സങ്കറെഡ്ഡി: തെലങ്കാനയിലെ സങ്കറെഡ്ഡി ജില്ലയിൽ ബയോ ഫ്യുവൽ പ്ലാൻറിലുണ്ടായ അപകടത്തിൽ രണ്ട് തൊഴിലാളികൾ മരിച്ചു. ഒരാൾക്ക് പരിക്കുണ്ട്. സഹീർബാദ് മണ്ഡലിലെ പ്ലാന്റിൽ ബയോ ഡീസലും മറ്റും സൂക്ഷിക്കുന്ന ടാങ്കിൽ നിന്ന് വീണാണ് അപകടം. വെൽഡിങ് തൊഴിലാളികളാണ് അപകടത്തിൽപ്പെട്ടത്.
വെൽഡിങ് ജോലിക്കിടെ ടാങ്കിന്റെ മേൽക്കൂരയുടെ ഒരു ഭാഗം തകർന്ന് വീഴുകയായിരുന്നെന്ന് പൊലീസ് പറഞ്ഞു. തലയിടിച്ച് വീണ 28 ഉം 30 ഉം വയസുള്ള തൊഴിലാളികൾ തൽക്ഷണം മരിച്ചു. പരിക്കേറ്റ മൂന്നാമനെ സമീപത്തെ സർക്കാർ ആശുപത്രിയിൽ പ്രവേശിപ്പിച്ചു. മേൽക്കൂര തകർന്ന് വീണതെങ്ങിനെയാണെന്ന് അന്വേഷിച്ച് വരികയാണെന്ന് പ്ലാൻറ്അധികൃതർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.