ശ്രീനഗർ: കശ്മീരിലെ പുൽവാമ ജില്ലയിൽ സൈനിക വാഹനങ്ങൾ ലക്ഷ്യമിട്ട് തീവ്രവാദികൾ തിങ്കളാഴ്ച നടത്തിയ സ്ഫോടനത് തിൽ ഗുരുതരമായി പരിക്കേറ്റ രണ്ട് ജവാന്മാർ മരിച്ചു. പരിക്കേറ്റ ആറ് ജവാൻമാർ ആശുപത്രിയിൽ ചികിത്സയിലാണ്. രണ്ട് ഗ്ര ാമീണർക്കും ആക്രമണത്തിൽ പരിക്കേറ്റിട്ടുണ്ട്. സൈനിക വാഹനങ്ങൾ കടന്നുപോകുന്നതിനിടെ തീവ്രവാദികൾ മറ്റൊരു വാഹനത ്തിൽ ഘടിപ്പിച്ച സ്ഫോടകവസ്തു പൊട്ടിത്തെറിച്ചായിരുന്നു അപകടം.
പുൽവാമയിൽ ഫെബ്രുവരി 14ന് തീവ്രവാദികൾ നടത്തിയ ആക്രമണത്തിൽ 40 സി.ആർ.പി.എഫ് ജവാന്മാർ കൊല്ലപ്പെട്ടിരുന്നു. ജമ്മു-ശ്രീനഗർ ദേശീയപാതയിലൂടെ സഞ്ചരിക്കുകയായിരുന്ന സൈനിക വാഹനങ്ങൾക്കുനേരെയായിരുന്നു ആക്രമണം. ഇവിടെനിന്ന് 27 കിലോമീറ്റർ അകലെയാണ് കഴിഞ്ഞദിവസം സ്ഫോടനമുണ്ടായത്.
പുൽവാമ ജില്ലയിലെ അവന്തിപുര നഗരത്തിൽ ഭീകരാക്രമണത്തിന് നീക്കമുണ്ടെന്ന് കഴിഞ്ഞദിവസം പാകിസ്താൻ രഹസ്യാന്വേഷണ വിഭാഗം മുന്നറിയിപ്പ് നൽകിയിരുന്നു. ഇസ്ലാമാബാദിലെ ഇന്ത്യൻ ഹൈകമീഷനാണ് പാകിസ്താൻ വിവരം കൈമാറിയത്. അമേരിക്കൻ രഹസ്യാന്വേഷണ ഏജൻസിയും സമാന മുന്നറിയിപ്പ് പുറപ്പെടുവിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.