കർഷക പ്രശ്നങ്ങൾ: സ്വതന്ത്ര സമിതിയെന്ന നിർദേശവുമായി സുപ്രീംകോടതി

ന്യൂ​ഡ​ൽ​ഹി: ക​ർ​ഷ​ക​രു​ടെ ആ​വ​ശ്യ​ങ്ങ​ൾ മ​ന​സ്സി​ലാ​ക്കി പ​രി​ഹാ​രം കാ​ണു​ന്ന​തി​ന് പ്ര​മു​ഖ വ്യ​ക്തി​ക​ൾ ഉ​ൾ​പ്പെ​ടു​ന്ന സ്വ​ത​ന്ത്ര സ​മി​തി​യെ നി​യ​മി​ക്കാ​മെ​ന്ന നി​ർ​ദേ​ശ​വു​മാ​യി സു​പ്രീം​കോ​ട​തി. ക​ർ​ഷ​ക​ർ​ക്കും സ​ർ​ക്കാ​റി​നു​മി​ട​യി​ൽ വി​ശ്വാ​സ​ക്കു​റ​വ് നി​ല​നി​ൽ​ക്കു​ന്നു​ണ്ടെ​ന്ന് വി​ല​യി​രു​ത്തി​യാ​ണ് നി​ർ​ദേ​ശം.

ഇ​രു​കൂ​ട്ട​ർ​ക്കു​മി​ട​യി​ൽ വി​ശ്വാ​സ​മു​ണ്ടാ​ക്കു​ന്ന​തി​ന് ‘നി​ഷ്പ​ക്ഷ അ​മ്പ​യ​ർ’ ആ​വ​ശ്യ​മാ​ണെ​ന്ന് ജ​സ്റ്റി​സ് സൂ​ര്യ​കാ​ന്ത് അ​ധ്യ​ക്ഷ​നാ​യ മൂ​ന്നം​ഗ ബെ​ഞ്ച് അ​ഭി​പ്രാ​യ​പ്പെ​ട്ടു.

ക​ർ​ഷ​ക​രു​ടെ അ​ടു​ത്തു​പോ​യി പ്ര​ശ്ന​ങ്ങ​ൾ കേ​ൾ​ക്കു​ന്ന​തി​ന് നി​ങ്ങ​ൾ ന​ട​പ​ടി​യെ​ടു​ക്ക​ണം. എ​ന്തി​നാ​ണ് അ​വ​ർ ഡ​ൽ​ഹി​യി​ലേ​ക്ക് വ​രാ​നി​ട​യാ​ക്കു​ന്ന​ത്. നി​ങ്ങ​ൾ മ​ന്ത്രി​മാ​രെ അ​ങ്ങോ​ട്ട​യ​ക്കു​ന്നു​ണ്ട്. അ​വ​ർ കാ​ര്യ​മാ​യി പ​രി​ശ്ര​മി​ക്കു​ന്നു​ണ്ടെ​ങ്കി​ലും ഒ​രു വി​​ശ്വാ​സ​ക്കു​റ​വ് നി​ല​നി​ൽ​ക്കു​ന്നു​ണ്ട്’ -ജ​സ്റ്റി​സു​മാ​രാ​യ ദീ​പാ​ങ്ക​ർ ദ​ത്ത, ഉ​ജ്ജ്വ​ൽ ഭു​യാ​ൻ എ​ന്നി​വ​ര​ട​ങ്ങി​യ ബെ​ഞ്ച് പ​റ​ഞ്ഞു. ഒ​രാ​ഴ്ച​ക്കു​ള്ളി​ൽ ആ​വ​​ശ്യ​മാ​യ ന​ട​പ​ടി സ്വീ​ക​രി​ക്കാ​നും അ​തു​വ​രെ ശം​ഭു അ​തി​ർ​ത്തി​യി​ൽ സം​ഘ​ർ​ഷം വ്യാ​പി​ക്കു​ന്ന​ത് ത​ട​യാ​ൻ ത​ൽ​സ്ഥി​തി തു​ട​രാ​നും ഹ​രി​യാ​ന, പ​ഞ്ചാ​ബ് സ​ർ​ക്കാ​റു​ക​ൾ​ക്ക് കോ​ട​തി നി​ർ​ദേ​ശം ന​ൽ​കി.

ഫെ​ബ്രു​വ​രി 13 മു​ത​ൽ ക​ർ​ഷ​ക​ർ ത​മ്പ​ടി​ച്ചി​രി​ക്കു​ന്ന ശം​ഭു അ​തി​ർ​ത്തി​ക്ക് സ​മീ​പ​ത്തെ അം​ബാ​ല​യി​ലെ ബാ​രി​ക്ക​ഡേു​ക​ൾ ഒ​രാ​ഴ്ച​ക്ക​കം നീ​ക്കാ​നു​ള്ള ഹൈ​കോ​ട​തി ഉ​ത്ത​ര​വി​നെ​തി​രാ​യ ഹ​രി​യാ​ന സ​ർ​ക്കാ​റി​ന്റെ ഹ​ര​ജി പ​രി​ഗ​ണി​ക്കു​ക​യാ​യി​രു​ന്നു കോ​ട​തി.