കൊച്ചി: ഉപരാഷ്ട്രപതി എം. വെങ്കയ്യനായിഡു വെള്ളിയാഴ്ച കൊച്ചിയില്‍. വൈകീട്ട് 4.30ന് കൊച്ചി നാവിക വിമാനത്താവളത്തിലെത്തുന്ന അദ്ദേഹം 4.50ന് തേവര സേക്രഡ ഹാര്‍ട്ട് കോളജിലെത്തും. കോളജിെൻറ പ്ലാറ്റിനം ജൂബിലി ആഘോഷങ്ങളിലെ മുഖ്യാതിഥിയാണ് ഉപരാഷ്ട്രപതി. കെ.വി. തോമസ് എം.പിയുടെ വിദ്യാധനം പദ്ധതിയിലുള്‍പ്പെടുത്തി വിതരണം ചെയ്യുന്ന കിന്‍ഡിലുകളുടെ ഉദ്ഘാടനവും അദ്ദേഹം നിര്‍വഹിക്കും. ഗവര്‍ണര്‍ ജസ്റ്റിസ് പി. സദാശിവവും ചടങ്ങില്‍ പങ്കെടുക്കും. മേയര്‍ സൗമിനി ജയിന്‍, കെ.വി. തോമസ് എം.പി, ഹൈബി ഈഡന്‍ എം.എൽ.എ, കോളജ് പ്രിന്‍സിപ്പല്‍ ഫാ. പ്രശാന്ത് പാലക്കാപ്പിള്ളില്‍ തുടങ്ങിയവര്‍ യോഗത്തില്‍ പങ്കെടുക്കും. രണ്ടിന് രാവിലെ 10.30ന് നാവിക വിമാനത്താവളത്തില്‍ നിന്ന് ഉപരാഷ്ട്രപതി കോട്ടയത്തേക്ക് തിരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.