വിരുതുനഗർ: തമിഴ്നാട്ടിലെ ശിവകാശിയിൽ പടക്കശാലയിലുണ്ടായ പൊട്ടിത്തെറിയിൽ രണ്ടു പേർ മരിച്ചു. തൊഴിലാളികളായ മാരിയപ്പൻ (35), കൃഷ്ണൻ (43) എന്നിവരാണ് മരിച്ചത്. രണ്ടു പേർക്ക് പരിക്കേറ്റു. പൊന്നുസ്വാമി, പാണ്ഡ്യരാജൻ എന്നിവർക്കാണ് ഗുരുതര പൊള്ളലേറ്റത്. ഇവരെ ശിവകാശിയിലെ സർക്കാർ ആശുപത്രിയിൽ പ്രവേശിപ്പിച്ചു.
ശിവകാശിക്ക് സമീപം കക്കിവാടൻപട്ടിയിലെ കൃഷ്ണസ്വാമി ഫയർവർക്ക്സ് ഫാക്ടറിയിലാണ് സംഭവം. ദീപാവലിക്കായി പടക്ക നിർമാണം പുരോഗമിക്കുന്ന മുറിയിലാണ് സ്ഫോടനം നടന്നത്. സ്ഫോടനത്തിൽ നിർമാണ യൂനിറ്റ് പൂർണമായി തകർന്നു. അഗ്നിശമനസേന എത്തി തീ അണച്ചു. മാരനേരി പൊലീസ് കേസ് രജിസ്റ്റർ ചെയ്ത് അന്വേഷണം തുടങ്ങി.
കഴിഞ്ഞ ഏപ്രിൽ ആറിന് ശിവകാശിക്ക് പടക്കശാലയിലുണ്ടായ പൊട്ടിത്തെറിയിൽ നാലു പേർ മരിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.