മർദിച്ച്​ ​ജാക്ക​റ്റു​ക​ൾ അ​ഴി​പ്പി​ച്ച്​ ഫാ​നിന​ടി​യി​ൽ നി​ർ​ത്തി; ത​ന്നെ​ക്കാ​ൾ അ​തി​ക്ര​മ​ത്തി​നി​ര​യാ​യ​വ​രെ ക​ണ്ട​തോ​ടെ വേ​ദ​ന മ​റ​ന്നു –മൻദീപ്​ പുനിയ

ന്യൂ​ഡ​ൽ​ഹി:​ റി​പ്പോ​ർ​ട്ടി​ങ്ങി​നി​ടെ​ അ​റ​സ്​​റ്റി​ലാ​വു​ക​യും ചോ​ദ്യം ചെ​യ്യ​ലി​നി​ടെ ക്രൂ​ര​മാ​യി മ​ർ​ദി​ക്ക​പ്പെ​ടു​ക​യും ചെ​യ്​​തെ​ങ്കി​ലും ക​ർ​ഷ​ക​ർ​ക്കെ​തി​രെ ന​ട​ന്ന അ​തി​ക്ര​മ​ങ്ങ​ൾ ലോ​ക​ത്തെ അ​റി​യി​ക്കു​മെ​ന്ന്​​ ക​ഴി​ഞ്ഞ ദി​വ​സം ജാ​മ്യം ല​ഭി​ച്ച മാ​ധ്യ​മ​പ്ര​വ​ർ​ത്ത​ക​ൻ മ​ൻ​ദീ​പ്​ പു​നി​യ.

സിം​ഘു​വി​ൽ പൊ​ലീ​സി​‍െൻറ പി​ന്തു​ണ​യോ​ടെ സം​ഘ്​​പ​രി​വാ​ർ പ്ര​വ​ർ​ത്ത​ക​രാ​ണ്​ നാ​ട്ടു​കാ​ർ എ​ന്ന വ്യാ​ജേ​നെ അ​​തി​ക്ര​മം അ​ഴി​ച്ചു​വി​ട്ട​ത്. ഇ​തു​​ തെ​ളി​വു​ക​ൾ സ​ഹി​തം റി​പ്പോ​ർ​ട്ട്​ ചെ​യ്​​ത​തോ​ടെ​യാ​ണ്​ പൊ​ലീ​സി​നെ ത​ട​സ്സ​പ്പെ​ടു​ത്തി​യെ​ന്ന കു​റ്റം ചു​മ​ത്തി ജ​നു​വ​രി 30ന്​ ​പു​നി​യ​യെ പൊ​ലീ​സ്​ പി​ടി​കൂ​ടി​യ​ത്.

'കാ​ര​വ​ൻ മാ​ഗ​സി​നു' വേ​ണ്ടി റി​പ്പോ​ർ​ട്ട്​ ചെ​യ്യാ​നെ​ത്തി​യ​താ​ണ്​ താ​നെ​ന്ന്​ ആ​വ​ർ​ത്തി​ച്ചു പ​റ​ഞ്ഞെ​ങ്കി​ലും പൊ​ലീ​സ്​ വ​ക​വെ​ച്ചി​ല്ല. ഒ​രു ടെൻറി​ൽ കൊ​ണ്ടു​പോ​യി മ​ർ​ദി​ച്ച പൊ​ലീ​സ്​ കാ​മ​റ ത​ല്ലി​ത്ത​ക​ർ​ത്തു, ഫോ​ണി​ലെ വി​ഡി​യോ​ക​ൾ ഡി​ലീ​റ്റ്​ ചെ​യ്യി​ച്ചു.

ഡ​ൽ​ഹി​യി​ലേ​ക്ക്​ കൊ​ണ്ടു​പോ​കും വ​ഴി വാ​ഹ​ന​ത്തി​ൽ വെ​ച്ചും മൂ​ന്നി​ട​ങ്ങ​ളി​ൽ നി​ർ​ത്തി​യും മ​ർ​ദ​നം തു​ട​ർ​ന്ന പൊ​ലീ​സ്​ ത​ണു​ത്തു വി​റ​ക്കു​ന്ന രാ​ത്രി​യി​ൽ ജാ​ക്ക​റ്റു​ക​ളെ​ല്ലാം അ​ഴി​പ്പി​ച്ച്​ ഫാ​നിന​ടി​യി​ൽ നി​ർ​ത്തു​ക​യും ചെ​യ്​​തു. എ​ന്നാ​ൽ, തി​ഹാ​റി​ൽ ത​ന്നെ​ക്കാ​ൾ വ​ലി​യ അ​തി​ക്ര​മ​ത്തി​നി​ര​യാ​യ​വ​രെ ക​ണ്ട​തോ​ടെ വേ​ദ​ന​ക​ൾ മ​റ​ന്നു​പോ​യി.

ജ​യി​ലി​ൽ പേ​ന​യും ക​ട​ലാ​സും ല​ഭ്യ​മാ​യി​രു​ന്നു​വെ​ങ്കി​ലും പ​ഞ്ചാ​ബി​ൽ​നി​ന്നും ഹ​രി​യാ​ന​യി​ൽ​നി​ന്നും വ​ന്ന ക​ർ​ഷ​ക​ർ വി​വ​രി​ച്ച ദു​രി​ത​ങ്ങ​ളെ​ല്ലാം പൊ​ലീ​സ്​ ത​ല്ലി​ച്ച​ത​ച്ച്​ മു​റി​വേ​ൽ​പ്പി​ച്ച ത​‍െൻറ കൈ​കാ​ലു​ക​ളി​ൽ കു​റി​ച്ചു​വെ​ച്ചു. അ​വ പു​റം​ലോ​ക​​ത്തെ അ​റി​യി​ക്കു​ക ത​ന്നെ ചെ​യ്യും. ത​‍െൻറ മോ​ച​ന​ത്തി​നാ​യി പ്ര​തി​ക​രി​ച്ച​തു​പോ​ലെ റി​പ്പോ​ർ​ട്ടി​ങ്ങി​ന്​ പു​റ​പ്പെ​ട​വെ അ​റ​സ്​​റ്റ്​ ചെ​യ്​​ത്​ തു​റു​ങ്കി​ല​ട​ച്ച മ​ല​യാ​ളി മാ​ധ്യ​മ പ്ര​വ​ർ​ത്ത​ക​ൻ സി​ദ്ദീ​ഖ്​ കാ​പ്പ​​നെ​പ്പോ​ലു​ള്ള​വ​ർ​ക്ക്​ വേ​ണ്ടി​യും ജ​ന​ത ശ​ബ്​​ദ​മു​യ​ർ​ത്ത​ണ​മെ​ന്നും മ​ൻ​ദീ​പ്​ പ​റ​ഞ്ഞു.