ഭൂമി തർക്കത്തെ തുടർന്ന് ഭർതൃ സഹോദരന്‍റെ ഭാര്യയെ വാളുക്കൊണ്ട് തലക്ക് വെട്ടി കൊന്നു.
ബീഹാറിലെ പാട്‌നക്കടുത്തുള്ള ദനാപൂരിലാണ് സംഭവം. ഗീത ദേവി എന്ന സ്ത്രീയാണ് സ്വത്ത് തർക്കത്തിന്‍റെ പേരിൽ ഭർതൃ സഹോദരന്‍റെ ഭാര്യയായ സരോജ് ദേവിയെ കൊലപ്പെടുത്തിയത്.
ഏതാനും വർഷങ്ങളായി ഇരുകുടുംബങ്ങളും തമ്മിൽ ഭൂമി ഓഹരി വെക്കുന്നതിന്‍റെ കാര്യവുമായി ബന്ധപ്പെട്ട് തർക്കങ്ങളുണ്ടാകാറുണ്ടെന്നും സംഭവ ദിവസം ഇതേ വിഷയത്തിൽ ഇരു വീട്ടുകാരും വഴക്കിട്ടിരുന്നു എന്നും പറയുന്നു.
നൗബത്പൂർ പൊലീസ് സ്റ്റേഷൻ പരിധിയിലെ ബാബുപൂർ ഗ്രാമത്തിലാണ് ഇരു കുടുംബങ്ങളും താമസിക്കുന്നത്. ഭൂമി വിതരണത്തെ ചൊല്ലിയുണ്ടായ തർക്കത്തിനിടെ ഗീതാ ദേവി വാളെടുത്ത് സരോജ് ദേവിയുടെ തലക്ക് വെട്ടുകയായിരുന്നു. അടിയേറ്റ് ബോധരഹിതയായ സ്ത്രീയെ ഉടൻ ആശുപത്രിയിൽ എത്തിച്ചെങ്കിലും മരണപ്പെട്ടിരുന്നു. സംഭവത്തിൽ കേസ് രജിസ്റ്റർ ചെയ്ത് അന്വേഷണം തുടരുന്നുണ്ടെന്ന് പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.