ന്യൂഡൽഹി: അൺലോക്ക് നാലാം ഘട്ട മാർഗനിർദേശങ്ങൾ കേന്ദ്ര ആഭ്യന്തര മന്ത്രാലയം പുറത്തിറക്കി. സെപ്റ്റംബർ ഏഴ് മുതൽ ഗ്രേഡ് രീതിയിൽ മെട്രോ സർവിസുകൾ പുനരാരംഭിക്കാൻ അനുമതി നൽകി.
വിദ്യാഭാസ സ്ഥാപനങ്ങൾ, ഇൻഡോർ തിയറ്ററുകൾ, സ്വിമ്മിങ് പൂളുകൾ എന്നിവ അടഞ്ഞുകിടക്കും.
സെപ്റ്റംബർ 21 മുതൽ ഉപാധികളോടെ പൊതുപരിപാടികൾക്ക് അനുമതി നൽകി. രാഷ്ട്രീയ, വിനോദ, കായിക, മത, സാമൂഹിക, സാംസ്കാരിക പരിപാടികൾ 100ൽ കൂടുതൽ ആളുകൾ കവിയാതെ നടത്താം.
Unlock 4 opens up more activities outside Containment Zones
— Spokesperson, Ministry of Home Affairs (@PIBHomeAffairs) August 29, 2020
Metro rail allowed to operate with effect from 07.09.20 in a graded manner, by MOHUA/ Min. of Railways , in consultation with MHA. In this regard, SOP will be issued by MOHUA
Press Release 👇https://t.co/5utNQfYAVn
സെപ്റ്റംബർ 21 മുതൽ സ്കൂളുകളിൽ 50 ശതമാനം ജീവനക്കാർക്ക് ഹാജരാകാം. ഒമ്പത് മുതൽ 12 വരെ ക്ലാസുകളിലുള്ള വിദ്യാർഥികൾക്ക് സ്കൂളുകളിൽ എത്തി അധ്യാപകരുടെ ഉപദേശം സ്വീകരിക്കാം. എന്നാൽ രക്ഷിതാക്കൾ ഇതിന് രേഖാമൂലം സമ്മതം നൽകിയിരിക്കണം. കണ്ടെയ്ൻമെൻറ് മേഖലകളല്ലാത്ത സ്ഥലങ്ങളിൽ ലോക്ഡൗൺ പ്രഖ്യാപിക്കാൻ പാടില്ല.
സെപ്റ്റംബർ 21 മുതൽ ഓപൺ എയർ തിയറ്ററുകളിൽ പരിപാടികൾ നടത്താൻ അനുമതിയുണ്ട്. സെപ്റ്റംബർ 30 വരെയാണ് അൺലോക്ക് നാല് ഘട്ടം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.