ലണ്ടന്‍: ബ്രിട്ടീഷ് പ്രധാനമന്ത്രി തെരേസ മെയ് റഷ്യന്‍ പ്രസിഡന്‍റ് വ്ളാദിമിര്‍ പുടിനുമായി ഫോണില്‍ ചര്‍ച്ച നടത്തി. പ്രധാനമന്ത്രിയായശേഷം മെയ് പുടിനുമായി നടത്തുന്ന ആദ്യ ചര്‍ച്ചയാണിത്. ഇരു രാജ്യങ്ങളും തമ്മിലുള്ള ബന്ധം പൂര്‍ണ സംതൃപ്തി നല്‍കുന്നതല്ളെന്നും കൂടുതല്‍ മെച്ചപ്പെടുത്തണമെന്നും ഇരു നേതാക്കളും അഭിപ്രായപ്പെട്ടു. അടുത്ത മാസം ചൈനയില്‍ നടക്കുന്ന ജി20 ഉച്ചകോടിയില്‍ നേരിട്ട് സംസാരിക്കാനും നേതാക്കള്‍ ധാരണയിലത്തെി. ഇരു രാജ്യങ്ങളും നേരിടുന്ന പൊതു സുരക്ഷാഭീഷണികളെ സംബന്ധിച്ചും വ്യോമയാന മേഖലയിലെ സഹകരണത്തെക്കുറിച്ചുമാണ് സംസാരിച്ചതെന്ന് ബ്രിട്ടീഷ് അധികൃതര്‍ അറിയിച്ചു. നേരത്തേ സിറിയ, യുക്രെയ്ന്‍ തുടങ്ങിയ വിഷയങ്ങളിലെ അഭിപ്രായഭിന്നതയെ തുടര്‍ന്ന് ബ്രിട്ടനും റഷ്യയും തമ്മിലുള്ള ബന്ധം വഷളായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.