴ വാ​ങ്ങി​യെന്ന ന​ര​സിം​ഹ റാ​വു കേ​സി​ൽ സു​പ്രീം​കോ​ട​തി വി​ധി പു​നഃ​പ​രി​ശോ​ധി​ക്കാ​ൻ ഭ​ര​ണ​ഘ​ട​ന അ​നു​ച്ഛേ​ദം 105(2) പ​രി​ശോ​ധി​ക്കേ​ണ്ട കാ​ര്യ​മി​ല്ലെ​ന്നും ബെ​ഞ്ച് കൂ​ട്ടി​ച്ചേ​ർ​ത്തു.

നി​യ​മ​നി​ർ​മാ​ണ സ​ഭ​ക​ളി​ലെ പ്ര​വൃ​ത്തി​ക്ക് ജ​ന​പ്ര​തി​നി​ധി​ക​ൾ കോ​ഴ വാ​ങ്ങി​യാ​ൽ ആ ​പ്ര​വൃ​ത്തി ചെ​യ്തു​കൊ​ടു​ക്കു​ന്ന​തോ​ടെ കു​റ്റ​ക​ര​മാ​കി​​ല്ലെ​ന്ന ന​ര​സിം​ഹ​റാ​വു കേ​സി​ലെ ഭൂ​രി​പ​ക്ഷ വി​ധി പു​നഃ​പ​രി​ശോ​ധി​ക്കു​ന്ന​തി​നി​ട​യി​ലാ​ണ് ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ് അ​ധ്യ​ക്ഷ​നാ​യ ഏ​ഴം​ഗ ഭ​ര​ണ​ഘ​ട​നാ ബെ​ഞ്ച് ഇ​ക്കാ​ര്യം വ്യ​ക്ത​മാ​ക്കി​യ​ത്.

പാ​ർ​ല​മെ​ന്റി​ലെ​യും നി​യ​മ​സ​ഭ​ക​ളി​ലെ​യും ഉ​ത്ത​ര​വാ​ദി​ത്ത നി​ർ​വ​ഹ​ണ​ത്തി​ന്റെ പേ​രി​ൽ എം.​പി​യോ എം.​എ​ൽ.​എ​യോ കൈ​ക്കൂ​ലി വാ​ങ്ങു​ന്ന​ത് ജ​ന​പ്ര​തി​നി​ധി സ​ഭ​യി​ൽ അ​വ​ർ​ക്കു​ള്ള പ്ര​ത്യേ​ക സം​ര​ക്ഷ​ണ​ത്തി​ന്റെ അ​തി​ർ​വ​ര​മ്പ് ക​ണ​ക്കി​ലെ​ടു​ക്കാ​തെ കു​റ്റ​ക​ര​മാ​യി ക​ണ​ക്കാ​ക്ക​ണോ എ​ന്ന​താ​ണ് ചോ​ദ്യ​മെ​ന്ന് ചീ​ഫ് ജ​സ്റ്റി​സ് വ്യ​ക്ത​മാ​ക്കി.

ജ​ന​പ്ര​തി​നി​ധി​ക​ൾ​ക്ക് പ്ര​ത്യേ​ക പ​രി​ര​ക്ഷ ന​ൽ​കു​ന്ന ഭ​ര​ണ​ഘ​ട​നാ അ​നു​ച്ഛേ​ദം 105(2) വ്യാ​ഖ്യാ​നി​ച്ചാ​യി​രു​ന്നു ന​ര​സിം​ഹ റാ​വു കേ​സി​ലെ വി​ധി. ഈ ​വി​ധി പു​നഃ​പ​രി​ശോ​ധി​ക്കാ​​നെ​ന്ന പേ​രി​ൽ പാ​ർ​ല​മെ​ന്റി​ന്റെ പ​രി​ര​ക്ഷ​യി​ൽ ഇ​ട​പെ​ട​രു​തെ​ന്ന് മു​തി​ർ​ന്ന അ​ഭി​ഭാ​ഷ​ക​ൻ രാ​ജു രാ​മ​ച​ന്ദ്ര​ൻ ആ​വ​ശ്യ​പ്പെ​ട്ട​പ്പോ​ൾ നി​യ​മ നി​ർ​മാ​ണ സ​ഭ​ക​ളി​ൽ അ​ഭി​പ്രാ​യ സ്വാ​ത​ന്ത്ര്യ​മു​ണ്ടെ​ന്നും അ​തി​ന്റെ പേ​രി​ൽ പ്രോ​സി​ക്യൂ​ഷ​ൻ ന​ട​പ​ടി പ​റ്റി​ല്ലെ​ന്നും എ​ന്നാ​ൽ ക്രി​മി​ന​ൽ കു​റ്റ​കൃ​ത്യ​ങ്ങ​ൾ ഇ​തി​ന്റെ പ​രി​ധി​യി​ൽ വ​രി​ല്ലെ​ന്നും ചീ​ഫ് ജ​സ്റ്റി​സ് മ​റു​പ​ടി ന​ൽ​കി.

അം​ഗ​ങ്ങ​ൾ ഫ​ർ​ണി​ച്ച​ർ എ​ടു​ത്തെ​റി​ഞ്ഞ കേ​ര​ള നി​യ​മ​സ​ഭ​യി​ലെ കൈ​യാ​ങ്ക​ളി ഓ​ർ​മി​പ്പി​ച്ച ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ് 2.22 ല​ക്ഷം രൂ​പ​യു​ടെ നാ​ശ​ന​ഷ്ട​മാ​ണ് ഇ​തു​മൂ​ല​മു​ണ്ടാ​യ​തെ​ന്ന് ചൂ​ണ്ടി​ക്കാ​ട്ടി. പാ​ർ​ല​മെ​ന്റി​ന്റെ സെ​ൻ​ട്ര​ൽ ഹാ​ളി​ൽ കു​രു​മു​ള​ക് സ്​​പ്രേ ത​ളി​ച്ച​ത് അ​ഡ്വ. രാ​ജു രാ​മ​ച​​ന്ദ്ര​നും അ​നു​സ്മ​രി​ച്ചു.

എ​ന്നാ​ൽ, ദു​രു​പ​യോ​ഗ​ത്തി​ന്റെ ആ​ശ​ങ്ക​ക്കി​ട​യി​ലും ഭ​ര​ണ​ഘ​ട​ന പാ​ർ​ല​മെ​ന്റി​ന് ന​ൽ​കു​ന്ന ച​രി​ത്ര​പ​ര​മാ​യ സം​ര​ക്ഷ​ണം തു​ട​ര​ണ​മെ​ന്ന് രാ​ജു രാ​മ​ച​ന്ദ്ര​ൻ വാ​ദി​ച്ചു. പാ​ർ​ല​മെ​ന്റി​ലെ​യും നി​യ​മ​സ​ഭ​ക​ളി​ലെ​യും ഉ​ത്ത​ര​വാ​ദി​ത്ത നി​ർ​വ​ഹ​ണ​ത്തി​ന്റെ പേ​രി​ൽ എം.​പി​യോ എം.​എ​ൽ.​എ​യോ കൈ​ക്കൂ​ലി വാ​ങ്ങു​ന്ന​ത് ജ​ന​പ്ര​തി​നി​ധി സ​ഭ​യി​ൽ അ​വ​ർ​ക്കു​ള്ള പ്ര​ത്യേ​ക സം​ര​ക്ഷ​ണ​ത്തി​ന്റെ അ​തി​ർ​വ​ര​മ്പ് ക​ണ​ക്കി​ലെ​ടു​ക്കാ​തെ കു​റ്റ​ക​ര​മാ​യി ക​ണ​ക്കാ​ക്ക​ണ​മെ​ന്ന് കേ​ന്ദ്ര സ​ർ​ക്കാ​ർ ആ​വ​ശ്യ​പ്പെ​ട്ടു.

വാ​ങ്ങി​യ കൈ​ക്കൂ​ലി​ക്ക് ആ​ധാ​ര​മാ​യ പ്ര​വൃ​ത്തി ന​ട​ന്നോ ഇ​ല്ലേ എ​ന്ന​ത് അ​പ്ര​സ​ക്ത​മാ​ണെ​ന്നും കൈ​ക്കൂ​ലി വാ​ങ്ങി​യോ എ​ന്ന​താ​ണ് പ്ര​സ​ക്ത​മെ​ന്നും ​സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത പ​റ​ഞ്ഞു.

നരസിംഹ റാവു കേസിലെ വിധി

10ാം ലോ​ക്സ​ഭ തെ​ര​ഞ്ഞെ​ടു​പ്പി​ൽ അ​ധി​കാ​ര​ത്തി​ലേ​റി​യ പി.​വി. ന​ര​സിം​ഹ റാ​വു​വി​ന്റെ നേ​തൃ​ത്വ​ത്തി​ലു​ള്ള കോ​ൺ​ഗ്ര​സ് സ​ർ​ക്കാ​റി​നെ​തി​രെ 1993 ജൂ​ലൈ​യി​ൽ പ്ര​തി​പ​ക്ഷം അ​വി​ശ്വാ​സ പ്ര​​മേ​യം കൊ​ണ്ടു​വ​ന്നു. 251നെ​തി​രെ 265 വോ​ട്ട് നേ​ടി ന​ര​സിം​ഹ റാ​വു സ​ർ​ക്കാ​ർ അ​വി​ശ്വാ​സ പ്ര​മേ​യ​ത്തെ അ​തി​ജീ​വി​ച്ചു.

എ​ന്നാ​ൽ പ്ര​മേ​യ​ത്തി​ന്മേ​ൽ വോ​ട്ടു​ചെ​യ്യാ​നാ​യി ചി​ല എം.​പി​മാ​ർ കോ​ഴ വാ​ങ്ങി​യെ​ന്ന പ​രാ​തി​യി​ൽ സി.​ബി.​ഐ അ​ഴി​മ​തി നി​രോ​ധ​ന നി​യ​മ​പ്ര​കാ​രം കേ​സെ​ടു​ത്തു. സു​പ്രീം​കോ​ട​തി​യി​ൽ കേ​സ് എ​ത്തി​യ​പ്പോ​ൾ, പാ​ർ​ല​മെ​ന്റി​ന​ക​ത്ത് ചെ​യ്ത വോ​ട്ടി​ന് ഭ​ര​ണ​ഘ​ട​ന​യു​ടെ 105(2) അ​നുഛേ​ദ പ്ര​കാ​രം എം.​പി​മാ​ർ​ക്ക് പ്ര​ത്യേ​ക പ​രി​ര​ക്ഷ​യു​ണ്ടെ​ന്നാ​യി​രു​ന്നു ബെ​ഞ്ചി​ന്റെ ഭൂ​രി​പ​ക്ഷ വി​ധി.

ലോ​ക്സ​ഭ​യി​ലെ വോ​ട്ട് സ​ഭ​യു​ടെ പ്ര​ത്യേ​ക അ​വ​കാ​ശ​വു​മാ​യി ബ​ന്ധ​പ്പെ​ട്ട​താ​യ​തി​നാ​ൽ അ​തു​മാ​യി ബ​ന്ധ​പ്പെ​ട്ട കേ​സി​ൽ ഇ​ട​പെ​ടാ​ൻ ഒ​രു കോ​ട​തി​ക്കും അ​വ​കാ​ശ​മി​ല്ലെ​ന്നും അ​ഴി​മ​തി നി​രോ​ധ​ന നി​യ​മ​ത്തി​ലെ 2(സി) ​വ​കു​പ്പ് പ്ര​കാ​ര​മു​ള്ള ജ​ന​സേ​വ​ക​രു​ടെ പ​രി​ധി​യി​ൽ എം.​പി​മാ​ർ വ​രി​ല്ലെ​ന്നും സു​പ്രീം​കോ​ട​തി വി​ധി​ച്ചു.