കൊച്ചി: ആദിവാസി ഗോത്ര മഹാസഭയുടെ നേതൃത്വത്തില്‍ രാഷ്ട്രീയ മുന്നണി രൂപവത്കരിക്കുമെന്ന് ഗോത്ര മഹാസഭ അധ്യക്ഷ സി.കെ. ജാനു.
നായര്‍ മുതല്‍ നായാടിവരെയുള്ള വെള്ളാപ്പള്ളിയുടെ സഖ്യത്തിലില്ലാത്തവരുമായി ഇക്കാര്യത്തില്‍ ചര്‍ച്ച നടത്തുമെന്നും സി.കെ. ജാനു കൊച്ചിയില്‍ മാധ്യമ പ്രവര്‍ത്തകരോട് പറഞ്ഞു.ആദിവാസി ഊര് വികസന രാഷ്ട്രീയ മുന്നണിയെന്നാകും പാര്‍ട്ടിയുടെ പേര്.
നിയമസഭ തെരഞ്ഞെടുപ്പിന് മുമ്പ് പാര്‍ട്ടി രൂപവത്കരിക്കാനാണ് ലക്ഷ്യമിടുന്നത്. ഇക്കാര്യത്തില്‍ ചര്‍ച്ച പുരോഗമിക്കുകയാണ്. ആദിവാസികള്‍, ദലിതര്‍, കര്‍ഷകര്‍, മത്സ്യത്തൊഴിലാളികള്‍ എന്നിവരെ ഉള്‍പ്പെടുത്തിയാകും മുന്നണി രൂപവത്കരിക്കുക. ഭൂമിക്കുവേണ്ടിയുള്ള നില്‍പ് സമരം പുനരാരംഭിക്കുമെന്നും ജാനു പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.