മുംബൈ: ഏഷ്യയിലെ ഏറ്റവും വലിയ ചേരിയായ ധാരാവി ലോക ബാങ്ക് സി.ഇ.ഒ ക്രിസ്റ്റലിന ജോർജീവ സന്ദർശിച്ചു. ചർച്ച് ഗേറ്റ് മുതൽ ദാദർ വരെ ലോക്കൽ ട്രെയിനിൽ യാത്ര ചെയ്താണ് അവർ ചേരി പ്രദേശങ്ങളിലെത്തിയത്. ലോക ബാങ്കിെൻറ സഹായത്തോടെ നടപ്പിലാക്കിയ മുംബൈയിലെ സബർബൻ റെയിൽ സംവിധാനത്തിെൻറ പ്രവർത്തനങ്ങൾ മനസിലാക്കുന്നതിന് വേണ്ടിയാണ് ക്രിസ്റ്റലിന ധാരവിയിലെത്തിയത്.
ലോക ബാങ്കുമായി ചേര്‍ന്ന് സര്‍വശിക്ഷാ അഭിയാന്‍ നടത്തുന്ന ഭിന്നശേഷി വിദ്യാര്‍ഥികള്‍ക്കായുള്ള പരിപാടിയിലും അവർ സംബന്ധിച്ചു.
ഇന്ത്യയുടെ ആരോഗ്യ, വിദ്യാഭ്യാസ, സാമ്പത്തിക രംഗങ്ങളിലെ വളർച്ചകൾ ലോകത്തിന് സുസ്ഥിര വികസന ലക്ഷ്യം നേടാൻ സഹായകമാണെന്നും ഇന്ത്യയുടെ വികസനം ആഗോള വളർച്ചയെ സ്വാധീനിക്കുമെന്നും ക്രിസ്റ്റലിന പറഞ്ഞു.
കേന്ദ്രധനകാര്യമന്ത്രി അരുൺ ജയ്റ്റ്ലി, മഹാരാഷ്ട്ര മുഖ്യമന്ത്രി ദേവേന്ദ്ര ഫട്നാവിസ് എന്നിവരുമായും ആർ.ബി.െഎ ഗവർണർ ഉൗർജിത് പേട്ടലുമായും ക്രിസ്റ്റലിന കൂടിക്കാഴ്ച നടത്തും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.