ബഗ്ദാദ്: ശനിയാഴ്ച തെക്കന്‍ ഇറാഖിലെ ബസ്റ സഗരത്തില്‍ അനുഭവപ്പെട്ടത് റെക്കോഡ് ചൂട്. 53 ഡിഗ്രിയായിരുന്നു കഴിഞ്ഞ ദിവസത്തെ താപനില. ഈ വര്‍ഷത്തെ ഏറ്റവും കൂടിയ താപനിലയാണ് ഇത്. ഇറാഖില്‍ ശനിയാഴ്ച അനുഭവപ്പെട്ടത് 51 ഡിഗ്രി ചൂട് ആണെന്ന് കാലാവസ്ഥാ നിരീക്ഷണകേന്ദ്രം അറിയിച്ചു. കൊടുംചൂടിനെ തുടര്‍ന്ന് ബസ്റയിലെ ജനം നദികളിലും ജലാശയങ്ങളിലും ആശ്രയം തേടിയതായാണ് റിപ്പോര്‍ട്ട്. ബസ്റയില്‍ വൈദ്യുതിക്ഷാമവും രൂക്ഷമായിരിക്കയാണ്. കൂടിയ താപനിലയും ഇറാനില്‍ നിന്ന് വൈദ്യുതി ഇറക്കുമതി നിലച്ചതുമാണ് കാരണം. വരുദിനങ്ങളില്‍ താപനില 45 ഡിഗ്രി സെല്‍ഷ്യസ് ആയി കുറയുമെന്നാണ് കരുതുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.