ഹരിതഭംഗിയേക്കാൾ ഭാരത് രത്നക്ക്​ കാവിത്തം

ന്യൂ​ഡ​ൽ​ഹി: ലോ​ക്സ​ഭ തെ​ര​ഞ്ഞെ​ടു​പ്പി​ന്​ ആ​ഴ്ച​ക​ൾ​ക്കു​മു​മ്പ് മോ​ദി​സ​ർ​ക്കാ​ർ പ്ര​ഖ്യാ​പി​ച്ച അ​സാ​ധാ​ര​ണ​മാ​യ അ​ഞ്ച്​ ഭാ​ര​ത് ര​ത്ന പു​ര​സ്കാ​ര​ങ്ങ​ളി​ൽ ഒ​ന്നി​ന്​ ഹ​രി​ത ഭം​ഗി. കാ​ർ​ഷി​ക ശാ​സ്ത്ര​ജ്ഞ​ൻ ഡോ. ​എം.​എ​സ്.​ സ്വാ​മി​നാ​ഥ​നെ ആ​ദ​രി​ക്കു​ന്ന​ത്​ ഒ​ഴി​ച്ചാ​ൽ, മ​റ്റു നാ​ലി​ലും തെ​ളി​ഞ്ഞ​ത്​ കൃ​ത്യ​മാ​യ കാ​വി​രാ​ഷ്ട്രീ​യ താ​ൽ​പ​ര്യ​ങ്ങ​ൾ.

മ​രി​ച്ച്​ 36 വ​ർ​ഷ​ങ്ങ​ൾ​ക്കു​​ശേ​ഷം മു​ൻ​പ്ര​ധാ​ന​മ​ന്ത്രി ചൗ​ധ​രി ച​ര​ൺ സി​ങ്ങി​നെ മോ​ദി​സ​ർ​ക്കാ​ർ ആ​ദ​രി​ക്കു​ന്ന​ത്, കൊ​ച്ചു​മ​ക​ൻ ബി.​ജെ.​പി​യു​മാ​യി ച​ങ്ങാ​ത്തം സ്ഥാ​പി​ച്ച പ​ശ്ചാ​ത്ത​ല​ത്തി​ലാ​ണ്. രാ​ഷ്ട്രീ​യ ലോ​ക്ദ​ൾ നേ​താ​വ്​ ജ​യ​ന്ത്​ ചൗ​ധ​രി​യെ യു.​പി​യി​ൽ സ​ഖ്യ​ക​ക്ഷി​യാ​ക്കി ലോ​ക്സ​ഭ തെ​ര​ഞ്ഞെ​ടു​പ്പി​ലേ​ക്ക്​ ഇ​റ​ങ്ങാ​ൻ പി​ന്നാ​മ്പു​റ ച​ർ​ച്ച​ക​ൾ മി​ക്ക​വാ​റും പൂ​ർ​ത്തി​യാ​യി. ച​ര​ൺ ​സി​ങ്ങി​ന്​ ഭാ​ര​ത് ര​ത്നം ന​ൽ​കു​മെ​ന്ന പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ പ്ര​ഖ്യാ​പ​ന​ത്തോ​ട്​ ജ​യ​ന്ത്​ പ്ര​തി​ക​രി​ച്ച​തും അ​തേ സ്വ​ര​ത്തി​ലാ​ണ്​: ‘ഹൃ​ദ​യം ക​വ​ർ​ന്നു.’

മ​നം ക​വ​ർ​ന്ന ബ​ന്ധ​ത്തി​ന്‍റെ കൂ​ടു​ത​ൽ വി​ശ​ദാം​ശ​ങ്ങ​ൾ അ​ടു​ത്ത ദി​വ​സ​ങ്ങ​ളി​ൽ പു​റ​ത്തു​വ​രും. ക​ർ​ഷ​ക​രു​ടെ ആ​​രാ​ധ്യ നേ​താ​വാ​യി​രു​ന്ന ച​ര​ൺ സി​ങ്ങി​ന്‍റെ ചെ​റു​മ​ക​ൻ ന​യി​ക്കു​ന്ന പാ​ർ​ട്ടി​ക്ക്​ ര​ണ്ട്​ ലോ​ക്സ​ഭ സീ​റ്റ്, ഭാ​ര്യ​ക്ക്​ രാ​ജ്യ​സ​ഭാം​ഗ​ത്വം, യോ​ഗി മ​ന്ത്രി​സ​ഭ​യി​ൽ ര​ണ്ട്​ കാ​ബി​ന​റ്റ്​ പ​ദ​വി, കേ​ന്ദ്ര​മ​ന്ത്രി​സ​ഭ​യി​ൽ ഒ​രു സീ​റ്റ്​ എ​ന്നി​ങ്ങ​നെ​യാ​ണ്​ ച​ർ​ച്ച​ക​ൾ പു​രോ​ഗ​മി​ക്കു​ന്ന​ത്. സ​മാ​ജ്​​വാ​ദി പാ​ർ​ട്ടി, കോ​ൺ​ഗ്ര​സ്, ആ​ർ.​എ​ൽ.​ഡി എ​ന്നി​വ ​ഒ​ന്നി​ച്ചു​നി​ന്ന്​ യു.​പി​യി​ൽ ബി.​ജെ.​പി​യെ നേ​രി​ടാ​ൻ ഒ​രു​ങ്ങു​ന്ന​തി​നി​ടെ​യാ​ണ്​ ഈ ​റാ​ഞ്ച​ൽ.

ബി​ഹാ​റി​ലെ പി​ന്നാ​ക്ക​വി​ഭാ​ഗ നേ​താ​വാ​യി​രു​ന്ന ക​ർ​പ്പൂ​രി ഠാ​കു​റി​ന്​ മ​ര​ണാ​ന​ന്ത​ര ബ​ഹു​മ​തി​യാ​യി ഭാ​ര​ത് ര​ത്ന പ്ര​ഖ്യാ​പി​ച്ച​തി​നു തൊ​ട്ടു​പി​ന്നാ​ലെ​യാ​ണ്​ ആ​ർ.​എ​ൽ.​ഡി​യും കോ​ൺ​ഗ്ര​സും പ​ങ്കാ​ളി​ക​ളാ​യ മ​ഹാ​സ​ഖ്യം ത​ക​ർ​ത്ത്​ ജ​ന​താ​ദ​ൾ-​യു നേ​താ​വ്​ നി​തീ​ഷ്​ കു​മാ​ർ ബി.​ജെ.​പി പാ​ള​യ​ത്തി​ലേ​ക്ക്​ വീ​ണ്ടും ചാ​ടു​ക​യും മു​ഖ്യ​മ​ന്ത്രി​സ്ഥാ​നം നി​ല​നി​ർ​ത്തു​ക​യും ചെ​യ്ത​ത്. ഇ​ൻ​ഡ്യ മു​ന്ന​ണി​യു​ടെ​യും ജാ​തി സെ​ൻ​സ​സി​ന്‍റെ​യും വ​ക്​​താ​വും പ്ര​യോ​ക്​​താ​വു​മാ​യി​രു​ന്ന​യാ​ൾ​ക്ക്​ മു​ന്ന​ണി മാ​റ്റ​ത്തി​നൊ​രു കാ​ര​ണം പ​റ​യാ​ൻ ഭാ​ര​ത് ര​ത്ന സ​ഹാ​യ​ക​മാ​യി.

പു​തി​യ ഭാ​ര​ത് ര​ത്ന പ്ര​ഖ്യാ​പ​ന​ത്തോ​ടെ, പ​ര​മോ​ന്ന​ത സി​വി​ലി​യ​ൻ പു​ര​സ്കാ​രം നേ​ടു​ന്ന ‘അ​യോ​ധ്യ ഫെ​യിം’​നേ​താ​ക്ക​ൾ മൂ​ന്നാ​യി.

വാ​ജ്​​പേ​യി-​അ​ദ്വാ​നി​മാ​രാ​ണ്​ അ​യോ​ധ്യ പ്ര​ക്ഷോ​ഭ നാ​യ​ക​രെ​ങ്കി​ൽ, ബാ​ബ​രി മ​സ്​​ജി​ദ്​ ത​ക​ർ​ച്ച​യു​ടെ നേ​ര​ത്ത്​ അ​ന​ങ്ങാ​പ്പാ​റ​യാ​യി നി​ന്ന്​ പ്ര​തി​ക്കൂ​ട്ടി​ലാ​യ പ്ര​ധാ​ന​മ​ന്ത്രി​യാ​ണ്​ ന​ര​സിം​ഹ​റാ​വു. അ​യോ​ധ്യ​യി​ൽ പ്രാ​ണ​പ്ര​തി​ഷ്ഠ ന​ട​ന്ന്​ ആ​ഴ്ച​ക​ൾ​ക്ക​ക​മാ​ണ്​ എ​ൽ.​കെ. അ​ദ്വാ​നി​ക്ക്​ പി​ന്നാ​ലെ റാ​വു​വി​നും ഭാ​ര​ത് ര​ത്ന കി​ട്ടു​ന്ന​ത്.

പ്ര​ധാ​ന​മ​ന്ത്രി, കോ​ൺ​ഗ്ര​സ്​ പ്ര​സി​ഡ​ന്‍റ്​ തു​ട​ങ്ങി​യ പ​ദ​വി​ക​ൾ വ​ഹി​ച്ച നേ​താ​വാ​ണെ​ങ്കി​ലും ബാ​ബ​രി സം​ഭ​വം, സോ​ണി​യ ഗാ​ന്ധി​യു​മാ​യി ഉ​ണ്ടാ​യ അ​ക​ൽ​ച്ച എ​ന്നി​വ​മൂ​ലം പി​ൽ​ക്കാ​ല​ത്ത്​ ന​ര​സിം​ഹ​റാ​വു കോ​ൺ​ഗ്ര​സി​ന്​ അ​ന​ഭി​മ​ത​നാ​യി. 2004 ഡി​സം​ബ​റി​ൽ റാ​വു മ​രി​ച്ച​പ്പോ​ൾ മൃ​ത​ദേ​ഹം എ.​ഐ.​സി.​സി ആ​സ്ഥാ​ന​വ​ള​പ്പി​ൽ ക​യ​റ്റാ​നോ ദേ​ശീ​യ നേ​താ​വെ​ന്ന നി​ല​യി​ൽ ഡ​ൽ​ഹി​യി​ൽ സം​സ്കാ​രം ന​ട​ത്താ​നോ കോ​ൺ​ഗ്ര​സ്​ താ​ൽ​പ​ര്യ​പ്പെ​ട്ടി​ല്ല. ബാ​ബ​രി ത​ക​ർ​ച്ച​യോ​ടെ ന്യൂ​ന​പ​ക്ഷ​ങ്ങ​ൾ അ​ക​ന്ന​തി​ൽ വ​ലി​യ പ​ങ്കു​വ​ഹി​ച്ച റാ​വു​വി​നെ മ​ര​ണ​ത്തി​ലും കോ​ൺ​ഗ്ര​സ്​ കൈ​യൊ​ഴി​ഞ്ഞിരു​ന്നു. റാ​വു​വി​ന്​ ഭാ​ര​ത് ര​ത്ന ന​ൽ​കു​ന്ന​തി​ൽ കോ​ൺ​ഗ്ര​സ്​ വി​രു​ദ്ധ, ഹി​ന്ദു​ത്വ​ത​ൽ​പ​ര രാ​ഷ്ട്രീ​യം തെ​ളി​ഞ്ഞു​കി​ട​ക്കു​ന്നു.