ആരാധനാലയങ്ങളിൽ അഞ്ചുപേർ മാത്രം​; അന്തിമ തീരുമാനം സർവകക്ഷി യോഗത്തിന്​ ശേഷം -മലപ്പുറം കലക്​ടർ

മലപ്പുറം: ആരാധനാലയങ്ങളിൽ അഞ്ച് പേരായി ചുരുക്കണമെന്ന ഉത്തരവിൽ വിശദീകരണവുമായി മലപ്പുറം കലക്ടർ കെ. ഗോപാലകൃഷ്​ണ​ൻ . ഇക്കാര്യത്തിൽ സംസ്ഥാന തലത്തിൽ തിങ്കളാഴ്ച നടക്കുന്ന സർവ്വകക്ഷി യോഗത്തിൽ തീരുമാനമെടുക്കുന്നതാണെന്ന്​ മുഖ്യമന്ത്രി അറിയിച്ചിട്ടുണ്ടെന്നും അതിന്​ ശേഷം മാത്രമേ അന്തിമ തീരുമാനമെടുക്കൂവെന്നും കലക്​ടർ അറിയിച്ചു.

മത നേതാക്കളുമായി മുമ്പ്​ നടന്ന യോഗത്തിലും, പിന്നീട് ഫോണിലൂടെയും ജനപ്രതിനിധികളുമായി ഓൺലൈൻ മീറ്റിങ്ങിലൂടെയും സംസാരിച്ചതിന് ശേഷം മലപ്പുറത്തെ ജനങ്ങളുടെ സുരക്ഷിതത്വം കണക്കിലെടുത്താണ് ഇത്തരത്തിലൊരു തീരുമാനമെടുത്തതെന്ന്​ കലക്​ടർ കൂട്ടി​ച്ചേർത്തു.

വെള്ളിയാഴ്ച പുതുതായി ഇറക്കിയ ഉത്തരവിലാണ് ലോക്ഡൗൺ കാലത്തിന് സമാനമായ നിയന്ത്രണം ഏർപ്പെടുത്തിയത്​.ചർച്ച നടത്തിയതിന്​ ശേഷമാണ്​ തീരുമാനമെന്ന്​ കലക്​ടർ പറഞ്ഞെങ്കിലും ഇക്കാര്യം മതനേതാക്കളും ജനപ്രതിനിധികളും നിഷേധിക്കുകയാണ്. തീരുമാനം അറിയില്ലെന്നും ഏകപക്ഷീയമായി എടുത്തതാണെന്നുമാണ് ജനപ്രതിനിധികളും മതനേതാക്കളും പറയുന്നത്​. ദുരന്തനിവാരണ സമിതിയിലെ മറ്റ് അംഗങ്ങളുമായി അടക്കം ചർച്ച ചെയ്യാതെ കലക്​ടർ ഏകപക്ഷീയമായി തീരുമാനം എടുത്തതെന്നാണ് ലഭിക്കുന്ന സൂചന. മുസ്​ലിം സംഘടനകൾ സംയുക്​ത പ്രസ്​താവനയും ഇറക്കി. മുസ്​ലിം ലീഗ്​ നേതാക്കളായ കെ.പി.എ മജീദ്​, സാദിഖലി തങ്ങൾ എന്നിവരും തീരുമാനം പുനഃപരിശോധിക്കണമെന്ന്​ ആവശ്യപ്പെട്ടു. കഴിഞ്ഞ ദിവസം കലക്ടർ വിളിച്ചു ചേർത്ത ഒാൺലൈൻ യോഗത്തിൽ പെങ്കടുത്ത ജനപ്രതിനിധികളായ ഇ.ടി മുഹമ്മദ്​ ബഷീർ, ടി.വി ഇബ്രാഹീം എന്നിവരും ഇങ്ങനെ ഒരു തീരുമാനം തങ്ങളുടെ അറിവോ സമ്മതമോ ഇല്ലാതെയാണ്​ എടുത്തതെന്ന്​ മാധ്യമങ്ങളെ അറിയിച്ചു.

കലക്ടർ ഇത്തരമൊരു നിർദേശം മുന്നോട്ട് വെച്ചെങ്കിലും ആരാധാനാലയങ്ങളുടെ സ്ഥല സൗകര്യത്തിന് അനുസരിച്ച് ആളുകളെ കോവിഡ് മാനദണ്ഡങ്ങൾ പാലിച്ച് പ്രവേശിപ്പിക്കണമെന്ന നിർദേശമാണ്​ ജനപ്രതിനിധികൾ മുന്നോട്ടു​ വെച്ചത്​.​ കോവിഡ്​ കേസുകൾ മലപ്പുറത്തേക്കാൾ കൂടുതലുള്ള ജില്ലകളിൽ പോലുമില്ലാത്ത നിയന്ത്രണങ്ങളാണ്​ മലപ്പുറത്ത്​ മാത്രമായാണ്​ ഏർപ്പെടുത്തിയിരിക്കുന്നത്​. റമദാനി​െല രാത്രി നമസ്​കാരത്തിന്​ പ്രത്യേക അനുമതി മുഖ്യമന്ത്രി പിണറായി വിജയൻ നൽകിയതിന്​ ശേഷം ജില്ല കലക്​ടർ എങ്ങനെയാണ്​ ഇങ്ങനെയൊരു തീരുമാനമെടുക്കുകയെന്നാണ്​ സംഘടനകൾ ചോദിക്കുന്നത്​. ​