മുംബൈ: മുതിർന്ന ബി. ജെ.പി നേതാവും കേന്ദ്ര മന്ത്രിയുമായ നിതിൻ ഗഡ്കരിക്ക് ലോക്സഭ തെരഞ്ഞെടുപ്പിൽ ടിക്കറ്റ് വാഗ്ദാനം ചെയ്ത് ശിവസേന (യു.ബി.ടി) നേതാവ് ഉദ്ധവ് താക്കറെ.
പൊതുവേദിയിൽ സംസാരിക്കേയാണ് ഉദ്ധവിന്റെ വാഗ്ദാനം. ഗഡ്കരി ബി.ജെ.പി വിട്ട് എം.വി.എയിൽ വരണമെന്നും തങ്ങൾ മത്സരിപ്പിക്കാമെന്നുമാണ് ഉദ്ധവിന്റെ വാഗ്ദാനം. ബി.ജെ.പി സ്ഥാനാർഥിപ്പട്ടികയിൽ നാഗ്പുർ സിറ്റിങ് എം.പിയായ ഗഡ്കരിയുടെ പേരില്ലാത്തതിനെ തുടർന്ന് അഭ്യൂഹങ്ങൾ പ്രചരിക്കുന്ന സാഹചര്യത്തിലാണ് ഉദ്ധവിന്റെ ക്ഷണം.
എന്നാൽ, ഗഡ്കരി തങ്ങളുടെ മുതിർന്ന നേതാവാണെന്നും മഹാരാഷ്ട്രയിലെ സ്ഥാനാർഥിപ്പട്ടികയിൽ ആദ്യ പേര് നിതിൻ ഗഡ്കരിയുടേതായിരിക്കുമെന്നും ബി.ജെ.പി നേതാവായ ഉപമുഖ്യമന്ത്രി ദേവേന്ദ്ര ഫഡ്നാവിസ് പ്രതികരിച്ചു. തകർന്നടിഞ്ഞ പാർട്ടിയാണ് ഗഡ്കരിക്ക് ടിക്കറ്റ് വാഗ്ദാനം നൽകുന്നതെന്ന് പരിഹസിച്ചുകൊണ്ടാണ് ഫഡ്നാവിസിന്റെ പ്രതികരണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.